ທ່ານ ໂມຮາໝັດ ຮາຊານ ລັດຖະມົນຕີການຕ່າງປະເທດ ມາເລເຊຍ ຢືນຢັນວ່າ: ມາເລເຊຍ ມີຄວາມພ້ອມໃນການຮັບດຳລົງຕຳແໜ່ງປະທານ ອາຊຽນ ໃນປີ 2025.
ຂ່າວລະບຸວ່າ: ທ່ານ ໂມຮາໝັດ ຮາຊານ ໃຫ້ຮູ້ວ່າ: ມາເລເຊຍ ຮັບຮູ້ຢ່າງຈະແຈ້ງໜ້າທີ່ຄວາມຮັບຜິດຊອບເມື່ອຮັບດຳລົງຕຳແໜ່ງປະທານ ອາຊຽນ 2025, ສະນັ້ນ, ມາເລເຊຍ ໄດ້ພະຍາຍາມປະຕິບັດບັນດາວຽກງານກະກຽມຮັບໜ້າທີ່. ໃນນັ້ນ, ມາເລເຊຍ ຈະສຸມໃສ່ກ່ຽວກັບການເພີ່ມທະວີບົດບາດຂອງ ອາຊຽນ ໃນການຊຸກຍູ້ການກຳນົດຮູບແບບໃນອະນາຄົດຂອງພາກພື້ນ; ພ້ອມທັງ, ຖືເປັນສຳຄັນເຖິງການປັບປຸງບັນດາຄວາມມຸ່ງຫວັງທົ່ວໂລກ, ບັນດານະໂຍບາຍໂດຍປະຊາຊົນຊຸກຍູ້ ແລະ ບັນດາກົນໄກມຸ່ງໄປເຖິງອະນາຄົດ.
ໃນພິທີປິດກອງປະຊຸມຂັ້ນສູງ ອາຊຽນ ຄັ້ງທີ 45 ໃນວັນທີ 11 ຕຸລາ ຈະມາເຖິງນີ້, ມາເລເຊຍ ຈະຮັບດຳລົງຕຳແໜ່ງປະທານ ອາຊຽນ 2025 ຈາກ ລາວ ແລະ ຮັບບົດບາດໜ້າທີ່ນີ້ຢ່າງເປັນທາງການນັບແຕ່ວັນທີ 1 ມັງກອນ 2025.
ຄໍາເຫັນ