ມົນລະພິດທາງອາກາດ ສົ່ງຜົນກະທົບຕໍ່ສຸຂະພາບຂອງຄົນເຮົາ

ມົນລະພິດທາງອາກາດ ສົ່ງຜົນກະທົບຕໍ່ສຸຂະພາບຂອງຄົນເຮົາ
ໂດຍ: ວັນເພັງ
ມົນລະພິດທາງອາກາດເປັນໜຶ່ງໃນຄວາມສ່ຽງຕໍ່ສິ່ງແວດລ້ອມແລະສົ່ງຜົນກະທົບຕໍ່ສຸຂະພາບຂອງຄົນເຮົາ ແລະມີສ່ວນເຮັດໃຫ້ເກີດການປ່ຽນແປງສະພາບດິນຟ້າອາກາດ ພ້ອມຄາດວ່າມົນລະພິດດັ່ງກ່າວຈະມີລະດັບຮຸນແຮງຂຶ້ນໃນເດືອນມີນາແລະເມສານີ້. ດັ່ງນັ້ນ, ທຸກຄົນຕ້ອງມີສະຕິປ້ອງກັນຕົນເອງ ໂດຍສະເພາະກຸ່ມຄົນທີ່ມີຄວາມສ່ຽງສູງເປັນຕົ້ນເດັກນ້ອຍ, ຜູ້ສູງອາຍຸ,ແມ່ຍິງຖືພາ, ເດັກໃນທ້ອງ, ຜູ້ທີ່ເປັນພະຍາດຫອບຫືດ ແລະ ຜູ້ທີ່ເປັນພະຍາດອື່ນໆ. 
ທ່ານວັນນະພັນພົງສາຮອງຫົວໜ້າຫ້ອງທົດລອງສິ່ງແວດລ້ອມກະຊວງຊັບພະຍາກອນທຳມະຊາດແລະສິ່ງແວດລ້ອມ (ກຊສ) ໄດ້ກ່າວຕໍ່ກອງປະຊຸມໃຫ້ຂໍ້ມູນຂ່າວສານກ່ຽວກັບມົນລະພິດທາງອາກາດເມື່ອບໍ່ດົນມານີ້ວ່າ: ໃນສປປລາວແຫຼ່ງມົນລະພິດທາງອາກາດຕົ້ນຕໍປະກອບມີການເຜົາໄໝ້ຈາກການເຮັດກະສິກຳ, ການຈູດຂີ້ເຫຍື້ອໃນຄົວເຮືອນແລະຫົວໜ່ວຍທຸລະກິດ, ໄຟໄໝ້ປ່າແລະການປ່ອຍມົນລະພິດຈາກພາຫະນະຕ່າງໆ. ມີການຄາດຄະເນວ່າມົນລະພິດທາງອາກາດຢູ່ພື້ນທີ່ນອກອາຄານໄດ້ສົ່ງຜົນໃຫ້ຄົນເຮົາປະມານ 4,2 ລ້ານຄົນ, ເສຍຊີວິດກ່ອນໄວອັນຄວນໃນທົ່ວໂລກໃນປີ 2019 ຊຶ່ງສາເຫດຕົ້ນຕໍເນື່ອງມາຈາກການສໍາຜັດກັບຝຸ່ນລະອອງ (ລວມທັງຝຸ່ນPM2.5) ອັນພາໃຫ້ເກີດພະຍາດຫົວໃຈ, ພະຍາດປອດ, ມະເຮັງ ແລະ ພະຍາດອື່ນໆ. ຝຸ່ນລະອອງຂະໜາດນ້ອຍນີ້ສາມາດດູດຊຶມຜ່ານປອດ, ເຂົ້າໄປໃນກະແສເລືອດແລະອະໄວຍະວະຕ່າງໆຊຶ່ງສາມາດສົ່ງຜົນກະທົບຮ້າຍແຮງຕໍ່ສຸຂະພາບຂອງຄົນເຮົາໄດ້. ສໍາລັບອາການໄລຍະສັ້ນທີ່ມາຈາກການສໍາຜັດມົນລະພິດທາງອາກາດ ຈະເຮັດໃຫ້ເຄືອງຕາ, ດັງ, ຄໍແລະປອດ, ໄອ, ຈາມ, ນໍ້າມູກໄຫຼ, ຫາຍໃຈຍາກ ແລະ ມີອາການຂອງພະຍາດອື່ນໆຮ້າຍແຮງຂຶ້ນເປັນຕົ້ນພະຍາດຫອບຫືດ. ສ່ວນອາການໄລຍະຍາວເຮັດໃຫ້ເສັ້ນເລືອດໃນສະໝອງຕີບ-ຕັນຫຼືແຕກ, ເປັນພະຍາດຫົວໃຈ, ມະເຮັງປອດແລະພະຍາດທາງເດີນຫາຍໃຈທັງແບບຊໍາເຮື້ອແລະແບບກະທັນຫັນ. ພ້ອມນັ້ນ,ການສຳຜັດມົນລະພິດທາງອາກາດສາມາດສະສົມໄປຕະຫຼອດຊີວິດແລະເພີ່ມຄວາມສ່ຽງໃຫ້ແກ່ຮ່າງກາຍຫຼາຍຂຶ້ນເລື້ອຍໆ.
ມົນລະພິດທາງອາກາດປະກອບມີຝຸ່ນລະອອງແລະສານເຄມີຊຶ່ງລະດັບຄວາມຮຸນແຮງຂອງມົນລະພິດດັ່ງກ່າວຈະມີການລາຍງານຕາມດັດຊະນີຄຸນນະພາບອາກາດຫຼືAQI ຊຶ່ງເປັນລະບົບການຈັດລະດັບເພື່ອຊີ້ບອກລະດັບມົນລະພິດທາງອາກາດ, ລວມທັງPM2.5 ທີ່ເປັນມົນລະພິດທາງອາກາດທີ່ເປັນອັນຕະລາຍທີ່ສຸດປະເພດໜຶ່ງ. ສະນັ້ນ, ກຊສ ໄດ້ນຳໃຊ້AQI ແລະຈະມີການລາຍງານສະຖານະການເປັນປະຈຳໃນໄລຍະທີ່ມີມົນລະພິດທາງອາກາດສູງສຸດ. ນອກນີ້, ທາງກະຊວງສາທາລະນະສຸກກໍຈະມີການອອກຄຳແນະນຳແລະແຈ້ງເຕືອນກ່ຽວກັບສຸຂະພາບເປັນປະຈຳຜ່ານເຟສສູນຂ່າວສານການແພດ ແລະ ສຸຂະສຶກສາທຸກທ່ານສາມາດເຂົ້າໄປເບິ່ງ ແລະ ຕິດຕາມໄດ້.ສະນັ້ນ, ເພື່ອຊ່ວຍກັນຫຼຸດຜ່ອນມົນລະພິດທາງອາກາດ ຕ້ອງຫຼຸກຜ່ອນແຫຼ່ງກໍາເນີດຂອງມົນລະພິດເປັນຕົ້ນຕ້ອງຫຼຸດຜ່ອນການຈູດຂີ້ເຫຍື້ອ, ຫຼຸດຜ່ອນການຈູດເສດໄມ້, ຫັນປ່ຽນມາໃຊ້ພະລັງງານສະອາດ, ຫັນປ່ຽນມາໃຊ້ພະລັງງານທົດແທນ, ຫັນປ່ຽນມາໃຊ້ລົດສາທາລະນະ ຫຼື ລົດໄຟຟ້າ ແລະ ອື່ນໆ. 
ທ່ານວັນນະພັນພົງສາຍັງໄດ້ແນະນະວ່າ: ເພື່ອປົກປ້ອງສຸຂະພາບຂອງທ່ານ, ຖ້າເປັນໄປໄດ້ຜູ້ທີ່ມີຄວາມສ່ຽງສູງຄວນຢູ່ພາຍໃນບ້ານ, ຖ້າອອກໄປກາງແຈ້ງແນະນຳໃຫ້ໃສ່ຜ້າອັດປາກ-ດັງ N95, ປິດປ້ອງຢ້ຽມ, ປະຕູເຮືອນ ແລະ ຍານພາຫະນະ, ແນະນໍາໃຫ້ມີເຄື່ອງຟອກອາກາດພາຍໃນເຮືອນ, ໃຫ້ປ່ຽນເວລາ ແລະ ສະຖານທີ່ອອກກຳລັງກາຍ, ຫຼີກລ່ຽງບ່ອນທີ່ມີການຈະລາຈອນໜາແໜ້ນ, ບ່ອນທີ່ມີຂີ້ຝຸ່ນຈາກການກໍ່ສ້າງ, ເຂດທີ່ມີການຈູດປ່າ, ຄວນຮູ້ເວລາ ແລະ ສະຖານທີ່ ທີ່ອາດຈະມີມົນລະພິດທາງອາກາດສູງ ເພື່ອວາງແຜນກິດຈະກຳພາຍນອກ. ສິ່ງສໍາຄັນຄວນມີຢາປົວພະຍາດພຽງພໍໄວ້ກໍລະນີສຸກເສີນ. ພ້ອມນີ້, ຖ້າທ່ານ ຫຼືື ຄົນໃນຄອບຄົວຮູ້ສຶກບໍ່ສະບາຍຄວນໄປພົບແພດໝໍໃກ້ບ້ານທ່ານໂດຍດ່ວນເຊັ່ນ: ໂຮງໝໍແຂວງ, ສູນກາງ, ເມືອງ, ສຸກສາລາ ແລະ ສະຖານທີໃຫ້ບໍລິການປິ່ນປົວອື່ນໆ ເພື່ອຈະໄດ້ກວດເບິ່ງອາການແລ້ວກິນຢາຕາມແພດສັ່ງ ພ້ອມປິ່ນປົວໃຫ້ທັນເວລາ.

ຄໍາເຫັນ

ຂ່າວວັດທະນະທຳ-ສັງຄົມ

ເຈົ້າແຂວງຈຳປາສັກ ເຄື່ອນໄຫວ ຊຸກຍູ້ວຽກງານກໍ່ສ້າງຮາກຖານການເມືອງຢູ່ເມືອງມຸນລະປາໂມກ

ເຈົ້າແຂວງຈຳປາສັກ ເຄື່ອນໄຫວ ຊຸກຍູ້ວຽກງານກໍ່ສ້າງຮາກຖານການເມືອງຢູ່ເມືອງມຸນລະປາໂມກ

ໃນວັນທີ 27 ກໍລະກົດນີ້, ສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລາຂາພັກແຂວງ ເຈົ້າແຂວງຈຳປາສັກ ປະທານຄະນະກຳມະການປ້ອງກັນຊາດ ປ້ອງກັນຄວາມສະຫງົບແຂວງ ໄດ້ເຄື່ອນໄຫວຕິດຕາມຊຸກຍູ້ ວຽກງານກໍ່ສ້າງຮາກຖານການເມືອງ ແລະ ວຽກງານຊາຍແດນ, ພ້ອມທັງ ຕິດຕາມໃຫ້ກຳລັງໃຈນາຍ ແລະ ພົນທະຫານ, ພະນັກງານນັກຮົບ ທີ່ເຮັດໜ້າທີ່ຢູ່ກົມກອງ, ຮາກຖານ ເຂດເມືອງມຸນລະປາໂມກ ແຂວງຈໍາປາສັກ, ໂດຍມີສະຫາຍ ພົນຈັດຕະວາ ວິລະຕູ່ ວໍລະຈິດ ຫົວໜ້າການເມືອງ ກອງບັນຊາການທະຫານແຂວງຈໍາປາສັກ, ສະຫາຍ ວັນນະສັກ ຊາດຕະກູນ ເລຂາພັກເມືອງມຸນລະປາໂມກ, ມີ ການນຳຂອງແຂວງ ແລະ ເມືອງມຸນລະປາໂມກເຂົ້າຮ່ວມ.
ທາບທາມບຸກຄະລາກອນ ສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງສາລະວັນ  ສະໄໝທີ X (ຮອບທີ 3)

ທາບທາມບຸກຄະລາກອນ ສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງສາລະວັນ ສະໄໝທີ X (ຮອບທີ 3)

ໃນວັນທີ 23 ກໍລະກົດຜ່ານມາ ທີ່ສະໂມສອນແຂວງສາລະວັນ ໄດ້ມີກອງປະຊຸມທາບທາມບຸກຄະລາກອນ ທີ່ຈະສະໝັກເລືອກຕັ້ງເຂົ້າໃນຄະນະບໍລິຫານງານພັກແຂວງສາລະວັນ ສະໄໝທີ X (ຮອບທີ 3) ໂດຍການເປັນປະທານ ຂອງສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ຜູ້ຊີ້ນຳວຽກງານຮອບດ້ານແຂວງສາລະວັນ, ມີສະຫາຍ ດາວວົງ ພອນແກ້ວ ກຳມະການສູນກາງພັກ ເລຂາພັກແຂວງ ເຈົ້າແຂວງສາລະວັນ, ມີແຂກຖືກເຊີນ ແລະ ຜູ້ມີສິດປ່ອນບັດທາມທາບ ທີ່ເປັນຕົວແທນໃຫ້ພາກສ່ວນກ່ຽວຂ້ອງເຂົ້າຮ່ວມ.
ໄຊສົມບູນ ທາບທາມຮ່າງເນື້ອໃນ ແລະ ບຸກຄະລາກອນທີ່ຈະສະໝັກເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ IX ຮອບທີ I

ໄຊສົມບູນ ທາບທາມຮ່າງເນື້ອໃນ ແລະ ບຸກຄະລາກອນທີ່ຈະສະໝັກເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ IX ຮອບທີ I

ສະຫະພັນແມ່ຍິງ ແຂວງໄຊສົມບູນ ຈັດກອງປະຊຸມທາບທາມຮ່າງເນື້ອໃນ ແລະ ບຸກຄະລາກອນ ທີ່ຈະສະໝັກເຂົ້າໃນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ IX ຮອບທີ I ຂຶ້ນ ໃນວັນທີ 24 ກໍລະກົດນີ້ ທີ່ຫ້ອງປະຊຸມຫ້ອງວ່າການແຂວງ ໂດຍການເປັນປະທານຂອງ ສະຫາຍ ພົຈວ ບົວພັນ ອິນທະປັນຍາ ຮອງເລຂາພັກແຂວງ ຜູ້ຊີ້ນຳວຽກງານພັກ- ພະນັກງານ.
ຫສປທ ເຜີຍແຜ່ເອກະສານວັນສ້າງຕັ້ງແນວລາວສ້າງຊາດ ແລະ ວັນສ້າງຕັ້ງສະຫະພັນແມ່ຍິງລາວ

ຫສປທ ເຜີຍແຜ່ເອກະສານວັນສ້າງຕັ້ງແນວລາວສ້າງຊາດ ແລະ ວັນສ້າງຕັ້ງສະຫະພັນແມ່ຍິງລາວ

ຫ້ອງວ່າການສຳນັກງານ ປະທານປະເທດ (ຫສປທ) ໄດ້ຈັດກອງປະຊຸມເຜີຍແຜ່ເອກະສານວັນສ້າງຕັ້ງແນວລາວສ້າງຊາດ ຄົບຮອບ 75 ປີ (13 ສິງຫາ 1950 - 13 ສິງຫາ 2025) ແລະ ວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ 1955 - 20 ກໍລະກົດ 2025) ຂຶ້ນໃນວັນທີ 25 ກໍລະກົດນີ້ ທີ່ຫ້ອງປະຊຸມ ຫສປທ, ໂດຍການເປັນປະທານ ແລະ ໃຫ້ກຽດເຜີຍແຜ່ເອກະສານດັ່ງກ່າວຂອງ ສະຫາຍ ອິນທະປັນຍາ ຂຽວວົງພະຈັນ ຮອງເລຂາຄະນະພັກ ຮອງຫົວໜ້າຫ້ອງວ່າການສຳນັກງານປະທານປະເທດ, ມີບັນດາຄະນະພັກ, ຫົວໜ້າກົມ, ຮອງກົມ, ສະມາຊິກພັກ ແລະ ພະນັກງານເຂົ້າຮ່ວມຮັບຟັງ.
ແມ່ຍິງອົງການໄອຍະການ ປະຊາຊົນສູງສຸດ ຍາດໄດ້ຜົນງານອັນພົ້ນເດັ່ນຫຼາຍດ້ານ

ແມ່ຍິງອົງການໄອຍະການ ປະຊາຊົນສູງສຸດ ຍາດໄດ້ຜົນງານອັນພົ້ນເດັ່ນຫຼາຍດ້ານ

ຄືດັ່ງພວກເຮົາຮັບຮູ້ນຳກັນແລ້ວວ່າ ແມ່ຍິງລາວນັບມື້ນັບມີບົດບາດອັນສູງເດັ່ນຂຶ້ນເລື້ອຍໆ ນັບທັງຢູ່ພາຍໃນປະເທດ ແລະ ເວທີສາກົນ. ເນື່ອງໃນໂອກາດສະເຫຼີມສະຫຼອງ ວັນສ້າງຕັ້ງແມ່ຍິງລາວ ຄົບຮອບ 70 ປີ (20 ກໍລະກົດ 1955 - 20 ກໍລະກົດ 2025)ໄດ້ໝູນວຽນມາບັນຈົບຄົບຮອບອີກວາລະໜຶ່ງ.
ອັດຕະປື ທາບທາມບຸກຄະລາກອນຈະສະໝັກເຂົ້າເປັນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ lX

ອັດຕະປື ທາບທາມບຸກຄະລາກອນຈະສະໝັກເຂົ້າເປັນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ lX

ໃນວັນທີ 23 ກໍລະກົດຜ່ານມາ ທີ່ຫໍປະຊຸມໃຫຍຂອງແຂວງອັດຕະປື, ຄະນະບໍລິຫານງານສະຫະພັນແມ່ແຂວງ ໄດ້ຈັດກອງປະຊຸມທາບທາມ ຮ່າງເນື້ອໃນເອກກະສານກອງປະຊຸມໃຫຍ່ຂອງຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ lX ແລະ ທາບທາມບຸກຄະລາກອນ ທີ່ຈະອອກສະໝັກເລືອກຕັ້ງ ເປັນຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ lX, ໂດຍການເປັນປະທານຂອງ ທ່ານ ນາງ ບຸນນານ ບຸນນະແສງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ.
ກອງປະຊຸມທາບທາມເນື້ອໃນຮ່າງລາຍງານການເມືອງ ແລະ ເເຜນພັດທະນາເສດຖະກິດ-ສັງຄົມ 5 ປີ

ກອງປະຊຸມທາບທາມເນື້ອໃນຮ່າງລາຍງານການເມືອງ ແລະ ເເຜນພັດທະນາເສດຖະກິດ-ສັງຄົມ 5 ປີ

ກອງປະຊຸມທາບທາມເນື້ອໃນ ຮ່າງລາຍງານການເມືອງ ແລະ ເເຜນພັດທະນາເສດຖະກິດ-ສັງຄົມ 5 ປີ (2025-2030) ຮອບທີ 1 ຢູ່ເມືອງວຽງພູຄາ ເເຂວງຫຼວງນໍ້າທາ ໄດ້ຈັດຂຶ້ນໃນວັນທີ 24 ກໍລະກົດນີ້ ຢູ່ທີ່ສະໂມສອນຂອງເມືອງ ໂດຍເປັນປະທານ ຂອງທ່ານ ສີວິໄລ ປັນເເກ້ວ ກໍາມະການປະຈໍາພັກເເຂວງ ຮອງເຈົ້າເເຂວງ.
ການນໍາຂັ້ນສູງເມືອງເງິນ ສືບຕໍ່ຊຸກຍູ້ໃຫ້ກຳລັງໃຈອາສະໝັກ ທີລົງຊ່ວຍເຫຼືອຟື້ນຟູຫຼັງໄພພິບັດ

ການນໍາຂັ້ນສູງເມືອງເງິນ ສືບຕໍ່ຊຸກຍູ້ໃຫ້ກຳລັງໃຈອາສະໝັກ ທີລົງຊ່ວຍເຫຼືອຟື້ນຟູຫຼັງໄພພິບັດ

ວັນທີ 24 ກໍລະກົດນີ້, ທ່ານ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງໆເງິນ ແຂວງໄຊຍະບູລີ ພ້ອມດ້ວຍທີມງານ ໄດ້ລົງຕິດຕາມຊຸກຍູ້ໃຫ້ກຳລັງໃຈບັນດາ ກຳລັງ ປກຊ - ປກສ, ພະນັກງານ, ປະຊາຊົນ ບ້ານຕ່າງໆ ແລະ ຄອບຄົວທີ່ຖືກຜົນກະທົບ
ສະຫາຍເລຂາພັກແຂວງສະຫວັນນະເຂດ ພົບປະໂອ້ລົມພະນັກງານຫຼັກແຫຼ່ງເມືອງໄຊພູທອງ

ສະຫາຍເລຂາພັກແຂວງສະຫວັນນະເຂດ ພົບປະໂອ້ລົມພະນັກງານຫຼັກແຫຼ່ງເມືອງໄຊພູທອງ

ໃນຕອນບ່າຍວັນທີ 23 ກໍລະກົດນີ້, ສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ໄດ້ສືບຕໍ່ລົງເຄື່ອນໄຫວພົບປະໂອ້ລົມ ແລະ ຕິດຕາມຊຸກຍູ້ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ອົງຄະນະພັກເມືອງໄຊພູທອງ, ໂດຍການຕ້ອນຮັບຂອງສະຫາຍ ນາງ ດາວວອນ ໄຊສຸລຽນ ເລຂາພັກເມືອງໄຊພູທອງ ພ້ອມດ້ວຍຄະນະບໍລິຫານງານພັກເມືອງ.
ນໍ້າບາກ ກັບຜົນສໍາເລັດການນໍາພາວຽກງານຮອບດ້ານໃນໄລຍະ 6 ເດືອນຕົ້ນປີ 2025

ນໍ້າບາກ ກັບຜົນສໍາເລັດການນໍາພາວຽກງານຮອບດ້ານໃນໄລຍະ 6 ເດືອນຕົ້ນປີ 2025

ພາຍໃຕ້ການນໍາພາຂອງອົງຄະນະພັກເມືອງນໍ້າບາກແຂວງຫຼວງພະບາງໃນການຈັດຕັ້ງຜັນຂະ ຫຍາຍມະຕິຂອງກອງປະຊຸມອົງຄະນະພັກເມືອງຄັ້ງທີ X. ແຜນພັດທະນາເສດຖະກິດ-ສັງຄົມຄັ້ງທີ X. ໃນໄລຍະ 6 ເດືອນຕົ້ນປີ 2025 ນີ້, ເມືອງນໍ້າບາກ ຈຶ່ງມີຜົນສໍາເລັດໃນການປົກປັກຮັກສາ-ສ້າງສາເມືອງຂອງຕົນຢ່າງຕໍ່ເນື່ອງເຮັດໃຫ້ເມືອງມີສະຖຽນລະພາບທາງດ້ານການເມືອງຢ່າງໜັກແໜ້ນ ເສດຖະກິດສືບຕໍ່ ຂະຫຍາຍຕົວເປັນລໍາດັບ ເມືອງມີຄວາມສະຫງົບໂດຍພື້ນຖານ ສາມາດແກ້ໄຂປະກົດການຫຍໍ້ທໍ້ຕ່າງໆພາຍໃນເມືອງໄດ້ຢ່າງທັນການ.
ເພີ່ມເຕີມ