 |
ທ່ານ ນາງ ຈັນດາວອນ ທໍາມະໂຄດ ຄະນະບໍລິຫານງານສະຫະພັນແມ່ຍິງແຂວງວຽງຈັນ, ປະທານຄະນະບໍລິຫານງານສະຫະພັນແມ່ຍິງເມືອງທຸລະຄົມ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ຄັ້ງທີ 3 ສະໄໝທີ 8 ຂອງໜ່ວຍສະຫະພັນແມ່ຍິງ ທັງໝົດ 84 ໜ່ວຍ. ໃນນັ້ນ, ມີໜ່ວຍແມ່ຍິງຫ້ອງການ, ອົງການ, ກົມກອງ 44 ໜ່ວຍ, ໜ່ວຍແມ່ຍິງບ້ານ 40 ໜ່ວຍ. ບົດສະຫຼຸບໄດ້ຍົກໃຫ້ເຫັນສະພາບລວມ, ການສຶກສາອົບຮົມການເມືອງ-ແນວຄິດໃຫ້ສະມາຊິກເອື້ອຍນ້ອງແມ່ຍິງ, ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ, ຜົນໄດ້ຮັບຂອງການເຄື່ອນໄຫວວຽກງານແຕ່ລະດ້ານ, ວຽກງານປັບປຸງກົງຈັກການຈັດຕັ້ງ ແລະ ວຽກງານນະໂຍບາຍ, ວຽກງານປົກປ້ອງຜົນປະໂຫຍດອັນຊອບທໍາຂອງແມ່ຍິງ ແລະ ເດັກນ້ອຍ, ວຽກງານຊຸກຍູ້ສົ່ງເສີມແມ່ຍິງໃນການພັດທະນາເສດຖະກິດ-ສັງຄົມ, ບັນດາຄອບຄົວຕົວແບບຂອງເອື້ອຍນ້ອງແມ່ຍິງ ແລະ ທິດທາງແຜນການເຄື່ອນໄຫວໃນປີ 2025. ພາຍໃນ 40 ບ້ານ ຂອງຈໍານວນ 42 ບ້ານ, ທົ່ວເມືອງ ມີພົນລະເມືອງທັງໝົດ 61,552 ຄົນ ຍິງ 30,951 ເທົ່າກັບ 50.28%, ຊາຍ 30,601 ຄົນ ເທົ່າກັບ 49.71%, ມີຄະນະສະຫະພັນແມ່ຍິງທັງໝົດ 320 ຄົນ ເທົ່າກັບ 6.38%, ມີສະມາຊິກແມ່ຍິງທັງໝົດ 5,865 ຄົນເທົ່າກັບ 94.64%, ມີສະມາຊິກພັກ 878 ສະຫາຍ ເທົ່າກັບ 15.81%, ແມ່ຍິງທີ່ເປັນສະມາຊິກຊາວໜຸ່ມປະຊາຊົນປະຕິວັດລາວ 1,725 ຄົນ. ການຕີລາຄາປະເພດບຸກຄົນ 3 ດີ ມີສະມາຊິກສະຫະພັນແມ່ຍິງເຂົ້າຮ່ວມແຂ່ງຂັນທັງ ໝົດ 5,044 ຄົນ, ພົນລະເມືອງດີ 5,044 ຄົນ, ພັດທະນາດີ, 5,044 ຄົນ, ສ້າງຄອບຄົວດີ 5,044 ຄົນ, ສະມາຊິກສະຫະພັນແມ່ຍິງບຸກຄົນ 3 ດີປະເພດ 1 ມີ 4,810 ຄົນ, ປະເພດ 2 ມີ 234 ຄົນ. ຈາກນັ້ນ, ກໍໄດ້ມອບໃບ ຢັ້ງຢືນ ແລະ ໃບຍ້ອງຍໍໃຫ້ແກ່ 84 ໜ່ວຍ. ໃນພິທີ, ຍັງໄດ້ຮັບຟັງການປາຖະກະຖາມູນເຊື້ອຂອງວັນສ້າງຕັ້ງແມ່ຍິງລາວຄົບຮອບ 7 ປີ,
 |
(ຂ່າວ: ເມືອງທຸລະຄົມ)
ຄໍາເຫັນ