ເມືອງພຽງແຂວງໄຊຍະບູລີຈັດພິທີເປີດງານເທດສະການບຸນກອງເຂົ້າໃຫຍ່ປະຈຳປີ 2024 ຂຶ້ນຢ່າງເປັນທາງການໃນວັນທີ 9 ມັງກອນ ນີ້ ທີ່ເດີ່ນກອງເຂົ້າໃຫຍ່ຂອງເມືອງໂດຍການເປັນກຽດເຂົ້າຮ່ວມຂອງທ່ານ ພົງສະຫວັນ ສິທະວົງ ກຳມະການສູນກາງພັກເລຂາພັກແຂວງເຈົ້າແຂວງໄຊຍະບູລີ,ມີທ່ານ ເສີດ ແສງສຸລິນກຳມະການພັກແຂວງເລາຂາພັກເມືອງເຈົ້າເມືອງໆພຽງ,ມີບັນດາການນຳຂອງແຂວງ,ຂອງເມືອງບັນດາແຂກຖືກເຊີນ,ພະນັກງານ,ທະຫານຕໍາຫຼວດ,ນັກທຸລະກິດ,ພໍ່ຄ້າ,ແມ່ຄ້າຊາວຂາຍ,ບັນດານັກທ່ອງທ່ຽວພ້ອມດ້ວຍປະຊາຊົນບັນດາເຜົ່າຊາວເມືອງພຽງເຂົ້າຮ່ວມຢ່າງຫຼວງຫຼາຍ.
ສຳລັບງານເທດສະການບຸນກອງເຂົ້າໃຫຍ່ປະຈຳປີ 2024 ທີ່ເມືອງພຽງໃນຄັ້ງນີ້ແມ່ນໄດ້ຈັດຂຶ້ນໂດຍຕິດພັນກັບຍຸດທະສາດຂອງເມືອງພຽງທີ່ວ່າສ້າງເມືອງພຽງໃຫ້ເປັນເມືອງຜະລິດສະບຽງອາຫານຕິດພັນກັບການປຸງແຕ່ງສົ່ງອອກພັດທະນາການບໍລິການທາງຜ່ານແລະການທ່ອງທ່ຽວທີ່ເປັນມິດກັບສິ່ງແວດລ້ອມແລະອີກດ້ານໜຶ່ງກໍເພື່ອເປັນການສືບຕໍ່ປັບປຸງແລະເສີມຂະຫຍາຍມູນເຊື້ອວັດທະນະທຳຮີດຄອງປະເພນີອັນດີງາມຂອງຊາດ,ຂອງທ້ອງຖິ່ນໃຫ້ຍືນຍົງຢູ່ຄູ່ກັບປະຊາຊົນບັນດາເຜົ່າຊາວເມືອງພຽງຕະຫຼອດໄປແລະທັງເປັນການສ້າງເງື່ອນໄຂປຸກລະດົມແນວຄິດຂອງປະຊາຊົນບັນດາເຜົ່າເຂົ້າໃນຂະບວນການແຂ່ງຂັນຮັກຊາດແລະພັດທະນາໃຫ້ມີຄວາມໜັກແໜ້ນເຂັ້ມແຂງກວ່າເກົ່າທັງເປັນການປະກອບສ່ວນດຶງດູດນັກທ່ອງທ່ຽວທັງພາຍໃນແລະຕ່າງປະເທດໃຫ້ເຂົ້າມາທ່ຽວຊົມປະເທດລາວເວົ້າສະເພາະກໍຄືເມືອງພຽງພ້ອມທັງປະກອບສ່ວນເປັນເຈົ້າພາບທີ່ດີໃນນາມທີ່ປະເທດລາວເຮົາໄດ້ເປີດປີທ່ອງທ່ຽວລາວປີ2024ຕື່ມອີກ ແລະໄດ້ຈັດເປັນງານເທດສະການໃຫຍ່ໃນທຸກໆປີ ຊຶ່ງໄດ້ມີຫຼາຍກິດຈະກຳເຊັ່ນ: ຂະບວນແຫ່ເຂົ້າເປືອກ, ເຂົ້າສານຂອງປະຊາຊົນແຕ່ລະບ້ານ,ບັນດາສຳນັກງານ,ອົງການແລະໄດ້ມີພິທີທາງສາສະໜາ,ການປະກວດນາງທິດາກອງເຂົ້າໃຫຍ່,ການສະແດງສິລະປະວັນນະຄະດີ,ການແຂ່ງຂັນກິລາພື້ນເມືອງ,ງານຕະຫຼາດນັດຕະຫຼອດເຖິງການຂົບງັນຕາມຮີດຄອງປະເພນີແລະສຳລັບມື້ເປີດພິທີຢ່າງເປັນທາງການກໍໄດ້ມີຂະບວນແຫ່ຂອງກ້ອນກຳລັງ ມວນຊົນບັນດາເຜົ່າຈາກບ້ານຕ່າງໆພາຍໃນເມືອງທີ່ເປັນການສົ່ງເສີມທາງດ້ານວັດທະນະທຳທີ່ເປັນເອກະລັກໃຫ້ຮັກສາໄດ້ວັດທະນະທຳຮີດຄອງປະເພນີອັນດີງາມຂອງຊາດກໍຄືຂອງເຜົ່າເວົ້າສະເພາະກໍຄືເອກກະລັກຂອງຊາວເມືອງພຽງຊຶ່ງຈະໄດ້ອະນຸລັກຮັກສາໄວ້ໃຫ້ມີຄວາມຍືນຍົງຕະຫຼອດມາແລະໃນພິທີເປີດງານເທດສະການໃນຄັ້ງນີ້ທ່ານ ເສີດ ແສງສຸລິນກໍໄດ້ຂຶ້ນກ່າວເປີດພິທີຍ່າງເປັນທາງການແລະໄດ້ມີການມອບໃບຢັ້ງຢືນວ່າດ້ວຍການຮັບຮອງເອົາບ້ານພູຟ້າມີໄຊເປັນບ້ານສາທາລະນະສຸກແບບຢ່າງ ແລະມອບໃບຢັ້ງຍືນຮັບຮອງ ບ້ານແລະຄອບຄົວພັດທະນາສີມືແຮງງານ,ຜ່ານໃບອະນຸຍາດນຳໃຊ້ກາໝາຍໜຶ່ງເມືອງໜຶ່ງຜະລິດຕະພັນແຫ່ງຊາດແລະແຕ່ລະພາກສ່ວນທີ່ເຂົ້າຮ່ວມຍັງໄດ້ມອບການອຸປະຖຳໃນການຈັດງານໃນຄັ້ງນີ້ຕື່ມອີກ. ໂດຍໃຫ້ກຽດມອບໃບຍັ້ງຢືນຂອງທ່ານເຈົ້າເມືອງເມືອງພຽງແລະມອບ-ຮັບ ການອຸປະຖຳຕື່ມອີກ.
ໃນໂອກາດນີ້ ທ່ານ ພົງສະຫວັນ ສິດທະວົງ ໄດ້ໃຫ້ກຽດລັ່ນຄ້ອງເກົ້າບາດ, ຮ່ວມຕັດແຖບຜ້າປ່ອຍໝາກປູ່ມເປົ້າ ເພື່ອເປັນສັນຍາລັກໃຫ້ແກ່ການເປີດງານເທດສະການບຸນກອງເຂົ້າໃຫຍ່ຂອງເມືອງພຽງປະຈຳປີ2024 ຢ່າງເປັນທາງການ ພ້ອມທັງຮ່ວມເປີດປ້າຍນາມມະຍົດຕ່າງໆຂອງເມືອງແລະໄດ້ທ່ຽວຊົມຕະຫຼາດນັດຜະລິດຕະພັນສິນຄ້າໂອດັອບທີ່ເປັນເອກະລັກຂອງຊາວເມືອງພຽງ. ງານດັ່ງກ່າວເລີ່ມແຕ່ວັນທີ 8 ຫາ 12ມັງກອນ2024ນີ້ຈຶ່ງຈະສຳເລັດ.
ຂ່າວ-ພາບ: ແສງສຸດາ ກິ່ງສະຫວັດ
ສຳລັບງານເທດສະການບຸນກອງເຂົ້າໃຫຍ່ປະຈຳປີ 2024 ທີ່ເມືອງພຽງໃນຄັ້ງນີ້ແມ່ນໄດ້ຈັດຂຶ້ນໂດຍຕິດພັນກັບຍຸດທະສາດຂອງເມືອງພຽງທີ່ວ່າສ້າງເມືອງພຽງໃຫ້ເປັນເມືອງຜະລິດສະບຽງອາຫານຕິດພັນກັບການປຸງແຕ່ງສົ່ງອອກພັດທະນາການບໍລິການທາງຜ່ານແລະການທ່ອງທ່ຽວທີ່ເປັນມິດກັບສິ່ງແວດລ້ອມແລະອີກດ້ານໜຶ່ງກໍເພື່ອເປັນການສືບຕໍ່ປັບປຸງແລະເສີມຂະຫຍາຍມູນເຊື້ອວັດທະນະທຳຮີດຄອງປະເພນີອັນດີງາມຂອງຊາດ,ຂອງທ້ອງຖິ່ນໃຫ້ຍືນຍົງຢູ່ຄູ່ກັບປະຊາຊົນບັນດາເຜົ່າຊາວເມືອງພຽງຕະຫຼອດໄປແລະທັງເປັນການສ້າງເງື່ອນໄຂປຸກລະດົມແນວຄິດຂອງປະຊາຊົນບັນດາເຜົ່າເຂົ້າໃນຂະບວນການແຂ່ງຂັນຮັກຊາດແລະພັດທະນາໃຫ້ມີຄວາມໜັກແໜ້ນເຂັ້ມແຂງກວ່າເກົ່າທັງເປັນການປະກອບສ່ວນດຶງດູດນັກທ່ອງທ່ຽວທັງພາຍໃນແລະຕ່າງປະເທດໃຫ້ເຂົ້າມາທ່ຽວຊົມປະເທດລາວເວົ້າສະເພາະກໍຄືເມືອງພຽງພ້ອມທັງປະກອບສ່ວນເປັນເຈົ້າພາບທີ່ດີໃນນາມທີ່ປະເທດລາວເຮົາໄດ້ເປີດປີທ່ອງທ່ຽວລາວປີ2024ຕື່ມອີກ ແລະໄດ້ຈັດເປັນງານເທດສະການໃຫຍ່ໃນທຸກໆປີ ຊຶ່ງໄດ້ມີຫຼາຍກິດຈະກຳເຊັ່ນ: ຂະບວນແຫ່ເຂົ້າເປືອກ, ເຂົ້າສານຂອງປະຊາຊົນແຕ່ລະບ້ານ,ບັນດາສຳນັກງານ,ອົງການແລະໄດ້ມີພິທີທາງສາສະໜາ,ການປະກວດນາງທິດາກອງເຂົ້າໃຫຍ່,ການສະແດງສິລະປະວັນນະຄະດີ,ການແຂ່ງຂັນກິລາພື້ນເມືອງ,ງານຕະຫຼາດນັດຕະຫຼອດເຖິງການຂົບງັນຕາມຮີດຄອງປະເພນີແລະສຳລັບມື້ເປີດພິທີຢ່າງເປັນທາງການກໍໄດ້ມີຂະບວນແຫ່ຂອງກ້ອນກຳລັງ ມວນຊົນບັນດາເຜົ່າຈາກບ້ານຕ່າງໆພາຍໃນເມືອງທີ່ເປັນການສົ່ງເສີມທາງດ້ານວັດທະນະທຳທີ່ເປັນເອກະລັກໃຫ້ຮັກສາໄດ້ວັດທະນະທຳຮີດຄອງປະເພນີອັນດີງາມຂອງຊາດກໍຄືຂອງເຜົ່າເວົ້າສະເພາະກໍຄືເອກກະລັກຂອງຊາວເມືອງພຽງຊຶ່ງຈະໄດ້ອະນຸລັກຮັກສາໄວ້ໃຫ້ມີຄວາມຍືນຍົງຕະຫຼອດມາແລະໃນພິທີເປີດງານເທດສະການໃນຄັ້ງນີ້ທ່ານ ເສີດ ແສງສຸລິນກໍໄດ້ຂຶ້ນກ່າວເປີດພິທີຍ່າງເປັນທາງການແລະໄດ້ມີການມອບໃບຢັ້ງຢືນວ່າດ້ວຍການຮັບຮອງເອົາບ້ານພູຟ້າມີໄຊເປັນບ້ານສາທາລະນະສຸກແບບຢ່າງ ແລະມອບໃບຢັ້ງຍືນຮັບຮອງ ບ້ານແລະຄອບຄົວພັດທະນາສີມືແຮງງານ,ຜ່ານໃບອະນຸຍາດນຳໃຊ້ກາໝາຍໜຶ່ງເມືອງໜຶ່ງຜະລິດຕະພັນແຫ່ງຊາດແລະແຕ່ລະພາກສ່ວນທີ່ເຂົ້າຮ່ວມຍັງໄດ້ມອບການອຸປະຖຳໃນການຈັດງານໃນຄັ້ງນີ້ຕື່ມອີກ. ໂດຍໃຫ້ກຽດມອບໃບຍັ້ງຢືນຂອງທ່ານເຈົ້າເມືອງເມືອງພຽງແລະມອບ-ຮັບ ການອຸປະຖຳຕື່ມອີກ.
ໃນໂອກາດນີ້ ທ່ານ ພົງສະຫວັນ ສິດທະວົງ ໄດ້ໃຫ້ກຽດລັ່ນຄ້ອງເກົ້າບາດ, ຮ່ວມຕັດແຖບຜ້າປ່ອຍໝາກປູ່ມເປົ້າ ເພື່ອເປັນສັນຍາລັກໃຫ້ແກ່ການເປີດງານເທດສະການບຸນກອງເຂົ້າໃຫຍ່ຂອງເມືອງພຽງປະຈຳປີ2024 ຢ່າງເປັນທາງການ ພ້ອມທັງຮ່ວມເປີດປ້າຍນາມມະຍົດຕ່າງໆຂອງເມືອງແລະໄດ້ທ່ຽວຊົມຕະຫຼາດນັດຜະລິດຕະພັນສິນຄ້າໂອດັອບທີ່ເປັນເອກະລັກຂອງຊາວເມືອງພຽງ. ງານດັ່ງກ່າວເລີ່ມແຕ່ວັນທີ 8 ຫາ 12ມັງກອນ2024ນີ້ຈຶ່ງຈະສຳເລັດ.
ຂ່າວ-ພາບ: ແສງສຸດາ ກິ່ງສະຫວັດ
ຄໍາເຫັນ