 |
ທ່ານ ສີສົມພອນ ສິງຫາລາດ ຄະນະພັກຮາກຖານ, ຫົວໜ້າຂະແໜງຈັດຕັ້ງພະນັກງານ ພະແນກສຶກສາທິການ ແລະ ກິລາ (ສກຂ) ແຂວງ ໄດ້ຜ່ານມະຕິຕົກລົງວ່າດ້ວຍການອະນຸມັດໃຫ້ໂຮງຮຽນ ມປ ທ່າແຂກເປີດຂະບວນການແຂ່ງຂັນ-ຍ້ອງຍໍພາຍໃຕ້ຄໍາຂວັນ " ຮັກຊາດ ແລະ ພັດທະນາ ". ຈາກນັ້ນ, ທ່ານ ຄູ ສັກປະດິດ ແກ້ວມະນີ ກ່າວວ່າ: ກອງປະຊຸມຄັ້ງນີ້, ໄດ້ຕີລາຄາຄືນຜົນການເຄື່ອນໄຫວວຽກງານໃນຕະຫຼອດປີ 2025 ທີ່ຜ່ານມາ, ເພື່ອສະຫຼຸບຖອດຖອນບົດຮຽນ ແລະ ປັບປຸງແກ້ໄຂວຽກງານໃນຕໍ່ໜ້າ. ການເປີດຂະບວນການຄັ້ງນີ້, ເພື່ອຜັນຂະຫຍາຍມະຕິຕົກລົງຂອງກະຊວງ ສສກ ວ່າດ້ວຍການສ້າງຂະບວນການແຂ່ງຂັນຮັກຊາດ ແລະ ພັດທະນາ ໃຫ້ກາຍເປັນຜົນງານຕົວຈິງ, ແນໃສ່ຍົກສູງຄຸນນະພາບການຮຽນ-ການສອນ ແລະ ສ້າງບຸກຄະລາກອນທີ່ມີຄຸນສົມບັດສິນທໍາປະຕິວັດໃຫ້ປະເທດຊາດ. ຮຽກຮ້ອງມາຍັງຄູ-ອາຈານ ແລະ ນັກຮຽນທຸກຄົນໃຫ້ຖືເອົາເນື້ອໃນ " ຮັກຊາດ ແລະ ພັດທະນາ " ເປັນທິດເຍືອງທາງໃນການປະຕິບັດໜ້າທີ່. ຜູ້ທີ່ມີຜົນງານດີເດັ່ນ, ມີຄວາມຫ້າວຫັນ ແລະ ສາມາດປະຕິບັດໄດ້ຕາມຄາດໝາຍ ຈະໄດ້ຮັບການຍ້ອງຍໍ ແລະ ສັນລະເສີນຕາມລະບຽບການ ເພື່ອເປັນກໍາລັງໃຈໃນການສ້າງສາພັດທະນາຕົນເອງ ແລະ ໂຮງຮຽນ.
ທ່ານ ຄູ ບຸນຂວັນ ອາດໂສມແພງ ຮອງຜູ້ອໍານວຍການໂຮງຮຽນ ໄດ້ຜ່ານຂໍ້ຕົກລົງ ວ່າດ້ວຍການເປີດຂະບວນການແຂ່ງຂັນ ແລະ ຍ້ອງຍໍ ພາຍໃຕ້ຄໍາຂວັນ " ຮັກຊາດ ແລະ ພັດທະນາ " ຕິດພັນກັບ 3 ຂໍ້ແຂ່ງຂັນປະຈໍາປີ 2026, ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບພິທີເປີດບັ້ນຂະບວນການແຂ່ງຂັນ-ຍ້ອງຍໍຂັ້ນໂຮງຮຽນ.
ໃນພິທີ, ທ່ານ ຄູ ໄຊອຸດອນ ຈັນທິບົວລິວັນ ໄດ້ຜ່ານບົດສະຫຼຸບປີ 2025 ແລະ ແຜນເຄື່ອນໄຫວປີ 2026 ວ່າ: ໂຮງຮຽນ ມປ ທ່າແຂກມີຈໍານວນພົນທັງໝົດ 83 ຄົນ ຍິງ 56 ຄົນ. ໃນນັ້ນ, ມີຄູສອນ 77 ຄົນ ຍິງ 52 ຄົນ, ບໍລິຫານ 2 ຄົນ ຍິງ 1 ຄົນ ແລະ ຄູສອນຊ່ວຍ 4 ຄົນ ຍິງ 3 ຄົນ. ທົ່ວໂຮງຮຽນມີອາຄານ 8 ຫຼັງ, ສູນໄອຊີທີ 1 ຫຼັງ, ນໍາໃຊ້ຫ້ອງສອນ 30 ຫ້ອງ, ຫ້ອງທົດລອງ 3 ຫ້ອງ, ຫ້ອງນໍາໃຊ້ສອນໄອທີ 3 ຫ້ອງ, ຫ້ອງສະໝຸດ 1 ຫ້ອງ, ນໍາໃຊ້ຫ້ອງປະຈໍາການຄູ 9 ຫ້ອງ, ນໍາໃຊ້ສະໂມສອນ 2 ຫຼັງ, ເດີ່ນເຄື່ອນໄຫວກິລາ 3 ເດີ່ນ, ພ້ອມທັງຍົກໃຫ້ເຫັນການຈັດຕັ້ງປະຕິບັດຂະບວນການແຂ່ງຂັນ-ຍ້ອງຍໍ " ຮັກຊາດ ແລະ ພັດທະນາ " ໃນໄລຍະເວລາ 1 ປີຜ່ານມາ. ໂດຍສະເພາະແມ່ນຕິດພັນກັບ 3 ຂໍ້ແຂ່ງຂັນຂອງກະຊວງ ສສກ ວາງອອກ.
ໃນພິທີໄດ້ມອບໃບຍ້ອງຍໍຂັ້ນພະແນກໃຫ້ຜູ້ທີ່ມີຜົນງານດີເດັ່ນ ໃນການປະກອບສ່ວນເຫື່ອແຮງ ສະຕິປັນຍາເຂົ້າໃນຂະບວນການ" ຮັກຊາດ ແລະ ພັດທະນາ " ຈໍານວນ 66 ທ່ານ ຍິງ 46 ຄົນ ໃຫ້ກຽດມອບໂດຍທ່ານ ສີສົມພອນ ສິງຫາລາດ ແລະ ທ່ານ ຄູ ສັກປະດິດ ແກ້ວມະນີ. ຂ່າວ: ແດງສະຫວັດ
ຄໍາເຫັນ