 |
ໃນພິທີມອບຍັງມີອຳນາດການປົກຄອງແຂວງ, ພະນັກງານຫຼັກແຫຼ່ງອົງການກາແດງແຫ່ງຊາດລາວ, ອົງການກາແດງແຂວງ, ເມືອງ, ອຳນາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມ; ເຄື່ອງທີ່ນຳມາມອບໃນຄັ້ງນີ້ປະກອບມີເຄື່ອງອຸປະໂພກ - ບໍລິໂພກທີ່ຈຳເປັນຕໍ່ການດຳລົງຊີວິດປະຈຳວັນເຊັ່ນ: ເຄື່ອງນຸ່ງ, ເກີບ, ໝີ່ ແລະ ອື່ນໆ ເພື່ອແນໃສ່ຫຼຸດຜ່ອນຄ່າໃຊ້ຈ່າຍ ແລະ ບັນເທົາຄວາມຫຍຸ້ງຍາກໃນເບື້ອງຕົ້ນໃຫ້ແກ່ປະຊາຊົນ.
 |
ໂອກາດດັ່ງກ່າວທ່ານປະທານອົງການກາແດງແຫ່ງຊາດລາວໄດ້ມີຄຳເຫັນເນັ້ນໜັກວ່າ: "ການລົງພື້ນທີ່ຊ່ວຍເຫຼືອໃນຄັ້ງນີ້ແມ່ນສະແດງໃຫ້ເຫັນເຖິງນ້ຳໃຈມະນຸດສະທຳ ແລະ ຄວາມເປັນຫ່ວງເປັນໃຍຂອງອົງການກາແດງແຫ່ງຊາດລາວທີ່ມີຕໍ່ຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າທີ່ປະສົບຄວາມຫຍຸ້ງຍາກຂາດເຂີນເພື່ອຊ່ວຍໃຫ້ທຸກຄົນສາມາດຜ່ານຜ່າຄວາມຫຍຸ້ງຍາກ ແລະ ມີຄຸນນະພາບຊີວິດທີ່ດີຂຶ້ນເທື່ອລະກ້າວ."
(ຂ່າວ: ອົງການກາແດງ)
ຄໍາເຫັນ