ເມືອງພຽງ ປະກາດປັບປຸງກົງຈັກການຈັດຕັ້ງ

ໃນພິທີ, ໄດ້ຮັບຟັງການຜ່ານມະຕິຂອງສະພາປະຊາຊົນແຂວງໄຊຍະບູລີ ວ່າດ້ວຍການຮັບຮອງການປັບປຸງກົງຈັກການຈັດຕັ້ງ, ຜ່ານຂໍ້ຕົກລົງຂອງປະທານອົງການກວດກາແຫ່ງລັດ ວ່າດ້ວຍການແຕ່ງຕັ້ງປະທານອົງການກວດກາລັດ ແລະ ຫົວໜ້າອົງການຕ້ານການສໍ້ລາດບັງຫຼວງ, ຜ່ານມະຕິຕົກລົງຂອງຄະນະປະຈຳພັກເມືອງວ່າດ້ວຍການຍຸບໜ່ວຍພັກຮາກຖານຫ້ອງການຕ່າງໆທີ່ຖືກຍຸບໂຮມ, ມະຕິຕົກລົງຂອງຄະນະປະຈຳພັກເມືອງວ່າດ້ວຍການສ້າງຕັ້ງໜວຍພັກ ແລະ ຄະນະໜ່ວຍພັກໃໝ່, ຮັບຟັງການຜ່ານຂໍ້ຕົກລົງຂອງປະທານຄະນະກຳມະການປົກຄອງເມືອງວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່ ແລະ ວ່າດ້ວຍການແຕ່ງຕັ້ງຫົວໜ້າຮອງຫົວໜ້າຫ້ອງການໂດຍໄດ້ແຕ່ງຕັ້ງ ທ່ານ ນາງ ພອນມະນີ ແລງສຸທິພົງ ເປັນຫົວໜ້າຄະນະຈັດຕັ້ງເມືອງ, ທ່ານ ສາຄອນ ແກ້ວສຸຂະວົງ, ທ່ານ ໜູນ້ອຍ ສາລິກາ ເປັນຮອງຫົວໜ້າຄະນະຈັດຕັ້ງເມືອງ, ແຕ່ງຕັ້ງທ່ານ ຫຸມພັນ ລໍສະຫວັດດີ ເປັນຫົວໜ້າຫ້ອງການອຸດສາຫະກໍາ ແລະ ການຄ້າເມືອງ, ທ່ານ ສອນໄຊ ທອງໃບ, ທ່ານ ນາງ ອໍາພາພອນ ຄໍາພັນເພັງ ເປັນຮອງຫົວໜ້າຫ້ອງການອຸດສາຫະກໍາ ແລະ ການຄ້າເມືອງ, ແຕ່ງຕັ້ງທ່ານ ສົມກຽດ ແພງລື ເປັນຫົວໜ້າຫ້ອງການກະສິກໍາ ແລະ ສິ່ງແວດລ້ອມເມືອງ, ທ່ານ ສີສົມພອນ ນວນແສງສີ, ທ່ານ ຄໍາໄຊ ວິໄລພອນ, ທ່ານ ຖາວອນ ວັດທະນະທຳ ເປັນຮອງຫົວໜ້າຫ້ອງການກະສິກໍາ ແລະ ສິ່ງແວດລ້ອມເມືອງ, ແຕ່ງຕັ້ງທ່ານ ແສງດາວ ສີສົມສັກ ເປັນຫົວໜ້າຫ້ອງການ-ການເງິນເມືອງ, ທ່ານ ການາ ຄໍາປ້ອງ, ທ່ານ ວິໄລ ຄໍາພູບົວ ເປັນຮອງຫົວໜ້າຫ້ອງການ-ການເງິນເມືອງ.

ໂອກາດນີ້, ກໍໄດ້ຜ່ານມະຕິຕົກລົງຂອງຄະນະປະຈຳພັກເມືອງວ່າດ້ວຍການແຕ່ງຕັ້ງຄະນະຮັບຜິດຊອບພັດທະນາຕາແສງ (ເຂດກິ່ວແຄມ) ຕາແສງໂຮມໄຊ ໂດຍແມ່ນທ່ານ ບຸນປອນ ສຸວັນນະລັກ ເປັນປະທານຕາແສງ, (ເຂດເມືອງພຽງເກົ່າ) ຕາແສງນາພຽງ ແມ່ນທ່ານ ນ ບົວແກ້ວ ສຸວັນນາລີ ເປັນປະທານຕາແສງ, (ເຂດນາຊິງ) ຕາແສງນາສະຫວັນ ແມ່ນທ່ານ ບຸນຍັງ ດວງດີ ເປັນປະທານຕາແສງ, (ເຂດເທດສະບານ) ຕາແສງມີໄຊຊະນະ ແມ່ນທ່ານ ຄຳພວງ ຈັນທະວົງ ເປັນປະທານຕາແສງ, (ເຂດໂພນສະອາ) ຕາແສງອາດໄຊຍະພູມ ແມ່ນ ທ່ານ ບຸນເລີດ ຈະເລີນຜົນ ເປັນປະທານຕາແສງ. ຈາກນັ້ນ, ກໍໄດ້ຜ່ານຂໍ້ຕົກລົງຂອງທ່ານເຈົ້າແຂວງວ່າດ້ວຍການອານຸມັດໃຫ້ພະນັກງານພັກການ ຮັບອູດໝຸນບຳນານຈຳນວນ 2 ທ່ານ.

(ຂ່າວ: ວົງສະຫວັນ ສຸທິໂວຫານ)