 |
ສະຫາຍ ພົນຈະເລີນ ສີວິໄລເຮືອງ ກໍາມະການພັກເມືອງ ເລຂາຄະນະບໍລິຫານງານຊາວໜຸ່ມ ປປລ ເມືອງ ໄດ້ກ່າວເປີດກອງປະຊຸມ ພ້ອມທັງຜ່ານບົດສະຫຼຸບການຈັດຕັ້ງປະຕິບັດວຽກງານຊາວໜຸ່ມ - ເຍົາວະຊົນ ໃນໄລຍະ 1 ປີ 2025ຜ່ານມາ, ທິດທາງແຜນການ ປີ 2026 ແລະ ຜ່ານແຜນງານໂຄງການພັດທະນາຊາວໜຸ່ມ ປີ 2025.
ກອງປະຊຸມ ຍັງໄດ້ຄົ້ນຄວ້າປຶກສາຫາລື ແລະ ປະກອບຄໍາເຫັນໃນການແກ້ໄຂບັນຫາປະກົດການຫຍໍ້ທີ່ເກີດຂຶ້ນໃນຖັນແຖວຊາວໜຸ່ມ - ເຍົາວະຊົນ, ການຂະຫຍາຍສະມາຊິກອະນຸຊົນ - ເຍົາວະຊົນຢູ່ໜ່ວຍໂຮງຮຽນປະຖົມ, ວຽກງານຊາວໜຸ່ມຢູ່ຂັ້ນຮາກຖານກຸ່ມບ້ານໃນການສ້າງຕາແສງ ເພື່ອສືບຕໍ່ຊີ້ນຳການເຄື່ອນໄຫວວຽກງານ ຂອງຊາວໜຸ່ມ - ເຍົາວະຊົນ ໃນຕໍ່ໜ້າ.
ໂອກາດນີ້, ສະຫາຍ ສົມຈັນ ສີຈັນແດງ ໄດ້ຮຽກຮ້ອງມາຍັງຄະນະບໍລິຫານງານຊາວໜຸ່ມຂອງເມືອງ ຈົ່ງເພີ່ມທະວີຄວາມສາມັກຄີເປັນເອກະພາບທາງດ້ານແນວຄິດ, ອຸດົມການ, ຍົກສູງນໍ້າໃຈຮັກຊາດ, ຮັກບ້ານເກີດເມືອງນອນ, ຮັກສາວັດທະນະທຳອັນດີງາມຂອງຊາດ, ຮັກສາສິ່ງແວດລ້ອມ, ມີສະຕິເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເດັດດ່ຽວຈັດຕັ້ງປະຕິບັດນະໂຍບາຍປ່ຽນແປງໃໝ່ຢ່າງມີຫຼັກການຂອງພັກ, ສຸມສະຕິປັນຍາເຂົ້າໃນການຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນຊາວໜຸ່ມແຂວງ ຄັ້ງທີ IX ໃຫ້ປະກົດຜົນເປັນຈິງ, ພ້ອມກັນສ້າງຂະບວນການຂໍ່ານັບຮັບຕ້ອນ ໃນວັນສໍາຄັນຂອງຊາດ, ຂອງພັກ ແລະ ຂອງຊາວໜຸ່ມ ຄ່ຽງຄູ່ກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມ ແລະ ຂໍ້ແຂ່ງຂັນ 3 ດີ 4 ຮູ້ ຂອງເຍົາວະຊົນ ໃຫ້ສໍາເລັດຜົນຕາມລະດັບຄາດໝາຍ ແລະ ແຜນການທີ່ວາງໄວ້.
(ຂ່າວ-ພາບ: ສີລິວັນ ທອງຄໍາສະຫວັນ)
ຄໍາເຫັນ