ເມືອງໄຊຍະບູລີ ເຊັນສັນຍາໂຄງການກໍ່ສ້າງສ້ອມແປງຊົນລະປະທານ

ມະຫາວິທະຍາໄລແຫ່ງຊາດ(ມຊ)ຮ່ວມກັບມະຫາວິທະຍາໄລອື່ນໆພາຍໃນປະເທດ ແລະ ຕ່າງປະເທດ ເຊັ່ນ: ມະຫາວິທະຍາໄລຢຸນນານ, ມະຫາວິທະຍາໄລ ເຊ່ຍເມີນ ສປ ຈີນ ແລະ ມະຫາວິທະຍາໄລ Manchester ປະເທດອັງກິດ. ໄດ້ຈັດກອງປະຊຸມຄົ້ນຄວ້າວິທະຍາສາດສັງຄົມ ແລະ ຖະແຫຼ່ງບົດລາຍງານສອງສະບັບ ຂຶ້ນເມື່ອບໍ່ດົນມານີ້ທີ ມຊພາຍໃຕ້ການເປັນປະທານຮ່ວມຂອງ ທ່ານ Wang Jiang ຜູ້ອໍານວຍການບໍລິສັດ CWE ສາຂາປະຈໍາ ສປປ ລາວ,ທ່ານ ພູໄຊ ວົງພະຈັນ ຕາງໜ້າບໍລິສັດ CWE ສາຂາປະຈໍາ ສປປ ລາວທ່ານ Yang Fang ຈາກຄະນະພົວພັນສາກົນ/ສະຖາບັນຄົ້ນຄວ້ານານຢາງມະຫາວິທະຍາໄລ ເຊ່ຍເມີນ ສປ ຈີນ,ຊຶ່ງມີນັກວິຊາການ ແລະ ຜູ້ຊ່ຽວຊານຈາກມະຫາວິທະຍາໄລຊັ້ນນໍາຈາກປະເທດຈີນ, ອັງກິດ, ອົສຕຣາລີ, ອິນເດຍ, ລາວ ແລະ ປະເທດອື່ນໆໄດ້ເຂົ້າຮ່ວມ.

ໃນວັນທີ 18 ພະຈິກນີ້ ຢູ່ທີ່ສະໂມສອນເມືອງນາກາຍ ແຂວງຄໍາມ່ວນໄດ້ຈັດພິທີປະກາດການຈັດຕັ້ງປະທານ,ຮອງປະທານຄະນະກໍາມະການປົກຄອງເມືອງຂຶ້ນ ໂດຍການເຂົ້າຮ່ວມຂອງທ່ານ ສົມໃຈ ພານີຈັນ ຮອງເລຂາພັກແຂວງຫົວໜ້າຄະນະຈັດຕັ້ງແຂວງ, ມີທ່ານ ນາງ ບົວກາ ແກ້ວມະນີ ກໍາມະການພັກແຂວງເລຂາພັກເມືອງ ເຈົ້າເມືອງນາກາຍ,ມີແຂກຮັບເຊີນຈາກຄະນະຈັດຕັ້ງແຂວງ, ເມືອງເຂົ້າຮ່ວມ.

ເນື່ອງໃນໂອກາດທີ່ ສະຫາຍ ສົມສະຫວາດ ເລັ່ງສະຫວັດອະດິດກຳມະການກົມການເມືອງສູນກາງພັກອະດິດຮອງນາຍົກລັດຖະມົນຕີ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ ແຂວງໄຊສົມບູນ ໃນວັນທີ 18 ພະຈິກ 2025ນີ້, ສະຫາຍ ພ້ອມດ້ວຍຄະນະ ໄດ້ຂຶ້ນໄປຢ້ຽມຢາມ (ພິຊິດ) ຈອມພູ້ເບ້ຍ ເພື່ອສຳຜັດກັບບັນຍາກາດ ແລະ ທິວທັດທໍາມະຊາດອັນສວຍສົດງົດງາມຂອງຈອມພູເບ້ຍ. ຊຶ່ງນໍາພາຂະບວນໂດຍສະຫາຍ ພອຍຄຳ ຮຸ່ງບຸນຍວງ ເລຂາພັກແຂວງ ພ້ອມດ້ວຍຄະນະພັກ-ຄະນະນຳຂອງ ແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມຢ່າງເປັນຂະບວນການຟົດຟື້ນ.

ໃນວັນທີ 17 ພະຈິກນີ້ ທີ່ຫ້ອງປະຊຸມສະໂມສອນແຂວງສາລະວັນ, ທ່ານ ບົວຄົງນາມມະວົງ ກຳມະການສູນກາງພັກ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ໄດ້ພົບປະໂອລົມພະນັກງານການນຳ, ພະນັກງານລັດຖະກອນຫ້ອງວ່າການແຂວງ. ໂດຍມີ ທ່ານ ຈັນເພັງ ສາຍທຳມະວົງ ກຳມະການພັກແຂວງ ຫົວໜ້າຫ້ອງວ່າການແຂວງສາລະວັນ ພ້ອມດ້ວຍຄະນະ ແລະ ພະນັກງານລັດຖະກອນພາຍໃນຫ້ອງວ່າການແຂວງເຂົ້າຮ່ວມ.

ໃນລະຫວ່າງວັນທີ12-17 ພະຈິກ 2025, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ, ປະທານຄະນະອະນຸກໍາມະການເຕັກນິກຊາຍແດນຮ່ວມ ລາວ-ກໍາປູເຈຍ ພ້ອມດ້ວຍຄະນະ,ເຊິ່ງປະກອບດ້ວຍຕາງຫນ້າຈາກພາກສ່ວນກ່ຽວຂ້ອງຂອງສູນກາງ ແລະ ທ້ອງຖິ່ນ ໄດ້ລົງເຄື່ອນໄຫວວຽກງານຊາຍ​ແດນຢູ່ແຂວງອັດຕະປື ແລະ ແຂວງຈໍາປາສັກ.

ຕາມສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VI (2020-2024) ແລະ ທິດທາງແຜນພັດທະນາເສດຖະກິດ-ສັງຄົມ ຂອງເມືອງທ່າແຕງ 5 ປີ ຄັ້ງທີ VII (2025-2029) ໃຫ້ຮູ້ວ່າ: ໃນໄລຍະ 5 ປີ 2025-2029 ເມືອງທ່າແຕງ ແຂວງເຊກອງ ຈະສູ້ຊົນຜະລິດເຂົ້າໃຫ້ໄດ້ 108,482 ໂຕນ (ສະເລ່ຍປະມານ 21,696 ໂຕນ/ປີ) ໃນເນື້ອທີ່ 4,220 ເຮັກຕາ. ໃນນີ້, ເຂົ້ານາປີ 103,617 ໂຕນ ໃນເນື້ອທີ່ 4,000 ເຮັກຕາ; ເຂົ້ານາແຊງ 4,325 ໂຕນ ໃນເນື້ອທີ່ 170 ເຮັກຕາ ແລະ ເຂົ້າໄຮ່ 540 ໂຕນ ໃນເນື້ອທີ່ 50 ເຮັກຕາ. ພ້ອມນີ້, ກໍສຸມໃສ່ຜະລິດພືດສະບຽງອາຫານສໍາຮອງໃຫ້ໄດ້ 179,062 ໂຕນ ໃນເນື້ອທີ່ 4,209 ເຮັກຕາ.

ໃນວັນທີ 13 ພະຈິກ 2025 ທີ່ຜ່ານມາ ກອງເລຂາຄະນະກໍາມະການອະໄພຍະໂທດ ລະດັບຊາດ ໄດ້ຈັດກອງປະຊຸມຄົ້ນຄວ້າ, ກວດກາການສະເໜີຂໍອະໄພຍະໂທດຂອງນັກໂທດທີ່ມີອາຍຸ 70 ປີ ຂຶ້ນໄປ ເພີ່ມເຕີມ ໂດຍການເປັນປະທານຂອງ ທ່ານ ບົວລີ ເພັດມີໄຊ ຄະນະບໍລິຫານງານພັກຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ, ຮອງຫົວໜ້າກອງເລຂາຄະນະກໍາມະການອະໄພຍະໂທດ ລະດັບຊາດ ມີຜູ້ເຂົ້າຮ່ວມຈາກຫ້ອງວ່າການສໍານັກງານປະທານປະເທດ, ກົມຕໍາຫຼວດຄຸມຂັງ-ດັດສ້າງ ກະຊວງປ້ອງກັນຄວາມສະຫງົບ, ກະຊວງປ້ອງກັນປະເທດ, ກະຊວງຍຸຕິທໍາ, ສານປະຊາຊົນສູງສຸດ ແລະ ກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ ເຂົ້າຮ່ວມ.

ວັນທີ 14 ພະຈິກຜ່ານມານີ້, ຢູ່ທີ່ຜາມໄຊອ່າງເກັບນໍ້າຫ້ວຍນານ້ອຍ ບ້ານຫຼວງມີໄຊ ເມືອງເງິນ ແຂວງໄຊຍະບູລີ ໄດ້ປິດການແຂ່ງຂັນຊ່ວງເຮືອປະຈຳປີ 2025 ຢ່າງເປັນທາງການ ພາຍໃຕ້ການເປັນປະທານຂອງທ່ານ ທອງພັນ ສຸກສະຫວັດ ກໍາມະການພັກແຂວງ ເລຂາຄະນະບໍລິຫານງານພັກເມືອງ, ເປັນກຽດເຂົ້າຮ່ວມຂອງ ທ່ານອາເມຊົງ ເຢ້ຍເລັງກໍາມະການປະຈໍາພັກແຂວງ ຫົວໜ້ຄະນະໂຄສະນາອົບຮົມແຂວງໄຊຍະບູລີ ຜູ້ຊີ້ນໍາອົງການປົກຄອງເມືອງເງິນ, ມີບັນດາການນຳຂັ້ນແຂວງ, ອົງການປົກຄອງເມືອງ, ເມືອງອ້ອມຂ້າງ, ອຳເພີສະເຫຼີມພະກຽດ, ອໍາເພີທຸງຊ້າງ,ອໍາເພີບໍ່ເກືອຈາກລາຊາອານາຈັກໄທ ຕະຫຼອດຮອດມວນຊົນເຂົ້າຮ່ວມຢ່າງຫຼວງຫຼາຍ.

ບໍລິສັດໄຟຟ້າຫົງສາ ຈໍາກັດ ຮ່ວມເປັນສ່ວນໜຶ່ງໃນການສືບສານ ງານປະເພນີບຸນຊ່ວງເຮືອ ເມືອງເງິນ ແຂວງໄຊຍະບູລີ ເຊິ່ງເປັນວັດທະນະທໍາເກົ່າແກ່ ທີ່ສະທ້ອນເຖິງຄວາມຊັດທາ, ຄວາມສາມັກຄີ ແລະ ຄວາມຜູກພັນຂອງຊຸມຊົນ.

ໃນວັນທີ 12-13 ພະຈິກ 2025, ທ່ານ ນ. ຟອງສະໝຸດ ອັ່ນລາວັນ ຮອງລັດຖະມົນຕີກະຊວງການຕ່າງປະເທດ ໄດ້ນໍາພາຄະນະ ແລະ 3 ອົງການຈັດຕັ້ງມະຫາຊົນ ໄປເຄື່ອນໄຫວຢ້ຽມຢາມ ແລະ ມອບເຄື່ອງຊ່ວຍເຫຼືອໃຫ້ແກ່ ແຂວງໄຊສົມບູນ. ໃນພິທີມອບ-ຮັບເຄື່ອງຊ່ວຍເຫຼືອໃນຄັ້ງນີ້ ໄດ້ຈັດຂຶ້ນໃນຕອນບ່າຍຂອງວັນທີ 12 ພະຈິກ 2025 ທີ່ ຫ້ອງວ່າການປົກຄອງແຂວງ ໄຊສົມບູນ, ເຊິ່ງຕາງໜ້າກ່າວມອບໂດຍ ທ່ານ ນ. ຟອງສະໝຸດ ອັ່ນລາວັນ ແລະ ຕາງໜ້າກ່າວຮັບໂດຍ ທ່ານ ພອຍຄໍາ ຮຸ່ງບຸນຍວງ ເຈົ້າແຂວງໄຊສົມບູນ ພ້ອມດ້ວຍພາກສ່ວນທີ່ກ່ຽວຂ້ອງຂອງແຂວງ ແລະ ຕາງໜ້າ 3 ອົງການຈັດຕັ້ງມະຫາຊົນຈາກກະຊວງການຕ່າງປະເທດ ແລະ ແຂວງໄຊສົມບູນ ເຂົ້າຮ່ວມ ເຄື່ອງຊ່ວຍເຫຼືອດັ່ງກ່າວແມ່ນການປະກອບສ່ວນຂອງພະນັກງານກະຊວງການຕ່າງປະເທດທີ່ຢູ່ພາຍໃນ ແລະ ຕ່າງປະເທດ ແລະ ການລະດົມຂົນຂວາຍຈາກພີ່ນ້ອງຄົນເຊື້ອຊາດລາວທີ່ອາໄສຢູ່ຕ່າງປະເທດ. ເຄື່ອງຊ່ວຍເຫຼືອໃນຄັ້ງນີ້ປະກອບມີ ເງິນສົດຈຳນວນ 300 ລ້ານກີບ, ເຂົ້າສານ 900 ກວ່າກິໂລ, ເຄື່ອງນຸ່ງຮົ່ມ 20 ແກັດ ພ້ອມດ້ວຍເຄື່ອງອຸປະໂພກ-ບໍລິໂພກຈໍານວນໜຶ່ງ ເພື່ອນໍາໄປຊ່ວຍເຫຼືອປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມ ແລະ ຟື້ນຟູເຂດທີ່ໄດ້ຮັບຜົນເສຍຫາຍ ຢູ່ແຂວງໄຊສົມບູນໃນທ້າຍປີ 2024 ແລະ ເດືອນກັນຍາ 2025 ຜ່ານມາ.