ທົ່ວເມືອງຍົມມະລາດ ແຂວງຄໍາມ່ວນມີເນື້ອທີ່ແຜນການປູກເຂົ້ານາປີ 8,900 ເຮັກຕາ, ຄາດຄະເນຜົນຜະລິດ 31,595 ໂຕນ. ໃນນີ້ແຜນການປູກເຂົ້າເພື່ອເປັນສະບຽງອາຫານ 4,600 ເຮັກຕາ ຄາດຄະເນຜົນຜະລິດ 16,330 ໂຕນ. ແຜນການປູກເຂົ້າເພື່ອເປັນສິນຄ້າ 4,300 ເຮັກຕາ ຄາດຄະເນຜົນຜະລິດ 14,700 ໂຕນ ຄາດຄະເນຜົນຜະລິດລວມທັງໝົດ 31,595 ໂຕນ, ຄາດຄະເນສະມັດຕະພາບ 3.55 ໂຕນ/ເຮັກຕາ.
ຜ່ານການປະຕິບັດຕົວຈິງໄດ້ 8,633 ເຮັກຕາ, ເນື້ອທີ່ຖືກນໍ້າຖ້ວມເສຍຫາຍ 20 ເຮັກຕາ, ເນື້ອທີ່ເກັບກ່ຽວເຫຼືອຕົວຈິງ 8,613 ເຮັກຕາ, ສະມັດຕະພາບ 3.0 ໂຕນ/ເຮັກຕາ, ຜົນຜະລິດລວມທັງໝົດ 25,839 ໂຕນ. ໃນນັ້ນ ຜະລິດເປັນສະບຽງອາຫານ 5,591 ເຮັກຕາ ຜົນຜະລິດ 16,773 ໂຕນ , ຜະລິດເປັນສິນຄ້າ 3,022 ເຮັກຕາ, ຜົນຜະລິດ 9,066 ໂຕນ. ຊາວນາໄດ້ເລີ່ມລົງມືເກັບກ່ຽວນັບແຕ່ວັນທີ 5/10/2024 ມາຮອດປັດຈຸບັນປະຕິບັດການເກັບກ່ຽວໄດ້ 85%.
ສໍາລັບການປູກພືດລະດູຝົນທົ່ວເມືອງມີເນື້ອທີ່ແຜນການ 1,500 ເຮັກຕາ, ຄາດຄະເນຜົນຜະລິດ24,610 ໂຕນ. ໃນນີ້, ຜະລິດເປັນສະບຽງອາຫານ 455 ເຮັກຕາ, ຜົນຜະລິດ 1,611 ໂຕນ. ຜະລິດເປັນສິນຄ້າ 1,045 ເຮັກຕາ, ຜົນຜະລິດ 22,990 ໂຕນ. ການຜະລິດພືດພາຍໃນເມືອງແມ່ນເລີ້ມລົງມືປູກແຕ່ວັນທີ 1 ເມສາ 2024 ເປັນຕົ້ນມາ ແລະ ປະຕິບັດຕົວຈິງໄດ້ 4,353 ເຮັກຕາ, ເນື້ອທີ່ຖືກນໍ້າຖ້ວມເສຍຫາຍ 17 ເຮັກຕາ, ເນື້ອທີ່ເກັບກູ້ຕົວຈິງ 4,336 ເຮັກຕາ, ສະມັດຕະພາບສະເລ່ຍແຕ່ລະຊະນິດພືດ 16,4 ໂຕນ/ເຮັກຕາ, ຜົນຜະລິດແຕ່ລະຊະນິດພືດລວມທັງໝົດ 71,389 ໂຕນ. ໃນນັ້ນ ຜະລິດເປັນສະບຽງອາຫານ 455 ເຮັກຕາ ຜົນຜະລິດ 1,593 ໂຕນ, ຜະລິດເປັນສິນຄ້າ 3,881 ເຮັກຕາ, ຜົນຜະລິດ 69,585 ໂຕນ. ມາຮອດປັດຈຸບັນຊາວກະສິກອນໃນທົ່ວເມືອງໄດ້ເກັບກູ້ຜົນຜະລິດພືດລະດູຝົນໄດ້ແລ້ວ 7%.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ