ມີຄົນເຂົ້າ-ອອກຜ່ານດ່ານສາກົນຂົວມິດຕະພາບ 3 ຈຳນວນ 85 ພັນຄົນ ແລະ ພາຫະນະ 67 ພັນຄັນ

ມີຄົນເຂົ້າ-ອອກຜ່ານດ່ານສາກົນຂົວມິດຕະພາບ 3 ຈຳນວນ 85 ພັນຄົນ ແລະ ພາຫະນະ 67 ພັນຄັນ
ທ່ານ ພັທ ສຸກທອງ ວົງສາ ຫົວໜ້າ ດ້ານ ຕຳຫຼວດກວດຄົນເຂົ້າ-ອອກເມືອງ(ຕມ) ປະຈຳດ່ານສາກົນຂົວມິດຕະພາບ 3ແຂວງ ຄຳມ່ວນ ໃຫ້ສຳພາດຕໍ່ສື່ມວນຊົນຂອງແຂວງ ເມື່ອບໍ່ດົນຜ່ານມາ ກ່ຽວກັບການຈັດຕັ້ງປະຕິບັດວຽກງານໃນໄລຍະຜ່ານມາ ກໍ່ຄືການໃຫ້ບໍລິການຄວາມສະດວກໃຫ້ຜູ້ຄົນທີ່ຜ່ານເຂົ້າ-ອອກພາຍໃນດ່ານ ເພື່ອໃຫ້ຄົນລາວ ແລະ ຕ່າງປະເທດ ໄດ້ເດີນທາງເຂົ້າ-ອອກໄດ້ຢ່າງສະດວກ, ວ່ອງໄວ ແລະ ຖືກຕ້ອງວ່າ: ປີ 2023 ຜ່ານມາສາມາດກວດຄົນເຂົ້າເມືອງໄດ້ທັງໝົດ 338.659 ຄົນ, ຍິງ 102.034 ຄົນ, ເດັກ 18.750 ຄົນ, ພາຫະນະແຈ້ງເຂົ້າເມືອງທັງໝົດ 182.678 ຄັນ. ສະເພາະໃນປີ 2024 ເລີ່ມແຕ່ເດືອນມັງກອນ 2024 ມາຮອດປັດຈຸບັນ ມີຈຳນວນ ຄົນເຂົ້າ-ອອກ ທັງໝົດ 85.871 ຄົນ. ໃນນັ້ນເປັນຄົນລາວ 31.222 ຄົນ, ຍິງ 17.882 ຄົນ, ເດັກ 3.630 ຄົນ, ຄົນຕ່າງປະເທດ 54.649 ຄົນ, ຍິງ 11.920 ຄົນ, ເດັກ 1.536 ຄົນ ແລະ ມີພາຫະນະເຂົ້າ-ອອກ 67.059 ຄັນ,  ຖ້າທຽບໃສ່ໃນໄລຍະດຽວກັນຂອງປີຜ່ານມາ ແມ່ນເພີ່ມຂຶ້ນ 3.937 ຄົນ, ສ່ວນຫລາຍແມ່ນກຸ່ມນັກທ່ອງທ່ຽວທີ່ເປັນຄົນໄທ. 
ທ່ານ ໃຫ້ຮູ້ຕື່ມວ່າ :ດ້ານຂໍ້ສະດວກ ໃນການຈັດຕັ້ງປະຕິບັດໃນໄລຍະຜ່ານມາແມ່ນມີກົດໝາຍ, ນິຕິກຳ ກ່ຽວກັບວຽກງານກວດຄົນເຂົ້າ-ອອກເມືອງ, ການນຳຂັ້ນເທິງໄດ້ເອົາໃຈໃສ່ລົງກວດກາຢ່າງໃກ້ຊິດ, ເປັນປະຈຳ,  ພະນັກງານມີແນວຄິດຫຼັກໝັ້ນຫ້າວຫັນໃນການຈັດຕັ້ງປະຕິບັດ ເຮັດໜ້າທີ່ວິຊາສະເພາະຂອງຕົນດ້ວຍຄວາມເປັນເຈົ້າການສູງ. ໄປຄຽງຄູ່ກັນນັ້ນ ກໍ່ຍັງມີດ້ານຄົງຄ້າງອີກຈຳນວນໜຶ່ງ ເປັນຕົ້ນ: ບໍ່ທັນມີເຄື່ອງມືໃນການກວດກາທີ່ທັນສະໄໝ ໂດຍສະເພາະເຄື່ອງເອັກສະເລ  ເຮັດໃຫ້ມີຄວາມຫຍຸ້ງຍາກທີ່ຈະກວດພົບສິ່ງຂອງທີ່ຜິດກົດໝາຍ ທີ່ບຸກຄົນບໍ່ຫວັງດີ ຊຸກເຊື່ອງໄວ້ນຳກະເປົາເດີນທາງ, ເຄື່ອງຂອງຕິດຕົວ ແລະ ພາຫະນະລົດເຂົ້າ-ອອກ. 
ເພື່ອບໍລິການຮອງຮັບໃຫ້ແກ່ນັກທ່ອງທ່ຽວ ໃນປີທ່ອງທ່ຽວລາວ ປີ 2024  ແມ່ນໄດ້ເອົາໃຈໃສ່ປັບປຸງຂອດການບໍລິການແຈ້ງເອກະສານໃຫ້ມີຄວາມສະດວກ, ຂະຫຍາຍປ່ອງບໍລິການ ພ້ອມທັງເອົາໃຈໃສ່ໃນດ້ານວຽກງານຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ຊຶ່ງໄດ້ຈັດວາງກຳລັງ ປະຈຳແຕ່ລະຈຸດພາຍໃນດ່ານ ຕາມແຜນທີ່ໄດ້ກຳນົດໄວ້ ເພື່ອກວດກາສະພາບທາງດ້ານຄວາມເປັນລະບຽບຮຽບຮ້ອຍ ຂອງກຸ່ມນັກທ່ອງທ່ຽວ ແລະ ຜູ້ໂດຍສານທີ່ເດີ່ນທາງເຂົ້າມາ ສປປ ລາວ ຕາມປະຕູດ່ານ ໃຫ້ຖືກຕ້ອງຕາມຂັ້ນຕອນ, ຕາມລະບຽບການ, ໄດ້ເອົາໃຈໃສ່ກວດກາເອກະສານເດີ່ນທາງຂອງນັກທ່ອງທ່ຽວຢ່າງເຂັ້ມງວດ ເພື່ອແນໃສ່ປ້ອງກັນ ບໍ່ໃຫ້ມີການເຂົ້າ-ອອກ ທີ່ຜິດລະບຽບການ. 
ສຳລັບດ້ານຟື້ນຖານໂຄງລ່າງ ໂດຍລວມແລ້ວ ແມ່ນໄດ້ຮັບການປັບປຸງໃຫ້ດີຂຶ້້ນ ເປັນຕົ້ນແມ່ນ ຕຶກ, ອາຄານສະຖານທີ່ເຮັດວຽກ ໄດ້ຮັບການປັບປຸງ, ປົວແປງ ທາສີຕາມສຳນັກງານ, ອາຄານ, ປັບປຸງລະບົບໄຟຟ້າຢູ່ຕຶກອາຄານ, ໄຟເຍືອງທາງ ໃຫ້ມີຄວາມສະຫວ່າງ ນອກນີ້ກໍ່ຈະໄດ້ມີການປັບປຸງ, ປະດັບປະດາພາຍໃນຕຶກອາຄານ, ເດີ່ນພາຍໃນບໍລິເວນດ່ານໃຫ້ມີຄວາມສະດວກ, ມີຄວາມສະອາດສວຍງາມ ເພື່ອແນໃສ່ດຶງດູດນັກທ່ອງທ່ຽວໃຫ້ເຂົ້າມາທ່ຽວແຂວງຄຳມ່ວນຫຼາຍຂຶ້ນ.(ຂ່າວ-ພາບ: ກອງຄຳ)

ຄໍາເຫັນ

ຂ່າວວັດທະນະທຳ-ສັງຄົມ

ໄລຍະສະຫຼອງປີໃໝ່ລາວທົ່ວແຂວງ​ອັດຕະປື​ ມີອຸບັດຕິເຫດເກີດຂຶ້ນ 17 ລາຍ,​ ເສຍຊີວິດ 1ຄົນ

ໄລຍະສະຫຼອງປີໃໝ່ລາວທົ່ວແຂວງ​ອັດຕະປື​ ມີອຸບັດຕິເຫດເກີດຂຶ້ນ 17 ລາຍ,​ ເສຍຊີວິດ 1ຄົນ

ທ່ານ ຮທ ວິລະສອນ ສີສະແຫວງສຸກ ຮອງກອງຄະດີອຸບັດຕິເຫດແຂວງອັດຕະປື ໃຫ້ຮູ້ວ່າ: ໄລຍະບຸນປີໃໝ່ລາວແຕ່ວັນທີ 11-17 ເມສາ 2025 ທົ່ວແຂວງ ອັດຕະປື ມີອຸບັດເຫດເກີດຂຶ້ນທັງໝົດ 17 ລາຍ, ທຽບໃສ່ປີ 2024 ຜ່ານມາ ອຸບັດຕິເຫດເພີ່ມຂຶ້ນ 4 ລາຍ.
ສະຫວັນນະເຂດ ເຜີຍແຜ່ມະຕິຂອງຄະນະບໍລິຫານງານສູນກາງພັກ ວ່າດ້ວຍການປັບປຸງກົງຈັກການຈັດຕັ້ງ

ສະຫວັນນະເຂດ ເຜີຍແຜ່ມະຕິຂອງຄະນະບໍລິຫານງານສູນກາງພັກ ວ່າດ້ວຍການປັບປຸງກົງຈັກການຈັດຕັ້ງ

ກອງປະຊຸມເຜີຍແຜ່ເຊື່ອມຊຶມມະຕິຂອງຄະນະບໍລິຫານງານສູນກາງພັກ ວ່າດ້ວຍການປັບປຸງກົງຈັກການຈັດຕັ້ງ ໄດ້ຈັດຂຶ້ນວັນທີ 21 ເມສານີ້ ທີ່ຫ້ອງປະຊຸມຫ້ອງວ່າການແຂວງສະຫວັນນະເຂດ ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ
ວາງກະຕ່າດອກໄມ້ ໂອກາດວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 70 ປີ

ວາງກະຕ່າດອກໄມ້ ໂອກາດວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 70 ປີ

ຄະນະນຳສູນກາງຊາວໜຸ່ມປະຊາຊົນປະຕິວັດລາວ ນຳໂດຍ ສະຫາຍ ມອນໄຊ ລາວມົວຊົ່ງ ກຳມະການສໍາຮອງສູນກາງພັກເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ພ້ອມດ້ວຍຄະນະ ໄດ້ເຂົ້າວາງກະຕ່າດອກໄມ້ ເນື່ອງໃນໂອກາດ ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຄົບຮອບ 70 ປີ
ໜ່ວຍພັກສະຖານທູດລາວ ທີ່ປັກກິ່ງດຳເນີນກອງປະຊຸມໃຫຍ່ ຄັ້ງທີ III

ໜ່ວຍພັກສະຖານທູດລາວ ທີ່ປັກກິ່ງດຳເນີນກອງປະຊຸມໃຫຍ່ ຄັ້ງທີ III

ກອງປະຊຸມໃຫຍ່ ຄັ້ງທີ III ຂອງໜ່ວຍພັກສະຖານທູດລາວ ທີ່ປັກກິ່ງສປ ຈີນ ໄດ້ຈັດຂຶ້ນໃນວັນທີ 19 ເມສາຜ່ານມານີ້, ພາຍໃຕ້ການເປັນປະທານຂອງ ສະຫາຍ ສົມພອນ ສີຈະເລີນ ເລຂາໜ່ວຍພັກເອກອັກຄະລັດຖະທູດ ແຫ່ງ ສປປ ລາວ ປະຈຳ ສປ ຈີນ.
ຫາລືການແກ້ໄຂບັນຫາຂາດແຄນຄູສອນ ຢູ່ແຂວງຫຼວງພະບາງ

ຫາລືການແກ້ໄຂບັນຫາຂາດແຄນຄູສອນ ຢູ່ແຂວງຫຼວງພະບາງ

ໃນວັນທີ 21 ເມສານີ້ ຢູ່ກອງບັນຊາການທະຫານແຂວງຫຼວງພະບາງ ໄດ້ຈັດກອງປະຊຸມປຶກສາຫາລືແກ້ໄຂບັນຫາການຂາດແຄນຄູສອນ ໂດຍການເປັນທານ ຂອງສະຫາຍ ພັນເອກ ວັນໄຊ ຄຳພາວົງ ຫົວໜ້າຫ້ອງການ ກົມໃຫຍ່ການເມືອງກອງທັບ.
ຂະແໜງ ພບ ຈະປັບປຸງການເຮັດວຽກຫຼາຍດ້ານ

ຂະແໜງ ພບ ຈະປັບປຸງການເຮັດວຽກຫຼາຍດ້ານ

ປີ 2024 ທີ່ຜ່ານມາ, ຂະແໜງພະລັງງານ ແລະ ບໍ່ແຮ່ (ພບ) ບົນພື້ນຖານໃນເງື່ອນໄຂ ແລະ ສະພາບລວມທີ່ເກີດຂຶ້ນຂອງເສດຖະກິດໂລກ ແລະ ພາກພື້ນ,ແຕ່ຂະແໜງ ພບ ໄດ້ພ້ອມກັນປຸກລຸກຈິດໃຈເປັນເຈົ້າການໃຫ້ສູງຂຶ້ນ ແລະ ມີຄວາມພະຍາຍາມ ນໍາໃຊ້ທຸກຫົວຄິດປະດິດສ້າງ
ຮັກສາການຫົວໜ້າ ຄຕພ ຕ້ອນຮັບ ບັນດາເອກອັກຄະລັດຖະທູດລາວ

ຮັກສາການຫົວໜ້າ ຄຕພ ຕ້ອນຮັບ ບັນດາເອກອັກຄະລັດຖະທູດລາວ

ໃນວັນທີ 18 ເມສາ ຜ່ານມານີ້, ທ່ານ ບຸນເຫຼືອ ພັນດານຸວົງຮັກສາການຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕ້ອນຮັບບັນດາເອກອັກຄະລັດຖະທູດ ແຫ່ງ ສປປ ລາວ ຈໍານວນ 4 ທ່ານ ທີ່ຈະໄປດໍາລົງຕໍາແໜ່ງເອກອັກຄະລັດຖະທູດ ຢູ່ຕ່າງປະເທດ,ໂດຍມີ ທ່ານ ຈາຕຸລົງ ບົວສີສະຫວັດ
ການເພີ່ມພື້ນທີ່ສີຂຽວໃນຕົວເມືອງມີຄວາມສໍາຄັນຫຼາຍ

ການເພີ່ມພື້ນທີ່ສີຂຽວໃນຕົວເມືອງມີຄວາມສໍາຄັນຫຼາຍ

ໂດຍ: ວັນເພັງ ອິນທະໄຊ ການເພີ່ມພື້ນທີ່ສີຂຽວໃນຕົວເມືອງ ໂດຍສະເພາະໃນນະຄອນຫຼວງວຽງຈັນ(ນວ) ເປັນໜຶ່ງບັນຫາສໍາຄັນຫຼາຍ ທີ່ພາກສ່ວນກ່ຽວຂ້ອງ ມີຄວາມພະຍາຍາມໃນການເພີ່ມພື້ນທີ່ສີຂຽວ ໃນຕົວເມືອງ. ໃນນັ້ນ, ປະເທດເພື່ອນບ້ານ,
ຮອງປະທານ ສນຊ ຜູ້ປະຈໍາການ ຢ້ຽມຢາມ ເຜົ່າກຣີ

ຮອງປະທານ ສນຊ ຜູ້ປະຈໍາການ ຢ້ຽມຢາມ ເຜົ່າກຣີ

ໃນວັນທີ 20 ເມສານີ້, ທ່ານ ຄໍາໄຫຼ ສີປະເສີດ ກໍາມະການສູນກາງພັກຮອງປະທານ ສູນກາງແນວລາວສ້າງຊາດ (ສນຊ) ຜູ້ປະຈໍາການ ພ້ອມດ້ວຍຄະນະ ລົງເຄື່ອນໄຫວວຽກງານແນວລາວສ້າງຊາດ ຢູ່ແຂວງໄຊຍະບູລີ ຊຶ່ງຄະນະໄດ້ໄປຢ້ຽມຢາມຊີວິດການເປັນຢູ່ຂອງຊົນເຜົ່າກຣີ (ເຜົ່າຕອງເຫຼືອງ)
ທ່າອ່ຽງສະພາບອັດຕາເງິນເຟີ້ຂອງ ສປປ ລາວ ໃນ 3 ເດືອນຕົ້ນປີ

ທ່າອ່ຽງສະພາບອັດຕາເງິນເຟີ້ຂອງ ສປປ ລາວ ໃນ 3 ເດືອນຕົ້ນປີ

ໂດຍ: ສ.ບຸດປະຊາ ອັດຕາເງິນເຟີ້ຂອງ ສປປ ລາວ ໃນໄລຍະ 3 ເດືອນຕົ້ນປີ 2025 ໄດ້ມີຈັງຫວະທີ່ຊ້າລົງຕິດຕໍ່ກັນ ຊຶ່ງສາເຫດຕົ້ນຕໍ ທີ່ສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ ໄດ້ລະບຸໃນບົດລາຍງານອັດຕາເງິນເຟີ້ ປະຈໍາເດືອນມັງກອນ, ກຸມພາ ແລະ ມີນາ
ເພີ່ມເຕີມ