ແລະ ສັງຄົມສົງເຄາະຂັ້ນເມືອງ ພ້ອມດ້ວຍຄະນະ 3ໄດ້ລົງມອບເງິນ ຈຳນວນ 2 ລ້ານກີບ ໃຫ້ຄອບຄົວທ້າວ ເຈີມ ບ້ານກໍ່າ ເມືອງແບງ ທີ່ຖືກເຄາະຮ້າຍຈາກໄພພິບັດທາງທໍາມະຊາດ (ນ້ຳຫ້ວຍການໄຫຼຊຸ)ໃນວັນທີ 5 ສິງຫາ ຜ່ານມາ ເຮັດໃຫ້ມີຜູ້ເສຍຊີວິດ 1 ຄົນ ຊື່ທ້າວ ຈັນ ເປັນເພດຊາຍ ອາຍຸ 54 ປີ.ພ້ອມນີ້ ອົງການປົກຄອງບ້ານ ກໍ່າ ກໍໄດ້ກ່າວສະແດງຄວາມຂອບໃຈຕໍ່ພັກ-ລັດ ແລະ ພາກສ່ວນກຽ່ວຂ້ອງ ທີ່ໄດ້ນໍາເອົາເງິນດັ່ງກ່າວນີ້ ມາຊ່ວຍເຫຼືອປະຊາຊົນຜູ້ຖືກເຄາະຮ້າຍໃນຄັ້ງນີ້ ພ້ອມນັ້ນຍັງຮຽກຮ້ອງໃຫ້ພາກສວ່ນຕ່າງໆ ຮ່ວມກັນບໍລິຈາກເງິນ ແລະ ວັດຖຸສິ່ງຂອງ, ເຄື່ອງອຸປະໂພກ-ບໍລິໂພກ ເພື່ອຊວ່ຍເຫຼືອໃຫ້ກັບຜູ້ປະສົບໄພ ກໍຄືຟື້ນຟູບູລະນະພື້ນຖານໂຄງລ່າງ ຖະໜົນຫົນທາງ ແລະ ແນວພັນກະສິກຳ ໃຫ້ກັບປະຊາຊົນທີ່ຖືກຜົນກະທົບ.
(ຂ່າວ: ຮສສ ເມືອງແບງ)
ເຈົ້າແຂວງຈໍາປາສັກ ເຄື່ອນໄຫວຊຸກຍູ້ການກໍ່ສ້າງທາງເບຕົງ ຢູ່ບ້ານໂພນໄຊ
ວັນທີ 16 ມິຖຸນາຜ່ານມາ, ທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ ພ້ອມດ້ວຍຄະນະ ໄດ້ເຄື່ອນໄຫວຕິດຕາມຊຸກຍູ້ການສ້ອມແປງ, ກໍ່ສ້າງທາງເບຕົົງ 2 ເສັ້ນ ຢູ່ບ້ານພັດທະນາໂພນໄຊ ນະຄອນປາກເຊ ໂດຍມີການນໍາບໍລິສັດຜູ້ຮັບເໝົາການກໍ່ສ້າງ, ອົງການປົກຄອງບ້ານພັດທະນາໂພນໄຊ ເຂົ້າຮ່ວມ. ທັງນີ້, ກໍເພື່ອເປັນການຊຸກຍູ້ໃຫ້ການກໍ່ສ້າງເສັ້ນທາງເບຕົງດັ່ງກ່າວ ມີຜົນສໍາເລັດ, ຕອບສະໜອງໃຫ້ແກ່ການສັນຈອນໄປ - ມາ ມີຄວາມສະດວກ ທັງປະກອບສ່ວນໃຫ້ນະຄອນປາກເຊ ມີຄວາມເປັນລະບຽບຮຽບຮ້ອຍສະອາດຈົບງາມ.
ຄໍາເຫັນ