ວັນທີ 31 ຕຸລານີ້, ກະຊວງພາຍໃນ ໄດ້ມອບອຸປະກອນໄອທີ ໃຫ້ແກ່ພະແນກພາຍໃນແຂວງ ແລະ ຫ້ອງການພາຍໃນ 10 ເມືອງໃນທົ່ວແຂວງຄຳມ່ວນ ເພື່ອຮັບໃຊ້ເຂົ້າໃນວຽກງານຄຸ້ມຄອງພົນລະເມືອງ ເປັນກຽດເຂົ້າຮ່ວມມີທ່ານ ນາງ ລີວົງ ລາວລີ ຮອງລັດຖະມົນຕີກະຊວງພາຍໃນ, ທ່ານ ວົງເພັດ ຈິດປັນຍາ ຮອງເລຂາພັກແຂວງແຂວງຄຳມ່ວນ ຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານ, ມີບັນດາທ່ານທີ່ຕາງໜ້າກົມກ່ຽວຂ້ອງ, ຄະນະນຳພະແນກພາຍໃນແຂວງ, ພາກສ່ວນທີ່ກ່ຽວຂ້ອງ ແລະ ຄະນະຫ້ອງການພາຍໃນ 10 ເມືອງ ທົ່ວແຂວງເຂົ້າຮ່ວມ; ສຳລັບເຄື່ອງທີ່ນຳມາມອບໃນຄັ້ງນີ້ປະກອບມີ: ຄອມພີວເຕີແລັບທັອບ ຈຳນວນ 21 ເຄື່ອງ ໃນນີ້ແມ່ນມອບໃຫ້ແກ່ ຂະແໜງຄຸ້ມຄອງພົນລະເມືອງ ພະແນກພາຍໃນແຂວງ 1 ເຄື່ອງ, ມອບໃຫ້ຫ້ອງການພາຍໃນເມືອງໆລະ 2 ເຄື່ອງ. ນອກນີ້ກໍຍັງມີເຄື່ອງພິມເອກະສານ ຈຳນວນ 11 ເຄື່ອງ, ເຄື່ອງສະແກນເອກະສານ 11 ເຄື່ອງ, ຊຸດນໍ້າມຶກເຄື່ອງພິມ 11 ຊຸດ ຊຶ່ງມອບໃຫ້ພາກສ່ວນລະ 1 ເຄື່ອງ (ຊຸດ) ລວມມູນຄ່າທັງໝົດ 450 ລ້ານກວ່າກີບ.
ທ່ານ ນາງ ລີວົງ ລາວລີ ໄດ້ກ່າວຄຳເຫັນຕໍ່ພິທີ ມອບ-ຮັບ ອຸປະກອນຄັ້ງນີ້ວ່າ: ການສະໜອງອຸປະກອນໄອທີ ໃຫ້ແກ່ຂະແໜງການທີ່ກ່ຽວຂ້ອງຂັ້ນແຂວງ ແລະ ເມືອງ ເພື່ອນຳໃຊ້ເຂົ້າໃນການຈົດທະບຽນ ແລະ ເກັບກຳສະຖິຕິພົນລະເມືອງ ແນໃສ່ເຮັດໃຫ້ການຄຸ້ມຄອງພົນລະເມືອງເຂົ້າສູ່ລະບົບທີ່ທັນສະໄໝ, ຮັບປະກັນທາງດ້ານປະສິດທິພາບສູງ, ມິຄວາມຊັດເຈນ ແລະ ມີຄວາມຖືກຕ້ອງຫຼາຍຂຶ້ນ ຊຶ່ງການຈົດທະບຽນ ແລະ ເກັບກຳສະຖິຕິພົນລະເມືອງ ເປັນວຽກງານໜຶ່ງທີ່ມີຄວາມສຳຄັນ ໃນການໃຫ້ເອກະລັກທາງດ້ານກົດໝາຍແກ່ບຸກຄົນ, ສິດຂອງພົນລະເມືອງ ແລະ ຮັບຮູ້ຄວາມເປັນຕົວຕົນຕໍ່ກົດໝາຍຂອງບຸກຄົນ, ເປັນຫຼັກຖານທີ່ອ້າງອີງໃຫ້ແກ່ບຸກຄົນ, ເປັນຂໍ້ມູນໃນການເກີດ, ອາຍຸ, ສາຍພົວພັນຂອງພໍ່ແມ່ ແລະ ຍາດຕິພີ່ນ້ອງ ພ້ອມທັງຈະໄດ້ຮັບສິດໃນການປົກປ້ອງຕໍ່ຜົນປະໂຫຍດຂອງບຸກຄົນ ລວມເຖິງການເຂົ້າເຖິງການບໍລິການຕ່າງໆ. ໂອກາດດຽວກັນທ່ານຮອງລັດຖະມົນຕີກະຊວງພາຍໃນຍັງຮຽກຮ້ອງມາຍັງຂະແໜງການກ່ຽວຂ້ອງ ຈົ່ງໄດ້ນຳໃຊ້ອຸປະກອບດັ່ງກ່າວໃຫ້ຖືກຕາມເປົ້າໝາຍ, ຮັບປະກັນເຮັດໃຫ້ວຽກງານໄດ້ຮັບການຈັດຕັ້ງປະຕິບັດມີຜົນສຳເລັດ ພ້ອມທັງມີການປົກປັກຮັກສາ ເພື່ອໃຫ້ຊົມໃຊ້ໄດ້ຢ່າງຍາວນານ.
(ຂ່າວ-ພາບ: ກອງຄຳ)
ທ່ານ ນາງ ລີວົງ ລາວລີ ໄດ້ກ່າວຄຳເຫັນຕໍ່ພິທີ ມອບ-ຮັບ ອຸປະກອນຄັ້ງນີ້ວ່າ: ການສະໜອງອຸປະກອນໄອທີ ໃຫ້ແກ່ຂະແໜງການທີ່ກ່ຽວຂ້ອງຂັ້ນແຂວງ ແລະ ເມືອງ ເພື່ອນຳໃຊ້ເຂົ້າໃນການຈົດທະບຽນ ແລະ ເກັບກຳສະຖິຕິພົນລະເມືອງ ແນໃສ່ເຮັດໃຫ້ການຄຸ້ມຄອງພົນລະເມືອງເຂົ້າສູ່ລະບົບທີ່ທັນສະໄໝ, ຮັບປະກັນທາງດ້ານປະສິດທິພາບສູງ, ມິຄວາມຊັດເຈນ ແລະ ມີຄວາມຖືກຕ້ອງຫຼາຍຂຶ້ນ ຊຶ່ງການຈົດທະບຽນ ແລະ ເກັບກຳສະຖິຕິພົນລະເມືອງ ເປັນວຽກງານໜຶ່ງທີ່ມີຄວາມສຳຄັນ ໃນການໃຫ້ເອກະລັກທາງດ້ານກົດໝາຍແກ່ບຸກຄົນ, ສິດຂອງພົນລະເມືອງ ແລະ ຮັບຮູ້ຄວາມເປັນຕົວຕົນຕໍ່ກົດໝາຍຂອງບຸກຄົນ, ເປັນຫຼັກຖານທີ່ອ້າງອີງໃຫ້ແກ່ບຸກຄົນ, ເປັນຂໍ້ມູນໃນການເກີດ, ອາຍຸ, ສາຍພົວພັນຂອງພໍ່ແມ່ ແລະ ຍາດຕິພີ່ນ້ອງ ພ້ອມທັງຈະໄດ້ຮັບສິດໃນການປົກປ້ອງຕໍ່ຜົນປະໂຫຍດຂອງບຸກຄົນ ລວມເຖິງການເຂົ້າເຖິງການບໍລິການຕ່າງໆ. ໂອກາດດຽວກັນທ່ານຮອງລັດຖະມົນຕີກະຊວງພາຍໃນຍັງຮຽກຮ້ອງມາຍັງຂະແໜງການກ່ຽວຂ້ອງ ຈົ່ງໄດ້ນຳໃຊ້ອຸປະກອບດັ່ງກ່າວໃຫ້ຖືກຕາມເປົ້າໝາຍ, ຮັບປະກັນເຮັດໃຫ້ວຽກງານໄດ້ຮັບການຈັດຕັ້ງປະຕິບັດມີຜົນສຳເລັດ ພ້ອມທັງມີການປົກປັກຮັກສາ ເພື່ອໃຫ້ຊົມໃຊ້ໄດ້ຢ່າງຍາວນານ.
(ຂ່າວ-ພາບ: ກອງຄຳ)
ຄໍາເຫັນ