 |
ໃນພິທີໄດ້ຜ່ານຂໍ້ຕົກລົງວ່າດ້ວຍການຮັບຮອງເອົາສັດປະເພດ “ນົກຂວາ" ເປັນສັດປະຈຳແຂວງ, ຂໍ້ຕົກລົງວ່າດ້ວຍຄະນະຊີ້ນໍາ ແລະ ຜັນຂະຫຍາຍແຜນແມ່ບົດ, ຂໍ້ຕົກລົງວ່າດ້ວຍການແບ່ງໜ້າທີ່ຂອງຄະນະຮັບຜິດຊອບການພັດທະນາ, ຄຸ້ມຄອງ ແລະ ຜັນຂະຫຍາຍແມ່ບົດ ວ່າດ້ວຍນົກຂວາສັດປະຈໍາແຂວງ ແລະ ລະບຽບການຄຸ້ມຄອງນົກຂວາ, ເຊິ່ງນົກຂວາໄດ້ພົບເຫັນຢູ່ໃນເຂດປ່າສະຫງວນຂອງບ້ານ, ເມືອງ, ແຂວງ ແລະ ປ່າສະຫງວນແຫ່ງຊາດນໍ້າຫ້າ, ລັກສະນະຂອງນົກຂວາມີດັ່ງນີ້: ໂຕຜູ້ ໃບໜ້າມີແຜ່ນໜັງສີແດງເຂັ້ມ, ປາກສີຂາວ, ຕາສີດຳ ແລະ ມີຂົນຫອນເປັນສີດຳຍາວ, ສ່ວນໂຕແມ່ ໃບຫນ້າມີແຜ່ນສີແດງເລັກນ້ອຍ, ມີປາກສີເທົາ, ຕາສີດໍາ ແລະ ຫົວມີຂົນຫອນເປັນສີດຳຍາວໄປທາງຫຼັງ, ເປົ້າ
ໝາຍໃນການກໍານົດ ເປັນສັນຍາລັກສັດປະຈຳແຂວງຫຼວງນໍ້າທາ, ສ້າງເປັນອານຸສອນສະຖານຢູ່ບັນດາສະຖານທີ່ສຳຄັນ ແລະ ແຫຼ່ງທ່ອງທ່ຽວທີ່ໂດດເດັ່ນຂອງແຂວງ, ເປັນການໂຄສະນາ ແລະ ສົ່ງເສີມການທ່ອງທ່ຽວ ແບບອະນຸລັກປະຊາຊົນມີສ່ວນຮ່ວມ ໃນເຂດປ່າສະຫງວນແຫ່ງຊາດນໍ້າຫ້າ; ສ້າງເປັນເຄື່ອງໝາຍການຄ້າ (ໂລໂກ) ໃຫ້ແກ່ຜະລິດຕະພັນ, ສິນຄ້າ ແລະ ການບໍລິການຂອງແຂວງ, ໃຊ້ເປັນເຄື່ອງໝາຍ (ໂລໂກ) ຕ່າງໆຂອງອົງການຈັດຕັ້ງພາກລັດ, ພາກເອກະຊົນ, ສ້າງເປັນເຄື່ອງທີ່ລະນຶກ ເພື່ອຈຳໜ່າຍໃຫ້ແກ່ນັກທ່ອງທ່ຽວ ແລະ ອື່ນໆ. ເພື່ອເອກອ້າງເຖິງຄວາມອຸດົມສົມບູນ ທາງດ້ານຊີວະນາໆພັນ ແລະ ລະບົບນິເວດວິທະຍາ ຢູ່ເຂດປ່າສະຫງວນແຫ່ງຊາດນໍ້າຫ້າ, ທັງເປັນການໂຄສະນາດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ເຂົ້າມາທ່ອງທ່ຽວນັບມື້ນັບຫຼາຍຂື້ນ. ເພື່ອສົ່ງເສີມໃຫ້ມີການອະນຸລັກ ແລະ ການຂະຫຍາຍພັນ ຂອງປະຊາກອນນົກຂວາ ໃຫ້ມີປະລິມານເພີ່ມຂຶ້ນ ລວມທັງພື້ນທີ່ອາໄສຂອງນົກປະເພດດັ່ງກ່າວ ໃຫ້ມີຄວາມຍືນຍົງ, ເພື່ອເປັນການປົກປັກຮັກສາສັດດັ່ງກ່າວຍັງຈະໄດ້ມີການຄຸ້ມຄອງສັດປະຈໍາແຂວງ ( ນົກຂວາ ) ຍັງຈະມີມາດຕະການ ຕໍ່ຜູ້ລະເມີດບຸກຄົນ, ນິຕິບຸກຄົນ ກໍຄື ການລ່າ ຫຼື ຂ້າ, ຊື້-ຂາຍ, ມີໄວ້ຄອບຄອງ, ເຂົ້າໄປລ່າສັດເຂດປ່າສະຫງວນຫວງຫ້າມ, ການໃຊ້ກັບ-ດັກ, ແຮ້ວ ແລະ ເຄື່ອງມືລ່າສັດຕ່າງໆແບບດັບສູນ, ຖ້າຫາກພົບເຫັນທ່ານໃດລະເມີດ ຂໍ້ຕົກລົງສະບັບນີ້ ຈະຖືກກ່າວເຕືອນ, ສຶກສາອົບຮົມ, ລົງວິໄນ, ປັບໃໝ, ຮັບຜິດຊອບທາງແພ່ງ ຫຼື ລົງໂທດທາງອາຍາ ຕາມກໍລະນີເບົາ ຫຼື ໜັກ.
 |
ຂ່າວ: ເມືອງສິງ
ຄໍາເຫັນ