ພິທີປະກາດພະນັກງານການນໍານະຄອນຫຼວງວຽງຈັນ (ນວ) ອອກພັກການ-ຮັບອຸດໜູນບໍານານ ແລະ ແຕ່ງຕັ້ງຮອງເລຂາຄະນະພັກ ຮອງເຈົ້າຄອງ ແລະ ຄະນະປະຈໍາພັກ ນວ ຈັດຂຶ້ນວັນທີ 16 ກຸມພານີ້ທີ່ຫ້ອງວ່າການປົກຄອງ ນວ ໂດຍມີສະຫາຍ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະພັກ ປະທານສະພາປະຊາຊົນ ນວ ພ້ອມດ້ວຍຜູ້ຕາງໜ້າຈາກຄະນະຈັດຕັ້ງສູນກາງພັກ, ຮອງເລຂາຄະນະພັກ, ກໍາມະການປະຈໍາພັກ, ກໍາມະການພັກ ນວ, ຄະນະປະຈໍາສະພາປະຊາຊົນ ນວ, ກອງບັນ ຊາການ ປກຊ-ປກສ ນວ, ສານປະຊາຊົນ ນວ, ສານປະຊາຊົນພາກກາງ, ອົງການໄອຍະການປະຊາຊົນພາກກາງ, ອົງການກວດສອບປະຈໍາພາກກາງ, ພະແນກຫ້ອງການ ແລະ ອົງການທຽບເທົ່າ ເຂົ້າຮ່ວມ.
ການປະກາດການຈັດຕັ້ງຄັ້ງນີ້ ແມ່ນປະຕິບັດຕາມມະຕິຂອງກົມການເມືອງສູນກາງພັກ ສະບັບເລກທີ 031/ກມສພ ລົງວັນທີ 3 ມັງກອນ 2018 ວ່າດ້ວຍວຽກງານຄຸ້ມຄອງພະນັກງານ ມະຕິຕົກລົງຂອງຄະນະເລຂາທິການສູນກາງພັກ ສະບັບເລກທີ 02, 03/ຄລສພ ລົງວັນທີ 5 ມັງກອນ 2024 ວ່າດ້ວຍການອະນຸມັດໃຫ້ພະນັກງານອອກພັກການ-ຮັບອຸດໜູນບໍານານ ໃນນີ້ໄດ້ອະນຸມັດໃຫ້ ສະຫາຍ ພົນຈັດຕະວາ ສີພອນ ຈັນສົມວົງ ຮອງເລຂາຄະນະບໍລິຫານງານພັກ ນວ ແລະ ສະຫາຍ ພູຂົງ ບັນນະວົງ ກໍາມະການປະຈໍາພັກ ຮອງເຈົ້າຄອງ ນວ ອອກພັກການ-ຮັບອຸດໜູນບໍານານ ມະຕິຕົກລົງຂອງຄະນະເລຂາທິການສູນກາງພັກ ສະບັບເລກທີ 04, 05, 06/ຄລສພ ລົງວັນທີ 5 ມັງ ກອນ 2024 ວ່າດ້ວຍການແຕ່ງຕັ້ງພະນັກງານ ໃນນີ້ໄດ້ຕົກລົງບົ່ງຕົວແຕ່ງຕັ້ງສະຫາຍ ຊົງເລົາ ຢົງນູ ເປັນຮອງເລຂາຄະນະພັກ ນວ, ສະຫາຍ ໂພຄໍາ ໄຊຍະສອນ ແລະ ສະຫາຍ ຄໍາມາ ແສງມີໄຊ ເປັນກໍາມະການປະຈໍາພັກ ນວ. ນອກນີ້ຍັງໄດ້ຮັບຟັງຂໍ້ຕົກລົງ ສະບັບເລກທີ 98/ຈນວ ລົງວັນທີ 30 ມັງກອນ 2024 ວ່າດ້ວຍການແຕ່ງຕັ້ງຮອງເຈົ້າຄອງ ນວ ຊຶ່ງໄດ້ຕົກລົງແຕ່ງຕັ້ງ ທ່ານ ສິລິລາດທົງສິນ ທອງເພັງ ເປັນຮອງເຈົ້າຄອງ ນວ.
ໂອກາດນີ້ ຍັງໄດ້ຮັບຟັງການໂອ້ລົມ ແລະ ໃຫ້ທິດເຍືອງທາງຈາກສະຫາຍ ອານຸພາບ ຕຸນາລົມ ຕື່ມອີກ.
(ຂ່າວ: ວຽງຈັນໃໝ່)
ຄໍາເຫັນ