 |
ໃນພິທີ, ທ່ານ ຂັນທະລີ ວັນລະເບືອມ ຮອງຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານແຈ້ງການ ຂອງທ່ານເຈົ້າແຂວງ ສະບັບເລກທີ 28/ຊກ, ລົງວັນທີ 9 ຕຸລາ 2025, ແຈ້ງໃຫ້ທ່ານ ບົວໄລ ເກດຈັນ ຫົວໜ້າພະແນກສາທາລະນະສຸກແຂວງ ອາຍຸກະສຽນ 57 ປີ, ອາຍຸການ 25 ປີ ພັກການລໍຖ້າຮັບອຸດໜູນບໍານານ ຕາມລະບຽບການ; ຜ່ານມະຕິຕົກລົງ ຂອງຄະນະປະຈໍາພັກແຂວງ ສະບັບເລກທີ 826/ຄປພຂ-ຊກ, ລົງວັນທີ 9 ຕຸລາ 2025 ວ່າດ້ວຍບົ່ງຕົວແຕ່ງຕັ້ງເລຂາຄະນະພັກຮາກຖານ ພະແນກສາທາລະນະສຸກແຂວງ ແລະ ຂໍ້ຕົກລົງ ຂອງທ່ານເຈົ້າແຂວງ ສະບັບເລກທີ 91/ຊກ, ລົງວັນທີ 9 ຕຸລາ 2025 ວ່າດ້ວຍແຕ່ງຕັ້ງຫົວໜ້າພະແນກສາທາລະນະສຸກແຂວງ. ໃນນີ້, ຕົກລົງແຕ່ງຕັ້ງ ທ່ານ ນາງ ລໍາພັນ ໄຊຄໍາມີ ກໍາະມການພັກແຂວງ ເປັນເລຂາຄະນະພັກຮາກຖານ ທັງເປັນຫົວໜ້າພະແນກສາທາລະນະສຸກແຂວງເຊກອງ.
 |
ໃນໂອກາດນີ້, ທ່ານ ບົວໄລ ເກດຈັນ ກໍໄດ້ຂຶ້ນຜ່ານບົດສະຫຼຸບຕີລາຄາດ້ານດີ-ຂໍ້ສະດວກ, ດ້ານອ່ອນ-ຂໍ້ຫຍຸ້ງຍາກ ແລະ ຜົນງານການນໍາພາວຽກງານສາທາລະນະສຸກໃນໄລຍະຜ່ານມາ. ຫຼັງຈາກນັ້ນ, ກໍໄດມີການເຊັນມອບ-ຮັບໜ້າທີ່ ລະຫວ່າງ ຫົວໜ້າພະແນກສາທາລະນະສຸກແຂວງ ຜູ້ເກົ່າ ແລະ ຜູ້ໃໝ່ ໂດຍຊ້ອງໜ້າທ່ານ ນາງ ສີສະຫງ່າ ແກ້ວດວງດີ ແລະ ພາກສ່ວນກ່ຽວຂ້ອງ ເຂົ້າຮ່ວມເປັນສັກຂີພິຍານ.
(ຂ່າວ-ພາບ: ສັນຍາ)
ຄໍາເຫັນ