ມຸນລະປາໂມກ ສະຫຼຸບການແກ້ໄຂບັນຫາສັດລ້ຽງ ແລະ ສິ່ງແວດລ້ອມ

ກອງປະຊຸມຄັ້ງນີ້ ຈັດຂຶ້ນເພື່ອປະເມີນຄືນການຈັດຕັ້ງປະຕິບັດວຽກງານຄວາມເປັນລະບຽບຮຽບຮ້ອຍ ແລະ ການຮັກສາສິ່ງແວດລ້ອມ ເຊິ່ງໃນໄລຍະ 6 ເດືອນຜ່ານມາ, ທາງຄະນະກຳມະການຮັບຜິດຊອບໄດ້ເອົາໃຈໃສ່ຈັດຕັ້ງປະຕິບັດລະບຽບການຢ່າງເຂັ້ມງວດ ເປັນຕົ້ນແມ່ນ ການຄຸ້ມຄອງສັດລ້ຽງ: ການແກ້ໄຂບັນຫາການປ່ອຍສັດລ້ຽງຊະຊາຍ (ງົວ, ຄວາຍ, ແບ້) ຕາມເສັ້ນທາງຫຼວງ ແລະ ເຂດຊຸມຊົນ ເພື່ອຫຼຸດຜ່ອນອຸບັດເຫດ ແລະ ຄວາມເປິເປື້ອນ; ການຄຸ້ມຄອງສິ່ງແວດລ້ອມ: ການຈັດສັນຂີ້ເຫຍື້ອ, ການອະນາໄມຕາມລຽບທາງຮ່ອມ ແລະ ເຂດເທດສະບານ ໃຫ້ມີຄວາມສະອາດຈົບງາມ.

ທ່ານປະທານກອງປະຊຸມໄດ້ເນັ້ນໜັກໃຫ້ທຸກພາກສ່ວນ, ໂດຍສະເພາະອຳນາດການປົກຄອງບ້ານໃນເຂດເທດສະບານ ຈົ່ງເພີ່ມທະວີການໂຄສະນາເຜີຍແຜ່ລະບຽບການ, ຕິດຕາມ ແລະ ນຳໃຊ້ມາດຕະການຕໍ່ຜູ້ລະເມີດຢ່າງເດັດຂາດ, ແນໃສ່ເຮັດໃຫ້ເມືອງມຸນລະປາໂມກ ມີຄວາມເປັນລະບຽບຮຽບຮ້ອຍ, ສະອາດ, ງາມຕາ ແລະ ກາຍເປັນເມືອງທີ່ໜ້າຢູ່.

ຂ່າວ: ເມືອງມຸນລະປາໂມມກ