ມອບ-ຮັບໃບຢັ້ງຢືນໜ່ວຍພັກ ປອດໃສ ເຂັ້ມແຂງ ໜັກແໜ້ນ

ໃນພິທີ, ໄດ້ມີການລາຍງານສະຫຼຸບການຈັດຕັ້ງປະຕິບັດວຽກງານສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2025. ປັດຈຸບັນ ຄະນະພັກຮາກຖານພະແນກສາທາລະນະສຸກແຂວງຄຳມ່ວນ ປະກອບມີ 4 ໜ່ວຍພັກຄື: ໜ່ວຍພັກຫ້ອງການ, ໜ່ວຍພັກອະນາໄມ-ໄຂ້ຍຸງ, ໜ່ວຍພັກໂຮງໝໍ ແລະ ໜ່ວຍພັກໂຮງຮຽນສາທາລະນະສຸກ, ມີສະມາຊິກພັກທັງໝົດ 234 ສະຫາຍ. ຜ່ານການປະເມີນຕາມມາດຖານທີ່ກໍານົດໄວ້, ມີ 2 ໜ່ວຍພັກທີ່ໄດ້ຮັບການຢັ້ງຢືນເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ຄື: ໜ່ວຍພັກໂຮງຮຽນສາທາລະນະສຸກ ແລະ ໜ່ວຍພັກອະນາໄມ-ໄຂ້ຍຸງ. ພ້ອມນັ້ນ, ກອງປະຊຸມຍັງໄດ້ວາງທິດທາງແຜນການສູ້ຊົນສຳລັບປີ 2026 ໂດຍເນັ້ນໜັກ 5 ດ້ານຫຼັກຄື: ດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນນຳພາ-ວິທີເຮັດວຽກ ແລະ ດ້ານການນຳພາຈັດຕັ້ງປະຕິບັດໜ້າທີ່ການເມືອງ. ຊຶ່ງຕາງໜ້າທັງ 4 ໜ່ວຍພັກ ໄດ້ຮ່ວມກັນຈັບມືສັນຍາແຂ່ງຂັນ ເພື່ອສູ້ຊົນປະຕິບັດແຜນການກໍ່ສ້າງໜ່ວຍພັກໃຫ້ບັນລຸເປົ້າໝາຍທີ່ວາງໄວ້ໃນປີ 2026.

ໃນໂອກາດດຽວກັນ, ຍັງໄດ້ມີພິທີມອບບັດສະມາຊິກພັກສົມບູນ ຊຸດທີ I ປະຈຳປີ 2026 ໃຫ້ແກ່ສະມາຊິກພັກຈໍານວນ 139 ສະຫາຍ, ພ້ອມທັງຜ່ານຂໍ້ຕົກລົງຂອງຄະນະກຳມະການປົກຄອງແຂວງຄຳມ່ວນ ວ່າດ້ວຍການຍົກຍ້າຍ ທ່ານ ດຣ. ເພັງຄານ ບຸນວາດສະໜາ ຜູ້ອຳນວຍການໂຮງຮຽນສາທາລະນະສຸກແຂວງຄຳມ່ວນ ໄປຮັບໜ້າທີ່ ໃໝ່ຢູ່ສະພາປະຊາຊົນແຂວງ.ຂ່າວ: ກອງຄໍາ