ການເຊັນສັນຍາໃນຄັ້ງນີ້ ລົງນາມເຊັນໂດຍທ່ານ ສີສະໝອນ ສຣິດທິຣາດ ຜູ້ອຳນວຍການ ບໍລິສັດ ລາວເນເຊີນນໍ ເພເມັ້ນ ເນັດເວີກ ຈຳກັດ (LAPNet) ແລະ ທ່ານ ອາລຸນນະເດດ ບານຈິດ ອຳນວຍການ ບໍລິສັດລາວໂມບາຍມັນນີ ຈຳກັດຜູ້ດຽວ (MmoneyX) ໂດຍເຂົ້າຮ່ວມເປັນສັກຂີພະຍານ ໂດຍ ທ່ານ ບັນດິດ ສຈ ບໍ່ວຽງຄໍາ ວົງດາລາ ລັດຖະມົນຕີ ກະຊວງ ເຕັກໂນໂລຊີ ແລະ ການສື່ສານ, ທ່ານ ປອ ສັນຕິສຸກ ສິມມາລາວົງ ຮອງລັດຖະມົນຕີ ກະຊວງ ເຕັກໂນໂລຊີ ແລະ ການສື່ສານ, ທ່ານ ສຸລິສັກ ທຳນຸວົງ ຮອງຜູ້ວ່າການທະນາຄານ ແຫ່ງ ສປປ ລາວ, ທ່ານ ສຸພົນ ຈັນທະວີໄຊ ຜູ້ອຳນວຍການໃຫ່ຍ ບໍລິສັດ ລາວໂທລະຄົມມະຫາຊົນ ແລະ ທ່ານ ມະໂນລິດ ຊຸມພົນພັກດີ ວ່າການຫົວໜ້າກົມຄຸ້ມຄອງລະບົບການຊໍາລະ ທະນາຄານແຫ່ງ ສປປ ລາວ ໂດຍການເຊັນສັນຍາ ໃນຄັ້ງນີ້ ເພື່ອເປັນການເຊື່ອມຕໍ່ເອັມມັນນີເອັກສ ເຂົ້າຮ່ວມເປັນສະມາຊິກໃໝ່ຂອງ LAPNet ຢ່າງເປັນທາງການ ເປັນກະເປົາເງີນອີເລັກໂທນິກອັນດັບທຳອິດທີ່ໄດ້ເປັນຮັບຮອງເປັນສະມາຊິກ ແລະ ເປັນບາດກ້າວສໍາຄັນທີ່ ເອັມມັນນີເອັກສ, ໃນການຍົກລະດັບການໃຫ້ບໍລິການໂອນເງິນແບບໄຮ້ຮອຍຕໍ່ ໃນລະຫວ່າງການເຮັດທຸລະກຳກັບບັນດາທະນາຄານຕ່າງໆທີ່ເປັນສະມາຊິກຂອງ LAPNet ຫາ ເອັມມັນນີເອັກສ ນອກຈາກນັ້ນ ກະເປົາເອັມມັນນີເອັກສ ຍັງສາມາດໂອນເຂົ້າທຸກບັນຊີທະນາຄານທີ່ເປັນສະມາຊິກໄດ້ເຊັ່ນກັນ ເຊິ່ງກວມລວມເຖີງການສະແກນຊຳລະສິນຄ້າຕ່າງໆ ດ້ວຍ QR Code ທີ່ເປັນ Lao QR ສາມາດນຳໃຊ້ໄດ້ທຸກຮ້ານຄ້າທົ່ວປະເທດລາວ.
 |
ປະຈຸບັນ ເອັມມັນນີເອັກ ເຂົ້າເປັນສະມາຊິກ LAPNet ຖືເປັນບາດກ້າວສຳຄັນໃນການພັດທະນາແອັບພິເຄຊັນດ້ານການເງິນດິຈິຕອລຂອງລາວ ເຊິ່ງເປັນເຄືອຂ່າຍລະບົບຊຳລະເງິນລະຫວ່າງສະຖາບັນການເງິນ (Interbank Payment Network) ທີ່ຖືກພັດທະນາໂດຍທະນາຄານແຫ່ງ ສປປ ລາວ ເພື່ອສ້າງລະບົບການໂອນເງິນລະຫວ່າງທະນາຄານ ແລະ ພາກສ່ວນບໍລິການການເງິນດິຈິຕອລໃຫ້ເປັນມາດຕະຖານ ມີຄວາມປອດໄພ ແລະ ຄວາມໄວສູງ. ການຮ່ວມມືໃນຄັ້ງນີ້ ບໍ່ແມ່ນພຽງແຕ່ການເຊັນສັນຍາ ແຕ່ເປັນການປູທາງສໍາລັບການຮ່ວມມືໄລຍະຍາວລະຫວ່າງ ແລະ ເອັມມັນນີເອັກສ ທີ່ຈະນໍາເອົານະວັດຕະກຳທາງການເງິນ ແລະ ບໍລິການທີ່ສະດວກປອດໄພມາໃຫ້ປະຊາຊົນລາວຢ່າງທົ່ວໜ້າ.
 |
ນອກນັ້ນ ເອັມມັນນີເອັກສ ຍັງມີການອັບເດດແອັບໃຫ້ກາຍເປັນ Mmoney SuperX ເຊີ່ງເປັນສູນລວມຈາກທຸກບໍລິການຂອງໂທລະຄົມມາເປີດບໍລິການທີ່ແອັບ MmoneyX, ນອກຈາກນັ້ນຍັງສາມາດຮອງຮັບ ກະເປົາການເງິນສຳລັບນັກທ່ອງທ່ຽວໂດຍການເຊື່ອມກັບລະບົບຂອງ Visa ແລະ Mastercard, ການບໍລິການຮັບເງິນໂອນຈາກຕ່າງປະເທດໂດຍຜ່ານລະບົບ Money Gram ໂດຍບໍ່ມີຄ່າທຳນຽມຮັບ ແລະ ຍັງມີໂປຣໂມຊັນຫຼາກຫຼາຍນຳອີກ. ທ່ານ ອາລຸນນະເດດ ບານຈິດ ຜູ້ອຳນວຍການ ບໍລິສັດ ລາວໂມບາຍມັນນີ ຈຳກັດຜູ້ດຽວ ຫລື MmoneyX ໄດ້ກ່າວໃນພິທີເຊັນສັນຍາວ່າ: ການຮ່ວມມືໃນຄັ້ງນີ້, ມີຈຸດປະສົງຫຼັກ ເພື່ອຮັບຮອງເອົາການເຂົ້າເປັນສະມາຊິກຂອງ LAPNet ຢ່າງເປັນທາງການ ຈຸດປະສົງເພື່ອເປັນສົ່ງເສີມການພັດທະນາວົງການບໍລິການການເງິນດິຈິຕອນຜ່ານກະເປົາເງິນເທິງມືຖື ຂອງ ສປປ ລາວ ແລະ ເພື່ອຕອບສະໜອງ ການຫັນເປັນທັນສະໄໝ ໃນການຊຳລະສະສາງດ້ານການເງິນ, ການຫັນເປັນທັນສະໄໝຕາມວິໄສທັດຂອງລັດຖະບານ ກໍ່ຄືທີດການເຫັນເປັນດິຈີຕອນຂອງກະຊວງເຕັກໂນໂລຊີ ແລະ ການສື່ສານ ວາງອອກ ແລະ ການເຂົ້າເຖິງການບໍລິການທາງດ້ານການເງິນໃນທົ່ວປະເທດ (Financial Inclusion) ຕາມທິດຂອງທະນາຄານແຫ່ງ ສປປ ລາວ ຜ່ານບໍລິີການກະເປົາເງິນເທິີງມີືຖື MmoneyX ທີ່ສາມາດເຊື່ອມໂຍງບັນດາທະນາຄານ, ບໍລິສັດ Fintech ທັງພາຍໃນ ແລະ ສາກົນໂດຍຜ່ານເຄືອຂ່າຍຂອງ LAPNet ເພື່ອອຳນວຍຄວມສະດວກໃຫ້ແກ່ພໍ່ແມ່ປະຊາຊົນໃນການນຳໃຊ້ແອັບ MmoneyX ແບບບໍ່ຈຳກັດ ພຽງແຕ່ມີສັນຍານອິນເຕີເນັດ ກໍສາມາດເຮັດທຸລະກຳທາງດ້ານການເງິນໃນຄົບ ໃນແອັບດຽວ.
 |
#MmoneyX #LAPNET
#MmoneyX #MmoneySuperX
#TheNumberOneFintechInLaos
#ເອັມມັນນີເອັກສ #ເອັມມັນນີເອັກສຊູບເປີເອັກສ
#ກະເປົາເງິນອີເລັກໂທຣນິກອັນດັບ1ຂອງປະເທດລາວ
ຄໍາເຫັນ