 |
ການເຜີຍແຜ່ຄັ້ງນີ້, ຕາງໜ້າຄະນະສະເພາະກິດຂັ້ນເມືອງລາຍງານໃຫ້ຮູ້ເຖິງຂໍ້ສະດວກຂໍ້,ຫຍຸ້ງຍາກກ່ຽວກັບການຄຸ້ມຄອງວຽກງານຫວຍພັດທະນາໃນໄລຍະຜ່ານມາ, ຍົກໃຫ້ເຫັນການຄຸ້ມຄອງກິດຈະການຫວຍ, ບໍລິສັດລັດວິສາຫະກິດຫວຍພັດທະນາ, ລວມຕົວແທນຈໍາໜ່າຍ ທັງໜົດ 3 ຕົວແທນຈໍາໜ່າຍ, ມີຈໍານວນເຄື່ອງຂາຍທັງໜົດ 108 ເຄື່ອງ, ຈໍາໜ່ຍຕົວຈິງ 88 ເຄື່ອງ. ໃນໄລຍະຜ່ານມາ, ຕົວແທນຈໍາໜ່າຍຫວຍແຕ່ລະສາຂາໄດ້ເອົາໃຈໃສ່ປະຕິບັດລະບຽບກົດໝາຍ ໃນການມອບພັນທະເຂົ້າງົບປະມານໄດ້ທ່ວງທັນກັບເວລາ ແລະ ຄົບຖ້ວນຕາມລະບຽບການ. ຈາກນັ້ນ, ໄດ້ຮັບຟັງເຜີຍແຜ່ຄໍາສັ່ງເລກທີ 16/ນຍ ວ່າດ້ວຍການກວດກາ, ສະກັດກັ້ນ ແລະ ການແກ້ໄຂຫວຍທີ່ບໍ່ຖືກຕ້ອງຕາມກົດໝາຍ ແລະ ລະບຽບການ. ຮັບຟັງເຜີຍແຜ່ ຄໍາແນະນໍາ ເລກທີ 322/ກງ ລົງວັນທີ 02 ຕຸລາ 2023; ກ່ຽວກັບການຄຸ້ມຄອງກິດຈະການຫວຍພັດທະນາ, ຮັບຟັງເຜີຍແຜ່ ຂໍ້ຕົກລົງສະບັບເລກທີ 02/ອສ ລົງວັນທີ 30 ມັງກອນ 2023 ວ່າດ້ວຍເງື່ອນໄຂ ແລະ ມາດຖານຂອງວິສາຫະກິດ ຕົວແທນຈໍາໜ່າຍ ແລະ ພັດທະນາ.
 |
ຈຸດປະສົງ ກໍເພື່ອເຮັດໃຫ້ທຸກພາກສ່ວນທີໄດ້ເຂົ້າຮ່ວມໃຫ້ຮັບຮູ້, ເຂົ້າໃຈເລິກເຊິ່ງ, ມີຄວາມເປັນເອກະພາບ ແລະ ໂອກາດນີ້, ບັນດາຜູ້ເຂົ້າຮ່ວມ ໄດ້ປະກອບຄຳຄິດຄໍາເຫັນ ແລະ ໄດ້ສະເໜີວິທີແກ້ໄຂບັນຫາວຽກຮ່ວມກັນເພື່ອພ້ອມກັນປັບປຸງແກ້ໄຂເຮັດໃຫ້ການຄຸ້ມຄອງກວດກາສະກັດກັ້ນ ແລະ ການແກ້ໄຂການຂາຍຫວຍທີບໍ່ຖືກຕ້ອງຕາມກົດໝາຍ,ລະບຽບການ ແລະ ນິຕິກຳອື່ນໆ ທີ່ກ່ຽວຂ້ອງກັບຫວຍພັດທະນາໃຫ້ໄດ້ຮັບຜົນດີ. ໃນຕອນທ້າຍ, ທ່ານ ກອງໄຊ ໄຊຍະລາດ ໄດ້ເນັ້ນໃຫ້ຄະນະຮັບຜິດຊອບຂັ້ນຕ່າງເອົາໃຈໃສ່ກຳແໜ້ນບັນກດານິຕິກຳຕ່າງໆ ທີໄດ້ນຳມາເຜີຍແຜ່ໃນຄັ້ງນີ້.
(ຂ່າວ: ແສງສຸດາ ກິ່ງສະຫວັດ)
ຄໍາເຫັນ