ເຂົ້າຮ່ວມມີທ່ານ ທະວີສັກ ໄຊຍະວົງ ເລຂາພັກເມືອງ ເຈົ້າເມືອງ, ມີ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ດ່ານສາກົນນ້ຳເງິນ ແລະ ພາກສ່ວນທີກ່ຽວຂ້ອງເຂົ້າຮ່ວມ.
ທ່ານ ລັດທິ ພົມມະຈິດ ກຳມະການພັກເມືອງ ຫົວໜ້າຫ້ອງການພາຍໃນເມືອງ ໄດ້ຜ່ານບົດລາຍງານ ການຈັດຕັ້ງປະຕິບັດ ຂໍ້ແຂ່ງຂັນຮັກຊາດ ແລະ ພັດທະນາ ປີ 2020-2024. ຜ່ານຂະບວນການຈັດຕັ້ງປະຕິບັດຂໍ້ແຂ່ງຂັນຮັກຊາດ ແລະ ພັດທະນາຕິດພັນກັບການຈັດຕັ້ງປະຕິບັດມະຕິຂອງກົມການເມືອງສູນກາງພັກ ສະບັບເລກທີ 03/ກມສພ ວ່າດ້ວຍການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ. ອົງຄະນະພັກເມືອງເງິນ ໄດ້ເອົາໃຈໃສ່ ແລະ ຈັດຕັ້ງປະຕິບັດແຕ່ຂັ້ນຄອບຄົວ, ໜ່ວຍຄອບຄົວ, ໜ່ວຍງານ, ຂັ້ນບ້ານ ແລະ ບຸກຄົນ, ໂຮງຮຽນ, ສຳນັກງານອົງການອ້ອມຂ້າງເມືອງ ທັງໝົດ 52 ພາກສ່ວນ.
ຜ່ານການຈັດຕັ້ງປະຕິບັດ ແລະ ການຊີ້ນຳ-ນຳພາຂອງໜ່ວຍພັກ ກໍຄືອົງການປົກຄອງແຕ່ລະຂັ້ນສາມາດປະເມີນຂໍ້ແຂງຂັນຮັກຊາດ ແລະ ພັດທະນາລາຍລະອຽດດັ່ງນີ້: ຄອບຄົວປະເພດ I ມີ 3,344 ຄອບຄົວ, ປະເພດ II ມີ 319 ຄອບຄົວ; ປະເພດ III ມີ 166 ຄອບຄົວ, ບໍ່ໄດ້ແບ່ງປະເພດມີ 16 ຄອບຄົວ. ປະເພດໜ່ວຍ ປະເພດ I ມີ 291 ໜ່ວຍ, ປະເພດ II ມີ 49 ໜ່ວຍ, ປະເພດ III ມີ 16 ໜ່ວຍ. ໜ່ວຍງານຂັ້ນບ້ານ ປະເພດແຂງມີ 83 ໜ່ວຍງານ, ປະເພດກາງມີ 27 ໜ່ວຍງານ. ບ້ານໄດ້ປະເພດແຂງ 15 ບ້ານ, ກາງ 7 ບ້ານ. ສະມາຊິກພັກ-ພະນັກງານ-ລັດຖະກອນ ປະເພດແຂງ 948 ທ່ານ, ຍິງ 274 ທ່ານ, ກາງ 58 ທ່ານ, ຍິງ 13 ທ່ານ, ປະເພດອ່ອນຍິງ 1 ທ່ານ. ບໍແບ່ງ 43 ທ່ານ, ຍິງ 7 ທ່ານ. ສຳນັກງານ-ອົງການ-ກຳລັງປະກອບອາວຸດ ຂັ້ນເມືອງ ໄດ້ປະເພດແຂງ 25 ພາກສ່ວນ.
ສຳລັບຜົນການປະເມີນ ການຈັດຕັ້ງປະຕິບັດ ຂໍ້ແຂ່ງຂັນຮັກຊາດ ແລະ ພັດທະນາຂອງເມືອງ ປີ 2024, ມີຜົນງານບັນລຸຄາດໝາຍ ປະເມີນໄດ້ 92.5%, ມີກົງຈັກການຈັດຕັ້ງຮັດກຸມ ປະເມີນໄດ້ 92%, ມີປັດໃຈໃໝ່ໃນໂຄງປະກອບເສດຖະກິດ ປະເມີນ ໄດ້ 98%, ມີຂະບວນການຟົດຟື້ນ ແລະ ຕໍ່ເນືອງ 96%, ເປັນເມືອງສະອາດຂຽວງາມ ແລະຮັກສາສິ່ງແວດລ້ອມໄດ້ດີ 92%, ມີຄວາມສະຫງົບ ແລະ ສາມັກຄີປອດອງ 92%, ນຳໜ້າໃນການປະຢັດຕ້ານການຟຸມເຟືອຍ, ຕ້ານການສໍ້ລາດບັງຫຼວງ 95%, ມີຕົວແບບດ້ານການພັດທະນາ ປະເມີນໄດ້ 86%, ມີວິໄສທັດ ແລະ ທິດທາງແຜນການຕາມທິດນຳ 3 ສ້າງ ແລະ ດຳລັດ 348/ລບ ປະເມີນໄດ້ 85%
ໃນວາລະກອງປະຊຸມ ກໍໄດ້ພ້ອມກັນ ຂຶ້ນຈັບມືແຂ່ງຂັນ ຮັກຊາດ ແລະ ພັດທະນາຂອງເມືອງ ສົກກປີ 2025-2029.
(ຂ່າວ: ອິນແປງ ແຫວນຄຳ)
ຄໍາເຫັນ