ໃນພິທີ,ສະຫາຍສາລີພະລັກສາຫົວໜ້າພະແນກກໍ່ສ້າງຮາກຖານການເມືອງກອງບັນຊາການທະຫານແຂວງໄດ້ຂຶ້ນຜ່ານຂໍ້ຕົກລົງຂອງກອງບັນຊາການທະຫານແຂວງຈຳປາສັກເລກທີ115/ກຈປ,ລົງວັນທີ27/3/2025ວ່າດ້ວຍການຢັ້ງຢືນຮັບຮອງເອົາບ້ານປ້ອງກັນຊາດເຂັ້ມແຂງ6ບ້ານແລະ ຜ່ານຂໍ້ຕົກລົງຂອງທ່ານເຈົ້າເມືອງສຸຂຸມາເລກທີ399/ຈມ.ສມ, ລົງວັນທີ31/12/2024ວ່າດ້ວຍການຮັບຮອງເອົາຄອບຄອບປ້ອງກັນຊາດເຂັ້ມແຂງໃນ6ບ້ານຄື:ບ້ານໂນນຄຸ້ມມີ97ຄອບຄົວ,ບ້ານໄໝ່ແສນສຸກມີ73ຄອບຄົວ,ບ້ານໂນນໂພມີ62ຄອບຄົວ,ບ້ານໂຄກກ່ອງມີ254ຄອບຄົວ,ບ້ານຫ້ວຍເຜີ້ງ113ຄອບຄົວ,ບ້ານມ່ວງມີ105ຄອບຄົວ.ຈາກນັ້ນ, ສະຫາຍພັທບຸນຖອງຫຼວງກາງຫົວໜ້າການເມືອງກອງບັນຊາການທະຫານເມືອງ ໄດ້ຂຶ້ນຜ່ານບົດສະຫຼຸບຂະບວນການສ້າງບ້ານປ້ອງກັນຊາດເຂັ້ມແຂງ, ຊຶ່ງໃນຈຳນວນ6ບ້ານມີ829ຄອບຄົວປະເມີນເປັນຄອບຄົວປ້ອງກັນຊາດເຂັ້ມແຂງໄດ້ຄື:ມີຄອບຄົວປ້ອງກັນຊາດປະເພດ1, 95% ຂຶ້ນໄປມີ705ຄອບຄົວ.ປະເພດ2 ບໍ່ມີ,ປະເພດຄອບຄົວຫຼຸດຄາດໝາຍ84%ລົງມາມີ124ຄອບຄົວ.ສັງລວມແລ້ວຈຳນວນ6ບ້ານສາມາດຕີລາປະເມີນຜົນຄອບຄົວປ້ອງກັນຊາດເຂັ້ມແຂງປະເພດ1ທຽບໃສ່6ມາດຖານແມ່ນໄດ້95%ຂຶ້ນໄປມີ705ຄອບຄົວ,ສ່ວນຄອບຄົວທີ່ຍັງບໍ່ທັນໄດ້ຕາມມາດຖານ124ຄອບຄົວ.ຄະນະຮັບຜິດຊອບຈະສືບຕໍ່ກໍ່ສ້າງຕໍ່ໜ້າ.
ຈາກນັ້ນ,ກໍໄດ້ມອບໃບຢັ້ງຢືນຮັບຮອງເອົາ6ບ້ານຂອງເມືອງສຸຂຸມາເປັນບ້ານປ້ອງກັນຊາດເຂັ້ມແຂງ,ໂດຍການກ່າວມອບຂອງສະຫາຍພົນຈັດຕະວາ.ວິລະຕູ່ວໍລະຈິດແລະກ່າວຮັບໂດຍນາຍບ້ານທັງ6ບ້ານ.
(ຂ່າວ: ປັນຍາແກ້ວພິລົມ)
ຄໍາເຫັນ