ທ່ານ ສີຈັນ ຫານເສິກ ຫົວໜ້າຫ້ອງການກະສິກຳ ແລະ ປ່າໄມ້ເມືອງໄດ້ຂຶ້ນຜ່ານບົດສະຫຼຸບການປູກພືດລະດູແລ້ງສົກປີ 2024-2025 ແລະ ແຜນການຜະລິດລະດູຝົນປີ 2025 ບາງຕອນທ່ານໃຫ້ຮູ້ວ່າ: ການປູກພືດລະດູແລ້ງທົ່ວເມືອງມີເນື້ອທີ່ແຜນການທັງໝົດ 5,700 ເຮັກຕາ. ໃນນີ້, ເຂົ້ານາແຊງ ມີເນື້ອທີ່ແຜນການ 520 ເຮັກຕາ, ປະຕິບັດໄດ້ 520 ກວ່າເຮັກຕາລື່ນແຜນການ 0.15%; ຜົນຜະລິດ 2,333 ກວ່າໂຕນ; ພືດຊະນິດຕ່າງໆ ມີເນື້ອທີ່ແຜນການ 5,180 ເຮັກຕາ, ປະຕິບັດໄດ້ 5,304 ກວ່າເຮັກຕາ ລື່ນແຜນການ 2.40% ຜົນຜະລິດ 48,427 ກວ່າໂຕນ, ພືດເສດຖະກິດ ມີເນື້ອທີ່ແຜນການ 880 ເຮັກຕາ, ປະຕິບັດໄດ້ 922ເຮັກຕາກວ່າລື່ນແຜນການ 4.84%, ຜົນຜະລິດ 14,544.77 ໂຕນ. ໃນນີ້, ມີພືດທີ່ພົ້ນເດັ່ນຄື: ສາລີຫວານ ປະຕິບັດໄດ້ 300 ກວ່າເຮັກຕາ ລື່ນແຜນການ 0.06%, ຜົນຜະລິດ 2,401 ກວ່າໂຕນ. ໝາກໂມ ປະຕິບັດໄດ້ 286 ກວ່າເຮັກຕາ, ລື່ນແຜນການ 14.65% ຜົນຜະລິດໄດ້ 9,552 ກວ່າໂຕນ, ຖົ່ວເຫຼືອງ ປະຕິບັດ 205 ກວ່າເຮັກຕາ ລື່ນແຜນການ 2.77%, ຜົນຜະລິດໄດ້ 2,055 ກວ່າໂຕນ, ຢາສູບປະຕິບັດໄດ້ 70.17 ເຮັກຕາ ລື່ນແຜນການ 0.24% ຜົນຜະລິດໄດ້175 ກວ່າໂຕນ, ການປູກພືດເປັນສິນຄ້າສົ່ງອອກມີທັງໝົດ 5 ບໍລິສັດມີເນື້ອທີ່ 551 ກວ່າເຮັກຕາ ລື່ນແຜນການ 8.14%, ທຽບໃສ່ປີຜ່ານມາຫຼຸດລົງ 342 ກວ່າເຮັກຕາ (ສາເຫດຍ້ອນເນື້ອທີ່ປູກໝາກໂມປີຜ່ານມາຖືກກຳນົດເປັນເຂດສະຫງວນໜ້າອ່າງນ້ຳຕຽນ, ດິນປະຊາຊົນຈຳນວນໜຶ່ງຫັນໄປປູກມັນຕົ້ນສ່ວນເນື້ອທີ່ປູກຖົ່ວເຫຼືອງຈຳນວນໜຶ່ງຫັນມາປູກເຂົ້ານາແຊງ) ເກັບກູ້ທັງໝົດ 538 ເຮັກຕາກວ່າ ເທົ່າກັບ 97.52% ຜົນຜະລິດ 11,756 ກວ່າໂຕນ. ຈາກນັ້ນ, ປະທານກອງປະຊຸມກໍໄດ້ມີຄຳເຫັນເຈາະເຈີ້ມ ແລະ ຜູ້ເຂົ້າຮ່ວມກອງປະຊຸມກໍໄດ້ພ້ອມກັນປະກອບຄຳຄິດຄຳເຫັນໃສ່ບົດສະຫຼຸບ ໂດຍຍົກໃຫ້ເຫັນຜົນງານດ້ານດີທີ່ຈະຕ້ອງສືບຕ້ອງສືບຕໍ່ເສີມຂະຫຍາຍ, ຈຸດອ່ອນຂໍ້ຄົງຄ້າງທີ່ຈະຕ້ອງພ້ອມກັນແກ້ໄຂປັບປຸງໃຫ້ດີຂຶ້ນ.
(ຂ່າວ-ພາບ: ສົມພົງ ສີສະຫັວດ)
ຄໍາເຫັນ