ແລະ ຊ່ວຍເຫຼືອຈາກເພື່ອນມິດສາກົນ ບົນພື້ນຖານຕ່າງຝ່າຍຕ່າງມີຜົນປະໂຫຍດ ແລະ ຕາມຍຸດທະສາດຫັນປ່ຽນປະເທດ ທີ່ບໍ່ຕິດຈອດກັບທະເລ ເປັນປະເທດເຊື່ອມໂຍງ-ເຊື່ອມຈອດ; ແຂວງວຽງຈັນ ໄດ້ສຸມໃສ່ປະຕິບັດນະໂຍບາຍ ແລະ ຍຸດທະສາດດັ່ງກ່າວ ຊຶ່ງໃນນີ້ ນັບແຕ່ປີ 1982 ເປັນຕົ້ນມາ ຄະນະພັກ, ອົງຄະນະພັກແຂວງ ໄດ້ສຸມໃສ່ພັດທະນາ 2 ດ່ານທ້ອງຖິ່ນ ກໍຄືດ້ານບ້ານວັງ ແລະ ດ່ານຊະນະຄາມ ເມືອງຊະນະຄາມ ຊຶ່ງເປັນດ່ານທ້ອງຖິ່ນ ເພື່ອຊຸກຍູ້ພົວພັນຮ່ວມມື ລະຫວ່າງແຂວງວຽງຈັນ ແລະ ຈັງຫວັດເລີຍ ແຫ່ງຣາຊະອານາຈັກໄທ ທີ່ມີຊາຍແດນຕິດຈອດກັນ ຍາວເຖິງ 97 ກິໂລແມັດ (ກມ).
ສຳລັບດ່ານທ້ອງຖິ່ນບ້ານວັງໃນເມື່ອກ່ອນ, ແມ່ນຂຶ້ນກັບເມືອງຊະນະຄາມ ແຕ່ພາຍຫຼັງສ້າງຕັ້ງເມືອງໝື່ນໃນວັນທີ 3 ກໍລະກົດ 2008 ດ່ານທ້ອງຖິ່ນບ້ານວັງກໍໄດ້ມາຂຶ້ນກັບເມືອງໝື່ນ; ນັບແຕ່ນັ້ນມາ, ນອກຈາກມີການເຂົ້າ-ອອກຂອງປະຊາຊົນແຂວງວຽງຈັນ-ຈັງຫວັດເລີຍແລ້ວ, ກໍຍັງມີເຮືອບັກບໍລິການຂົນ-ສົ່ງສິນຄ້າ, ແຮ່ທາດຈຳນວນໜຶ່ງຕາມການຕົກລົງເຫັນດີຂອງລັດຖະບານສອງຝ່າຍ. ດ່ານທ້ອງຖິ່ນບ້ານວັງມີທີ່ຕັ້ງລຽບຕາມລໍາແມ່ນໍ້າຂອງຕາມເສັ້ນທາງເລກທີ11, ຫ່າງຈາກນະຄອນຫຼວງວຽງຈັນ ປະມານ 99 ກມ, ຫ່າງຈາກຂົວມິດຕະພາບລາວ-ໄທ ແຫ່ງທີ 1 ປະມານ 122 ກມ, ຫ່າງຈາກເທດສະບານແຂວງວຽງຈັນ 177 ກມ, ຫ່າງຈາກສະຖານີລົດໄຟລາວ-ຈີ ນ(ເມືອງໂພນໂຮງ) ປະມານ 144 ກມ ແລະ ຫ່າງຈາກດ່ານທ້ອງຖິ່ນຊະນະຄາມປະມານ 38 ກມ.
ດ່ານບ້ານວັງ, ມີທີ່ຕັ້ງຢູ່ກົງກັນຂ້າມກັບຈຸດຜ່ານແດນດ່ານຖາວອນບ້ານຄົກໄຜ່ ຕຳບົນປາກຊົມ ອຳເພີປາກຊົມຈັງຫວັດເລີຍ ຣາຊະອານາຈັກໄທ. ອີງໃສ່ຈຸດພິເສດທາງດ້ານທີ່ຕັ້ງພູມສັນຖານທີ່ກ່າວມານັ້ນ, ດ່ານບ້ານວັງເມືອງໝື່ນ ແຂວງວຽງຈັນ ເປັນຈຸດຍຸດທະສາດທີ່ມີຄວາມສຳຄັນໃນການເຊື່ອມໂຍງ-ເຊື່ອມຈອດສຳລັບການຄ້າ, ການບໍລິການ, ການຂົນສົ່ງ ແລະ ການທ່ອງທ່ຽວໃນສະເພາະໜ້າ ແລະ ຍາວນານ. ອົງການປົກຄອງແຂວງວຽງຈັນໃນແຕ່ລະລຸ້ນໄດ້ມີຄວາມພະຍາຍາມໃນການປັບປຸງ ແລະ ຍົກລະດັບດ່ານທ້ອງຖິ່ນແຫ່ງນີ້ຂຶ້ນເປັນດ່ານສາກົນ ເພື່ອຍົກລະດັບຂີດຄວາມສາມາດໃນການໃຫ້ບໍລິການປະຊາຊົນຂອງທັງຂອງສອງປະເທດລາວ - ໄທ, ໄທ - ລາວ, ກໍຄືປະຊາຊົນບັນດາເຜົ່າຊາວແຂວງວຽງຈັນ ແລະ ຈັງຫວັດເລີຍ ໃຫ້ມີຄວາມສະດວກສະບາຍກວ່າເກົ່າໃນການໄປມາຫາສູ່, ຢ້ຽມຢາມທ່ອງທ່ຽວ, ຂົນສົ່ງ-ຄ້າຂາຍ ແລະອື່ ນໆ.
ເມື່ອເປັນເຊັ່ນນັ້ນ, ໃນມະຕິກອງປະຊຸມໃຫຍ່ຂອງອົງຄະນະພັກແຂວງວຽງຈັນ ສະໄໝທີ V ແລະ ສະໄໝທີ VI, ແຜນພັດທະນາເສດຖະກິດ-ສັງຄົມ 5 ປີຄັ້ງທີ VI ຂອງແຂວງ ກໍຄືແຜນການພັດທະນາເສດຖະກິດ - ສັງຄົມ ແຫ່ງຊາດ 5 ປີ ຄັ້ງທີ IX (2021-2025) ກໍໄດ້ກຳນົດເອົາວຽກການຍົກລະດັບດ່ານທ້ອງຖິ່ນຂອງແຂວງວຽງຈັນ ໂດຍສະເພາະດ່ານບ້ານວັງ ເມືອງໝື່ນ ແຂວງວຽງຈັນ ຂຶ້ນເປັນດ່ານສາກົນເປັນວຽກບຸລິມະສິດ ທີ່ຕ້ອງສຸມໃສ່. ຜ່ານການຈັດຕັ້ງປະຕິບັດວຽກງານຕ່າງໆທີ່ກ່ຽວຂ້ອງ, ການລົງປະເມີນສະພາບຕີລາຄາ ກໍໄດ້ມີນິຕິກຳຕ່າງໆກ່ຽວກັບດ່ານບ້ານວັງ ແລະ ກໍໄດ້ມີການປະກາດຍົກລະດັບດ່ານບ້ານວັງ ເປັນດ່ານສາກົນ ແຫ່ງທໍາອິດຂອງແຂວງວຽງຈັນ ຢ່າງເປັນທາງການ.
ຄໍາເຫັນ