ໃນພິທີ, ພັທ ນາງ ຄໍາແສງ ທໍາມະວົງ ໄດ້ຍົກໃຫ້ເຫັນຜົນງານບາງດ້ານ ຕະຫຼອດໄລຍະການນຳພາ-ບັນຊາວຽກງານໃນໄລຍະຜ່ານມາ ເປັນຕົ້ນ: ດ້ານການນຳພາວຽກງານເມືອງ - ແນວຄິດ ໄດ້ນໍາພາສຶກສາອົບຮົມການເມືອງ-ແນວຄິດໃຫ້ນາຍ ແລະ ພົນຕໍາຫຼວດ ຢ່າງເປັນລະບົບ, ຕໍ່ເນື່ອງ ດ້ວຍການຈັດຕັ້ງຄົ້ນຄວ້າເຊື່ອມຊຶມເອກະສານມູນເຊື້ອ, ວັນສຳຄັນຂອງພັກ-ຂອງຊາດ, ຂອງກໍາລັງປ້ອງກັນຄວາມສະຫງົບ, ເຂົ້າຮ່ວມໃນຂະບວນການຕ່າງໆ ທີ່ການຈັດຕັ້ງຂັ້ນເທິງຈັດຂຶ້ນໃນແຕ່ລະໄລຍະ ເຮັດໃຫ້ນາຍ ແລະ ພົນຕຳຫຼວດ ພາຍໃນກອງ ມີຄວາມໜັກແໜ້ນທາງດ້ານການເມືອງ-ແນວຄິດ, ເຊື່ອໝັ້ນ ແລະ ເຄົາລົບການຈັດຕັ້ງຢ່າງເຂັ້ມງວດ.
ດ້ານວຽກງານວິຊາສະເພາະ ໄດ້ນໍາພານາຍ ແລະ ພົນຕໍາຫຼວດ ປັບປຸງໜ້າໜັງສືພິມ, ປັດຈຸບັນໜັງສືພິມຄວາມສະຫງົບ ມີ 11 ຄໍລໍາ, ປັບປຸງຮູບແບບສີສັນໃນໜ້າໜັງສືພິມ ໂດຍສະເພາະໜ້າ 1. ພ້ອມນີ້, ກໍໄດ້ນຳພານາຍ ແລະ ພົນຕຳຫຼວດ ເຄື່ອນໄຫວເກັບກຳຂ່າວ, ຂຽນຂ່າວ-ຂຽນບົດ, ການຈັດໜ້າໜັງສືພິມ, ການອັບຂ່າວລົງເວັບໄຊ, ແປ ແລະ ຮຽບຮຽງຂ່າວຕ່າງປະເທດ, ຄະດີຕ່າງແດນ ແລະ ຂ່າວກິລາ ສະແດງອອກ ຄື: ເຄື່ອນໄຫວເກັບກຳຂ່າວ ໄດ້ 2,389 ຄັ້ງ, ຂຽນຂ່າວໄດ້ 2,387 ຂ່າວ, ຂຽນບົດໄດ້ 1,078 ບົດ, ສຳພາດ 186 ຄັ້ງ, ຮັບຂ່າວຕ່າງແຂວງ ແລະ ກວດແກ້ໄດ້ 2,632 ຂ່າວ, ກວດບົດ-ກວດຂ່າວ ໄດ້ 4,982 ບົດ- ຂ່າວ, ອັບຂ່າວລົງເວັບໄຊກະຊວງ 2,442 ຄັ້ງ, ຮ່ວມກັບ ສະມາຊິກພາຍໃນກອງ ປະຈຳການກວດແກ້ໜ້າໜັງສືພິມ 96 ຄັ້ງ.
ນອກນັ້ນ, ຍັງໄດ້ນຳພາສະມາຊິກເຄື່ອນໄຫວຮັບໃຊ້ວຽກງານລະດັບຊາດ-ລະດັບສາກົນ ເປັນຕົ້ນແມ່ນ ກອງປະຊຸມ ວ່າດ້ວຍການຕ້ານອາຊະຍາກຳຂ້າມຊາດອາຊຽນ, ກອງປະຊຸມສຸດຍອດອາຊຽນ ຄັ້ງທີ 44-45 ແລະ ຮັບໃຊ້ກອງປະຊຸມລະດັບກະຊວງຈຳນວນຫຼາຍຄັ້ງ. ໃນພິທີ, ຍັງໄດ້ຜ່ານບົດສະຫຼຸບການເຄື່ອນໄຫວນໍາພາຂອງພັກ ປະຈໍາເດືອນຕຸລາ ແລະ ທິດທາງແຜນການ ປະຈໍາເດືອນພະຈິກ 2025 ຂອງໜ່ວຍພັກກອງບັນນາທິການໜັງສືພິມຄວາມສະຫງົບ.
ຈາກນັ້ນ, ພັທ ນາງ ຄໍາແສງ ທໍາມະວົງ ຫົວໜ້າກອງບັນ ນາທິການໜັງສືພິມຄວາມສະຫງົບ ຜູ້ເກົ່າ ແລະ ພັທ ນາງ ວິຄູນ ພົມມະຈັກ ຫົວໜ້າກອງບັນນາທິການໜັງສືພິມຄວາມສະຫງົບ ຜູ້ໃໝ່ ກໍໄດ້ເຊັນບົດບັນທຶກມອບ-ຮັບໜ້າທີ່ ຢ່າງເປັນທາງການ.
ໂອກາດນີ້, ທ່ານ ພັອ ພອນພິລຸນ ປັນຍາສິລິ ໄດ້ໂອ້ລົມ ຊຶ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ທີ່ຫົວໜ້າກອງບັນນາທິ ການໜັງສືພິມຄວາມສະຫງົບ ຜູ້ເກົ່າ ຍາດມາໄດ້ໃນໄລຍະຜ່ານມາ,ພ້ອມທັງເນັ້ນໃຫ້ຫົວໜ້າກອງບັນນາທິການໜັງສື ພິມຄວາມສະຫງົບ ຜູ້ໃໝ່, ພ້ອມຄະນະ ສືບຕໍ່ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ນາຍ ແລະ ພົນຕໍາຫຼວດພາຍໃນກອງ ຢ່າງເປັນປົກກະຕິ ເພື່ອເຮັດໃຫ້ທຸກສະຫາຍມີຄຸນທາດການເມືອງທີ່ໜັກແໜ້ນ ພ້ອມທັງນໍາພາປະຕິບັດວຽກງານວິຊາສະເພາະ ເປັນຕົ້ນ ນໍາພາຜະລິດໜັງສືພິມ ໃຫ້ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງສັງຄົມ, ນໍາພາໃນການກວດແກ້ເນື້ອໃນ, ຮູບແບບ ສີສັນ ແລະ ຄໍລໍາຕ່າງໆ ໃຫ້ມີຄວາມສົມບູນຂຶ້ນກວ່າເກົ່າ, ໂຄສະນາ, ເກັບກຳຂ່າວວັນສໍາຄັນຂອງພັກ-ຂອງຊາດ, ນໍາພາປັບປຸງເນື້ອໃນບົດ-ຂ່າວ ໃຫ້ແຫຼມຄົມ, ນໍາພາໃນການປັບປຸງສື່ອອນລາຍສະເໜີຂ່າວໃຫ້ທັນເຫດການຊັດເຈນ ແລະ ວ່ອງໄວ ໃຫ້ສອດຄ່ອງກັບຄວາມຮຽກຮ້ອງຕ້ອງການຂອງວຽກງານ ໃນໄລຍະໃໝ່.
(ຂ່າວ-ພາບ: ແກ້ວ ອຸເພັດ)
ຄໍາເຫັນ