ເມືອງພຽງ ປາຖະກະຖາ 3 ວັນປະຫວັດສາດຂອງພັກ-ຂອງຊາດ

ໃນພິທີ, ທ່ານ ເສນ ພັນລັກ ໄດ້ປາຖະກະຖາເລົ່າຄືນມູນເຊື້ອ 3 ວັນປະຫວັດສາດສຳຄັນຂອງພັກ,ຂອງຊາດ ໂດຍຍົກໃຫ້ເຫັນປະຫວັດຄວາມເປັນມາ ໃນໄລຍະຂອງການຕໍ່ສູ້ປົດປ່ອຍຊາດ ແລະ ການປາຖະ ກະຖາໃນຄັ້ງນີ້, ເພື່ອທົບທວນຄືນມູນເຊື້ອອົງອາດກ້າຫານຂອງກອງທັບ, ຜູ້ນໍາພັກ-ລັດ ໂດຍສະເພາະການຊີ້ນໍາອັນສະຫຼາດສ່ອງໃສຂອງພັກ ໃນການຜ່າວົງປິດລ້ອມສັດຕູຂອງກອງພັນທີ 2 ວິລະຊົນ ແລະ ວິລະກໍາໂຕນຄຸກທີ່ມະຫັດສະຈັນຂອງບັນດາທ່ານຜູ້ນໍາຂອງພັກ ແລະ ແນວລາວຮັກຊາດ ກັບຄືນສູ່ເຂດທີ່ໝັ້ນຂອງ ການປະຕິວັດຢ່າງປອດໄພ. ເພື່ອເສີມຂະຫຍາຍມູນເຊື້ອນໍ້າໃຈຮັກຊາດ, ຮັກບ້ານເກີດເມືອງນອນ, ເປັນເຈົ້າການປົກປັກຮັກສາ ແລະ ສ້າງສາພັດທະນາປະເທດຊາດ, ປຸກລະດົມຊຸກຍູ້ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ X ຂອງລັດ ໃຫ້ເຂົ້າສູ່ຊີວິດຕົວຈິງ ແລະ ເພື່ອສະແດງຄວາມຮູ້ບຸນຄຸນຕໍ່ປະທານ ໂຮ່ຈີມິນ ຜູ້ກໍ່ຕັ້ງພັກກອມມູນິດອິນດູຈີນ ຊຶ່ງເປັນຕົ້ນກໍາເນີດຂອງພັກປະຊາຊົນ ປະຕິວັດລາວ ແລະ ຮໍ່າຮຽນເອົາຄຸນສົມບັດສິນທໍາປະຕິວັດອັນດີເລີດຂອງເພິ່ນເຂົ້າໃນການປະຕິບັດໜ້າທີ່ວຽກງານ ພ້ອມທັງເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່ການຮ່ວມສໍາພັນສູ້ຮົບທີ່ກົມກຽວໜຽວແໜ້ນ ແລະ ນໍ້າໃຈສາມັກຄີພິເສດອັນບໍລິສຸດຜຸດຜ່ອງ ລະຫວ່າງພະນັກງານ, ນັກ ຮົບ ແລະ ປະຊາຊົນສອງຊາດລາວ-ຫວຽດນາມ ກໍຄືການຮ່ວມມືຮອບດ້ານລະຫວ່າງສອງພັກ-ສອງລັດ ແຕ່ສູນກາງລົງຮອດທ້ອງຖິ່ນ ພ້ອມທັງເປັນການໂຄສະນາ-ສຶກສາອົບຮົມໃຫ້ພະນັກງານ, ສະມາຊິກພັກ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າຮັບຮູ້, ເຂົ້າໃຈ ແລະ ຮ່ໍາຮຽນເອົາແບບຢ່າງອັນດີງາມຂອງຜູ້ນໍາ, ນໍ້າໃຈຮັກຊາດ, ຄວາມອົງອາດກ້າຫານ ແລະ ຄວາມເດັດດ່ຽວໜຽວແໜ້ນຂອງນັກຮົບປະຕິວັດໃນຂະບວນການຕໍ່ສູ້ປົດປ່ອຍຊາດໃນເມື່ອກ່ອນ ເພື່ອມາໝູນໃຊ້ເຂົ້າໃນໜ້າທີ່ວຽກງານຂອງຕົນ ພ້ອມກັນປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນະປະເທດຊາດ.

ຂ່າວ: ແສງສຸດາ ກິ່ງສະຫວັດ