ໂດຍ: ຍຸພິນທອງ
ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ(ຖວທ) ນະຄອນຫຼວງວຽງຈັນ(ນວ) ເປັນເຈົ້າພາບໃນການຈັດພິທີສະເຫຼີມສະຫຼອງຂົວມິດຕະພາບລາວ-ໄທ ແຫ່ງທີ 1 ຄົບຮອບ 30 ປີ;ໃນໂອກາດດັ່ງກ່າວ ທ່ານ ນາງ ວຽງພອນ ແກ້ວຄູນສີ ຫົວໜ້າພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນໄດ້ໃຫ້ສໍາພາດຕໍ່ສື່ມວນຊົນໃນວັນທີ 21 ເມສາ 2024 ທີ່ຂົວມິດຕະພາບລາວ-ໄທ ແຫ່ງທີ 1 ວ່າ:ໂດຍໄດ້ຮັບການມອບໝາຍຈາກອົງການປົກຄອງນະຄອນຫຼວງວຽງຈັນ ພະແນກ ຖວທ ນວ ໄດ້ມີການກະກຽມແລະປະກອບສ່ວນ ສອງໜ້າວຽກໃຫຍ່ຄື: ອັນທີໜຶ່ງແມ່ນວຽກງານປະດັບປະດາເອ້ໄຟແສງສີສຽງ ຢູ່ບໍເວນຂົວມິດຕະພາບລາວ-ໄທ ແຫ່ງທີ 1 ແລະ ວຽກທີສອງແມ່ນການວາງສະແດງຮູບພາບ ຊຶ່ງຮູບພາບທີ່ນໍາມາວາງສະແດງໃນພິທີປະກອບມີທັງໝົດແມ່ນ 89 ພາບ, ໂດຍເລີ່ມຈາກຮູບພາບທໍາອິດ ແມ່ນພາບທີ່ສະແດງເຖິງເວລາການເລີ່ມລົງມືກໍ່ສ້າງເປັນຕົ້ນມາ ຈົນຮອດໄລຍະການນໍາໃຊ້ຂົວມິດຕະພາບແຕ່ລະໄລຍະ, ນອກຈາກກິດຈະກໍາວາງສະແດງຮູບພາບການນໍາໃຊ້ຂົວດັ່ງກ່າວແລ້ວ ຍັງມີບັນດາຮູບພາບກ່ຽວກັບສະຖານທີ່ແຫຼ່ງທ່ອງທ່ຽວຢູ່ນະຄອນຫຼວງວຽງຈັນ ໂດຍຕິດພັນກັບປີທ່ອງທ່ຽວລາວ ເນື່ອງຈາກວ່າປີ 2024ເປັນປີທ່ອງທ່ຽວລາວ ແລະພິເສດປີ 2024 ແມ່ນ ສປປ ລາວ ໄດ້ຮັບກຽດເປັນປະທານກອງປະຊຸມສຸດຍອດອາຊຽນ;ພ້ອມນີ້ ຖວທ ນວ ຍັງໄດ້ມີກິດຈະກໍາສະແດງສິລະປະວັນນະຄະດີ ຕື່ມອີກ.
ທ່ານ ນາງ ວຽງພອນແກ້ວຄູນສີໄດ້ໃຫ້ຮູ້ຕື່ມວ່າ: ນອກຈາກບັນດາກິດຈະກໍາທີ່ພະແນກ ຖວທ ນວ ໄດ້ຮັບມອບໝາຍແລ້ວ ກໍຍັງມີກິດຈະກໍາປິ່ນອ້ອມ ເປັນຕົ້ນແມ່ນໃນຕອນເຊົ້າຂອງວັນທີ 21 ເມສາ 2024 ເລີ່ມແຕ່ເວລາ 5:30 ໂມງເຊົ້າ ໄດ້ມີພິທີໃສ່ບາດ ຊຶ່ງມີພະສົງຝ່າຍລາວ 31 ອົງ, ຝ່າຍໄທ 31 ອົງ ລວມເປັນ 62 ອົງ ເພື່ອຄວາມເປັນສີລິມົງຄຸນການນໍາໃຊ້ຂົວມິດຕະພາບດັ່ງກ່າວ ຢູ່ທີ່ຈຸດໃຈກາງຂອງຂົວມິດຕະພາບ ໂດຍການເຂົ້າຮ່ວມຂອງການນໍາຂັ້ນສູງຂອງນະຄອນຫຼວງວຽງຈັນ; ການນໍາຂອງແຂວງໜອງຄາຍ ແລະ ທ່ານເອກອັກຄະລັດຖະທູດອົສຕຣາລີ ປະຈໍາ ສປປ ລາວ ພ້ອມດ້ວຍປະຊາຊົນສອງຝັ່ງລາວ-ໄທເຂົ້າຮ່ວມຊຶ່ງພິທີໃສ່ບາດແມ່ນໄດ້ຈັດຂຶ້ນຢູ່ຈຸດໃຈກາງຂອງຂົວເພື່ອເປັນການຢັ້ງຢືນເຖິງສາຍພົວພັນມິດຕະພາບແລະການຮ່ວມມື ລະຫວ່າງສາມຊາດ ລາວ, ອົສຕຣາລີ ແລະ ໄທ ຊຶ່ງເປັນການຮ່ວມມືເພື່ອມິດຕະພາບ, ການຮ່ວມມືເພື່ອການພັດທະນາ ແລະ ການຮ່ວມມືເພື່ອຄວາມຍືນຍົງ.
*
ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ(ຖວທ) ນະຄອນຫຼວງວຽງຈັນ(ນວ) ເປັນເຈົ້າພາບໃນການຈັດພິທີສະເຫຼີມສະຫຼອງຂົວມິດຕະພາບລາວ-ໄທ ແຫ່ງທີ 1 ຄົບຮອບ 30 ປີ;ໃນໂອກາດດັ່ງກ່າວ ທ່ານ ນາງ ວຽງພອນ ແກ້ວຄູນສີ ຫົວໜ້າພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນໄດ້ໃຫ້ສໍາພາດຕໍ່ສື່ມວນຊົນໃນວັນທີ 21 ເມສາ 2024 ທີ່ຂົວມິດຕະພາບລາວ-ໄທ ແຫ່ງທີ 1 ວ່າ:ໂດຍໄດ້ຮັບການມອບໝາຍຈາກອົງການປົກຄອງນະຄອນຫຼວງວຽງຈັນ ພະແນກ ຖວທ ນວ ໄດ້ມີການກະກຽມແລະປະກອບສ່ວນ ສອງໜ້າວຽກໃຫຍ່ຄື: ອັນທີໜຶ່ງແມ່ນວຽກງານປະດັບປະດາເອ້ໄຟແສງສີສຽງ ຢູ່ບໍເວນຂົວມິດຕະພາບລາວ-ໄທ ແຫ່ງທີ 1 ແລະ ວຽກທີສອງແມ່ນການວາງສະແດງຮູບພາບ ຊຶ່ງຮູບພາບທີ່ນໍາມາວາງສະແດງໃນພິທີປະກອບມີທັງໝົດແມ່ນ 89 ພາບ, ໂດຍເລີ່ມຈາກຮູບພາບທໍາອິດ ແມ່ນພາບທີ່ສະແດງເຖິງເວລາການເລີ່ມລົງມືກໍ່ສ້າງເປັນຕົ້ນມາ ຈົນຮອດໄລຍະການນໍາໃຊ້ຂົວມິດຕະພາບແຕ່ລະໄລຍະ, ນອກຈາກກິດຈະກໍາວາງສະແດງຮູບພາບການນໍາໃຊ້ຂົວດັ່ງກ່າວແລ້ວ ຍັງມີບັນດາຮູບພາບກ່ຽວກັບສະຖານທີ່ແຫຼ່ງທ່ອງທ່ຽວຢູ່ນະຄອນຫຼວງວຽງຈັນ ໂດຍຕິດພັນກັບປີທ່ອງທ່ຽວລາວ ເນື່ອງຈາກວ່າປີ 2024ເປັນປີທ່ອງທ່ຽວລາວ ແລະພິເສດປີ 2024 ແມ່ນ ສປປ ລາວ ໄດ້ຮັບກຽດເປັນປະທານກອງປະຊຸມສຸດຍອດອາຊຽນ;ພ້ອມນີ້ ຖວທ ນວ ຍັງໄດ້ມີກິດຈະກໍາສະແດງສິລະປະວັນນະຄະດີ ຕື່ມອີກ.
ທ່ານ ນາງ ວຽງພອນແກ້ວຄູນສີໄດ້ໃຫ້ຮູ້ຕື່ມວ່າ: ນອກຈາກບັນດາກິດຈະກໍາທີ່ພະແນກ ຖວທ ນວ ໄດ້ຮັບມອບໝາຍແລ້ວ ກໍຍັງມີກິດຈະກໍາປິ່ນອ້ອມ ເປັນຕົ້ນແມ່ນໃນຕອນເຊົ້າຂອງວັນທີ 21 ເມສາ 2024 ເລີ່ມແຕ່ເວລາ 5:30 ໂມງເຊົ້າ ໄດ້ມີພິທີໃສ່ບາດ ຊຶ່ງມີພະສົງຝ່າຍລາວ 31 ອົງ, ຝ່າຍໄທ 31 ອົງ ລວມເປັນ 62 ອົງ ເພື່ອຄວາມເປັນສີລິມົງຄຸນການນໍາໃຊ້ຂົວມິດຕະພາບດັ່ງກ່າວ ຢູ່ທີ່ຈຸດໃຈກາງຂອງຂົວມິດຕະພາບ ໂດຍການເຂົ້າຮ່ວມຂອງການນໍາຂັ້ນສູງຂອງນະຄອນຫຼວງວຽງຈັນ; ການນໍາຂອງແຂວງໜອງຄາຍ ແລະ ທ່ານເອກອັກຄະລັດຖະທູດອົສຕຣາລີ ປະຈໍາ ສປປ ລາວ ພ້ອມດ້ວຍປະຊາຊົນສອງຝັ່ງລາວ-ໄທເຂົ້າຮ່ວມຊຶ່ງພິທີໃສ່ບາດແມ່ນໄດ້ຈັດຂຶ້ນຢູ່ຈຸດໃຈກາງຂອງຂົວເພື່ອເປັນການຢັ້ງຢືນເຖິງສາຍພົວພັນມິດຕະພາບແລະການຮ່ວມມື ລະຫວ່າງສາມຊາດ ລາວ, ອົສຕຣາລີ ແລະ ໄທ ຊຶ່ງເປັນການຮ່ວມມືເພື່ອມິດຕະພາບ, ການຮ່ວມມືເພື່ອການພັດທະນາ ແລະ ການຮ່ວມມືເພື່ອຄວາມຍືນຍົງ.
*
ຄໍາເຫັນ