ເມືອງອາດສະພັງທອງ ແຂວງສະຫວັນນະເຂດ ໄດ້ຈັດງານເທດສະການບຸນກອງເຂົ້າໃຫຍ່ ຂຶ້ນຢ່າງເປັນທາງການ ເມື່ອບໍ່ດົນມານີ້ທີ່ເດີ່ນຫ້ອງວ່າການເມືອງດັ່ງກ່າວ, ໂດຍມີທ່ານ ກົງແກ້ວ ມີວໍລະຈັກ ຮອງເລຂາພັກແຂວງ ປະທານສະພາປະຊາຊົນແຂວງ, ມີບັນດາການນຳຂັ້ນສູງຂອງແຂວງ, ການນຳເມືອງອ້ອມຂ້າງ, ຄະນະນຳຂັ້ນຕ່າງໆ ຂອງເມືອງອາດສະພັງທອງ, ນັກທຸລະກິດ ແລະມວນຊົນ ເຂົ້າຮ່ວມ.
ທ່ານ ບຸນຖັນ ແສງດາລາ ກໍາມະການພັກແຂວງ ເລຂາພັກເມືອງ ເຈົ້າເມືອງອາດສະພັງທອງໄດ້ກ່າວເປີດງານວ່າ:ງານບຸນຄັ້ງນີ້ ມີຄວາມໝາຍສໍາຄັນຢ່າງເລິກເຊິ່ງ ທາງດ້ານວັດທະນະທໍາ ແລະຮີດຄອງປະເພນີອັນດີງາມຂອງປວງຊົນລາວທັງຊາດ ຊຶ່ງການນໍາເມືອງ ພ້ອມດ້ວຍປະຊາຊົນໃນທົ່ວເມືອງ ໄດ້ພ້ອມໃຈກັນຫ້າງຫາກະກຽມ ງານບຸນກອງເຂົ້າໃຫຍ່ຄັ້ງນີ້ຊຶ່ງມີຄວາມໝາຍສໍາຄັນຢ່າງຍິ່ງ ທີ່ຄະນນະນໍາເມືອງ, ອໍານາດການປົກຄອງບ້ານ ແລະປະຊາຊົນປຸ້ມລຸມສາມັກຄີກັນ ເພື່ອຫາລາຍໄດ້ສົມທົບທຶນ ເຂົ້າໃນການສ້າງສາພັດທະນາພື້ນຖານໂຄງລ່າງ ໂດຍສະເພາະແມ່ນການສ້າງຂົວຂ້າມຫ້ວຍແຄ້ວງມ້ອນ ບ້ານນາຈານ, ອີກອັນໜຶ່ງ ກໍເພື່ອເປັນການເປີດປີທ່ອງທ່ຽວລາວ ຂອງເມືອງອາດສະພັງທອງຕື່ມອີກ.
ຈາກນັ້ນ, ໃນພິທີກໍ່ໄດ້ມີກິດຈະກໍາການສະແດງສິລະປະ-ວັນນະຄະດີ ນັກຮຽນຈາກໂຮງຮຽນປະຖົມ, ມັດທະຍົມຕອນຕົ້ນ ມັດທະຍົມຕອນປາຍແລະຂະບວນກອງຕຸ້ມ-ກອງຫາງ ຈາກ8ກຸ່ມບ້ານໃນທົ່ວເມືອງຊຶ່ງບົດຟ້ອນ ແມ່ນໄດ້ສ່ອງແສງໃຫ້ເຫັນເຖິງ ການນຳໃຊ້ອຸປະກອນເຮັດນາປູກເຂົ້າໃນສະໄໝກ່ອນ ທີ່ປູ່ຍ່າຕາຍາຍໄດ້ພ້ອມກັນຄົ້ນຄິດຂຶ້ນມາ ເພື່ອໃຫ້ໄດ້ເຖິງຜົນຜະລິດເຂົ້າໃນການລ້ຽງຊີບ. ອັນໄດ້ເຮັດໃຫ້ບັນຍາກາດໃນງານຄັ້ງນີ້ ຄຶກຄື້ນມ່ວນຊື່ນ.ພາຍຫຼັງຊົມການສະແດງ, ຜູ້ແທນ ແລະມວນຊົນ ກໍໄດ້ມີການທ່ຽວຊົມຮ້ານວາງສະແດງສິນຄ້າກະສິກຳ ຈາກກຸ່ມບ້ານຕ່າງໆ ແລະທ່ຽວຊົມບັນຍາກາດຂອງງານ.
ໃນຕອນບ່າຍຂອງວັນດຽວກັນ ກໍໄດ້ມີພິທີອັງເຊີນຂວັນເຂົ້າ ຈາກຫໍມະເຫສັກຂອງເມືອງ ແຫ່ເຂົ້າສູ່ພິທີ ໂດຍມີພະສົງສາມະເນນ ແລະບັນດາແຂກ ພ້ອມດ້ວຍມວນຊົນຊາວເມືອງອາດສະພັງທອງ ແລະເມືອງໃກ້ຄຽງເຂົ້າຮ່ວມ. ທັງນີ້ກໍເພື່ອເປັນການຮັກສາຮີດຄອງປະເພນີ ທີ່ເຄີຍປະຕິບັດກັນມາ, ເພື່ອໃຫ້ເຍົາວະຊົນ-ອະນຸຊົນຮຸ່ນຫຼັງ ໄດ້ຮຽນຮູ້ເພື່ອຈະໄດ້ການເຮັດນາປູກເຂົ້າ ໃນແຕ່ລະຍຸກ-ແຕ່ລະສະໄໝມີການພັດທະນາໄປເລື້ອຍໆ ຊຶ່ງປັດຈຸບັນ ປະຊາຊົນໄດ້ນຳໃຊ້ເຄື່ອງຈັກທັນສະໄໝ ເຂົ້າໃນການຜະລິດ, ເຮັດໃຫ້ເຄື່ອງມືການຜະລິດແບບເກົ່າ ເລີ່ມສູນຫາຍໄປເລື້ອຍໆ.
ຂ່າວ-ພາບ: ສະຫວັນນະເຂດ
ທ່ານ ບຸນຖັນ ແສງດາລາ ກໍາມະການພັກແຂວງ ເລຂາພັກເມືອງ ເຈົ້າເມືອງອາດສະພັງທອງໄດ້ກ່າວເປີດງານວ່າ:ງານບຸນຄັ້ງນີ້ ມີຄວາມໝາຍສໍາຄັນຢ່າງເລິກເຊິ່ງ ທາງດ້ານວັດທະນະທໍາ ແລະຮີດຄອງປະເພນີອັນດີງາມຂອງປວງຊົນລາວທັງຊາດ ຊຶ່ງການນໍາເມືອງ ພ້ອມດ້ວຍປະຊາຊົນໃນທົ່ວເມືອງ ໄດ້ພ້ອມໃຈກັນຫ້າງຫາກະກຽມ ງານບຸນກອງເຂົ້າໃຫຍ່ຄັ້ງນີ້ຊຶ່ງມີຄວາມໝາຍສໍາຄັນຢ່າງຍິ່ງ ທີ່ຄະນນະນໍາເມືອງ, ອໍານາດການປົກຄອງບ້ານ ແລະປະຊາຊົນປຸ້ມລຸມສາມັກຄີກັນ ເພື່ອຫາລາຍໄດ້ສົມທົບທຶນ ເຂົ້າໃນການສ້າງສາພັດທະນາພື້ນຖານໂຄງລ່າງ ໂດຍສະເພາະແມ່ນການສ້າງຂົວຂ້າມຫ້ວຍແຄ້ວງມ້ອນ ບ້ານນາຈານ, ອີກອັນໜຶ່ງ ກໍເພື່ອເປັນການເປີດປີທ່ອງທ່ຽວລາວ ຂອງເມືອງອາດສະພັງທອງຕື່ມອີກ.
ຈາກນັ້ນ, ໃນພິທີກໍ່ໄດ້ມີກິດຈະກໍາການສະແດງສິລະປະ-ວັນນະຄະດີ ນັກຮຽນຈາກໂຮງຮຽນປະຖົມ, ມັດທະຍົມຕອນຕົ້ນ ມັດທະຍົມຕອນປາຍແລະຂະບວນກອງຕຸ້ມ-ກອງຫາງ ຈາກ8ກຸ່ມບ້ານໃນທົ່ວເມືອງຊຶ່ງບົດຟ້ອນ ແມ່ນໄດ້ສ່ອງແສງໃຫ້ເຫັນເຖິງ ການນຳໃຊ້ອຸປະກອນເຮັດນາປູກເຂົ້າໃນສະໄໝກ່ອນ ທີ່ປູ່ຍ່າຕາຍາຍໄດ້ພ້ອມກັນຄົ້ນຄິດຂຶ້ນມາ ເພື່ອໃຫ້ໄດ້ເຖິງຜົນຜະລິດເຂົ້າໃນການລ້ຽງຊີບ. ອັນໄດ້ເຮັດໃຫ້ບັນຍາກາດໃນງານຄັ້ງນີ້ ຄຶກຄື້ນມ່ວນຊື່ນ.ພາຍຫຼັງຊົມການສະແດງ, ຜູ້ແທນ ແລະມວນຊົນ ກໍໄດ້ມີການທ່ຽວຊົມຮ້ານວາງສະແດງສິນຄ້າກະສິກຳ ຈາກກຸ່ມບ້ານຕ່າງໆ ແລະທ່ຽວຊົມບັນຍາກາດຂອງງານ.
ໃນຕອນບ່າຍຂອງວັນດຽວກັນ ກໍໄດ້ມີພິທີອັງເຊີນຂວັນເຂົ້າ ຈາກຫໍມະເຫສັກຂອງເມືອງ ແຫ່ເຂົ້າສູ່ພິທີ ໂດຍມີພະສົງສາມະເນນ ແລະບັນດາແຂກ ພ້ອມດ້ວຍມວນຊົນຊາວເມືອງອາດສະພັງທອງ ແລະເມືອງໃກ້ຄຽງເຂົ້າຮ່ວມ. ທັງນີ້ກໍເພື່ອເປັນການຮັກສາຮີດຄອງປະເພນີ ທີ່ເຄີຍປະຕິບັດກັນມາ, ເພື່ອໃຫ້ເຍົາວະຊົນ-ອະນຸຊົນຮຸ່ນຫຼັງ ໄດ້ຮຽນຮູ້ເພື່ອຈະໄດ້ການເຮັດນາປູກເຂົ້າ ໃນແຕ່ລະຍຸກ-ແຕ່ລະສະໄໝມີການພັດທະນາໄປເລື້ອຍໆ ຊຶ່ງປັດຈຸບັນ ປະຊາຊົນໄດ້ນຳໃຊ້ເຄື່ອງຈັກທັນສະໄໝ ເຂົ້າໃນການຜະລິດ, ເຮັດໃຫ້ເຄື່ອງມືການຜະລິດແບບເກົ່າ ເລີ່ມສູນຫາຍໄປເລື້ອຍໆ.
ຂ່າວ-ພາບ: ສະຫວັນນະເຂດ
ຄໍາເຫັນ