![ແຂວງເຊກອງ ຈັດກິດຈະກໍາຂາຍສິນຄ້າຫຼຸດລາຄາທ້ອງຕະຫຼາດ]()
ກິດຈະກຳຂາຍສິນຄ້າຫຼຸດລາຄາທ້ອງຕະຫຼາດ ໄດ້ມີຂຶ້ນໃນວັນທີ 6 ສິງຫານີ້, ເລີ່ມແຕ່ເວລາ 8:00 ໂມງ ຫາ 18:00 ໂມງ ທີ່ສູນການຄ້າແຂວງເຊກອງ ຈັດໂດຍພະແນກອຸດສາຫະກຳ ແລະ ການຄ້າແຂວງ ນຳພາກິດຈະກຳ ແມ່ນທ່ານ ນາງ ວິລະຄອນ ບັນທະເວີ ຮອງຫົວໜ້າພະແນກອຸດສະຫະກຳ ແລະ ການຄ້າແຂວງ.
![ສອງພາກສ່ວນມອບເຄື່ອງຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມຢູ່ແຂວງຄໍາມ່ວນ.]()
ວັນທີ 6 ສິງຫານີ້ ທີ່ຫ້ອງວ່າການແຂວງຄໍາມ່ວນ, ສະຫະພັນແມ່ຍິງແຂວງຄໍາມ່ວນ ໄດ້ນໍາເອົາເຄື່ອງຊ່ວຍເຫຼືອ ມາມອບໃຫ້ກອງເລຂາຄະນະກຳມະການຄຸ້ມຄອງໄພພິບັດຂັ້ນແຂວງ ເພື່ອນຳໄປຊ່ວຍເຫລືອແກ່ປະຊາຊົນຜູ້ໄດ້ຮັບຜົນກະທົບຈາກໄພ ນໍ້າຖ້ວມ ຢູ່ເມືອງ ຄູນຄໍາ ແລະ ເມືອງມະຫາໄຊ ຂອງແຂວງຄໍາມ່ວນ. ເຄື່ອງທີ່ນຳມາມອບໃນຄັ້ງນີ້, ແມ່ນການສະໜັບສະໜູນຈາກອົງການສຶກສາພາກປະຕິບັດ ຫຼື Action Education ປະກອບມີ: ມີ່ນໍ້າດື່ມ, ປາກະປ໋ອງ ແລະ ເຂົ້າສານລວມມູນຄ່າ 90 ລ້ານກວ່າກີບ. ມອບໂດຍ ທ່ານ ນາງ ໄພວັນ ພົນຫາລາດ ປະທານຄະນະບໍລິຫານງານສະຫະພັນແມ່ຍິງແຂວງ, ຮັບໂດຍ ທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງຄໍາມ່ວນ ປະທານຄະນະກໍາມະການຄຸ້ມຄອງໄພພິບັດຂັ້ນແຂວງ.
![ປະຊາຊົນເມືອງຫ້ວຍຊາຍມີ 8 ບ້ານໄດ້ຮັບຜົນກະທົບຈາກນໍ້າຖ້ວມ]()
ຕາມການລາຍງານຈາກ ຫ້ອງການແຮງງານ ແລະ ສະຫວັດດີການສັງຄົມຫ້ວຍຊາຍ ແຂວງບໍ່ແກ້ວ ໃຫ້ຮູ້ວ່າ: ເນື່ອງຈາກມີຝົນຕົກໜັກເປັນເວລາຫຼາຍວັນຕິດຕໍ່ກັນໃນລະຫວ່າງ ວັນທີ່ 27-28 ກໍລະກົດ ຜ່ານມານິ້, ເຮັດໃຫ້ນໍ້າຫຼາຍສາຍຍຶ່ງໄຫຼ່ຖ້ວມເຮືອນ, ເສັ້ນທາງ, ຂົວ, ສວນປູກພືດຜັກ ແລະ ເນື້ອທີ່ທຳການຜະລິດອື່ນໆ ຂອງປະຊາຊົນເສຍຫາຍເປັນວົງກວ້າງ, ມີຫຼາຍບ້ານ, ຊຶ່ງທາງຄະນະກໍາມະການຄຸ້ມຄ້ອງໄພພິບບັດຂັ້ນເມືອງ ໄດ້ຈັດແບ່ງກັນລົງຕິດຕາມເບິ່ງຜົນເສຍຫາຍ ພ້ອມທັງຊ່ວຍເຫຼືອສຸກເສີນໃນແຕ່ລະຈຸດ ສາມາດປະເມີນຂໍ້ມູນໃນເບື້ອງຕົ້ນມີເຮືອນທີ່ຖືກຜົນກະທົບນໍ້າຖ້ວມເສຍຫາຍໜັກ ຈໍານວນ 8 ບ້ານ, ມີ 147 ຫຼັງ, ມີ 779 ຄົນ ຍິງ 315 ຄົນ, ຮ້ານອາຫານກິນດື່ມ 1 ຫຼັງ, ວັດ 1 ແຫ່ງ, ຂົວ 2 ແຫ່ງ, ຝາຍຂາດ 1 ແຫ່ງ, ເຂົ້າເປືອກ 13,581 ກິໂລ, ເຂົ້າສານ 2,650 ກິໂລ, ລົດໃຫຍ່ ກະບະ 2 ຄັນ, ລົດຈັກ 19 ຄັນ, ລົດໄຖເດິນຕາມ 2 ຄັນ, ສັດປີກ 1,496 ໂຕ, ງົວ 3 ໂຕ, ໜອງປາ, ໜອງກົບ ແລະ ເສັ້ນທາງບ້ານດອນ - ບ້ານ ດ່ານ ເຈື່ອນ 1 ຈຸດ, ໂຮງໂມ້ຫີນ, ປໍ້ານໍ້າມັນ ແລະ ອື່ນໆ. ສາມາດປະເມີນຜົນເສຍຫາຍໃນເບື້ອງຕົ້ນທັງໝົດ: 1,459,064,000 ກີບ.
![6 ເດືອນຕົ້ນປີນີ້ ໂຄງການອານຸລັກໝີລາວ ໄລຍະ IV ໄດ້ເອົາໃຈໃສ່ເບີ່ງແຍງສັດປ່າເປັນຢ່າງດີ]()
ໃນວັນທີ່ 5 ສີງຫາຜ່ານມານີ້, ຄະນະຮັບຜິດຊອບຂັ້ນສູນກາງ ແລະ ແຂວງຫຼວງພະບາງ ໄດ້ເຄື່ອນໄຫວຢ້ຽມຢາມ ສູນຮັກສາພັນສັດປ່າ ບ້ານໜອງໂຕກ ນະຄອນ ຫຼວງພະບາງ ແຂວງຫຼວງພະບາງ, ຊຶ່ງເປັນສູນທີ່ຮັບເອົາສັດທີ່ໄດ້ຈາກ ການຍຶດດ້ວຍການຊື້ຂາຍແບບຜິດກົດໝາຍ ແລະ ສັດທີ່ເຈົ້າຂອງມອບໃຫ້ດ້ວຍຄວາມສະໝັກໃຈ. ຈາກນັ້ນ, ໄດ້ເຂົ້າຮ່ວມກອງປະຊຸມສະຫຼຸບການຈັດຕັ້ງປະຕິບັດ ໂຄງການອານຸລັກໝີລາວ ໄລຍະ IV ແລະ ສູນຮັກສາພັນສັດປ່າ ແຂວງຫຼວງພະບາງ ປະຈຳ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2025, ໂດຍເປັນປະທານຂອງ ທ່ານ ນາງ ສີລິພອນ ສຸພັນທອງ ຮອງເຈົ້າແຂວງຫຼວງພະບາງ.
![65 ປີ ວິທະຍຸກະຈາຍສຽງແຫ່ງຊາດລາວ ເຕີບໃຫຍ່ເຂັ້ມແຂງຂຶ້ນເປັນກ້າວໆ]()
65 ປີຜ່ານມາ, ວິທະຍຸກະຈາຍສຽງແຫ່ງຊາດລາວ (ວສລ) ເຕີບໃຫຍ່ເຂັ້ມແຂງຂຶ້ນເປັນກ້າວໆ
ວສລ ໄດ້ຮັບການສ້າງຕັ້ງຂຶ້ນໃນວັນທີ 13 ສິງຫາ 1960 ທີ່ເມືອງວຽງໄຊ ແຂວງຫົວພັນ ເຂດປົດປ່ອຍພາກເໜືອຂອງລາວມີຊື່ເອີ້ນວ່າ: ວິທະຍຸກະຈາຍສຽງຝ່າຍປະເທດລາວ ຊຶ່ງກໍາເນີດເກີດຂຶ້ນແມ່ນໃນທ່າມກາງແປວໄຟແຫ່ງສົງຄາມທີ່ດຸເດືອດຂ້ຽວຂາດທີ່ສຸດ, ຫຍຸ້ງຍາກຂາດເຂີນວັດຖຸອຸປະກອນ ແລະ ບຸກຄະລາກອນທີ່ສຸດ. ມາຮອດປັດຈຸບັນໄດ້ປ່ຽນຊື່ມາເປັນ “ວິທະຍຸກະຈາຍສຽງແຫ່ງຊາດລາວ” ໂດຍໄດ້ມີການເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບໄດ້ຮັບການພັດທະນາຢ່າງວ່ອງໄວທັນສະໄໝສາມາດດຶງດູດຜູ້ຟັງໄດ້ເປັນຢ່າງດີ.
![ຖະແຫຼງຂ່າວ ການອອກມະຕິ ແລະ ຄຳແນະນຳທີ່ສຳຄັນຂອງຄະນະປະຈຳສະພາແຫ່ງຊາດ]()
ໃນວັນທີ 5 ສິງຫາ ນີ້ ທີ່ສະພາແຫ່ງຊາດ ທ່ານ ຈະເລີນ ເຢຍປາວເຮີ ຮອງປະທານຄະນະ ປະຈຳສະພາແຫ່ງຊາດ (ຄປຈສພຊ) ຜູ້ຊີ້ນໍາວຽກງານກົດໝາຍ ແລະ ວຽກງານຄົ້ນຄວ້ານິຕິກໍາຂອງ ສພຊ ໄດ້ຖະແຫຼງຂ່າວຕໍ່ສື່ມວນຊົນກ່ຽວກັບການອອກມະຕິ ແລະ ຄຳແນະນຳທີ່ສຳຄັນຂອງຄະນະປະຈຳສະພາ ແຫ່ງຊາດ ຄື:
![ຄະນະພັກ-ຄະນະນຳນະຄອນໄກສອນພົມວິຫານ ສ້າງຂະບວນການຮັບຕ້ອນກອງປະຊຸມໃຫ່ຍອົງຄະນະພັກແຂວງ ສະຫວັນນະເຂດ]()
ໃນຕອນເຊົ້າວັນທີ 6 ສິງຫານີ້, ຄະນະພັກ-ຄະນະນຳນະຄອນໄກສອນ ພົມວິຫານ ຮ່ວມກັບພະແນກໂຍທາທິການ ແລະ ຂົນສົ່ງແຂວງ ສະຫວັນນະເຂດ ພ້ອມກັນສ້າງຂະບວນການຕາບຂຸມຮັງໄກ່ ຕາມເສັ້ນທາງເທສະບານນະຄອນໄກສອນພົມວິຫານ ເພື່ອຂຳນັບຮັບຕ້ອນກອງປະຊຸມໃຫ່ຍອົງຄະນະພັກແຂວງ ສະຫວັນນະເຂດ ສະໄໝທີ X ໃຫ້ເຕັມໄປດ້ວຍຜົນງານອັນຍິ່ງໃຫ່ຍ. ໂດຍມີທ່ານ ບຸນໂຈມ ອຸບົນປະເສີດ ເລຂາຄະນະບໍລິຫານງານພັກແຂວງ ເຈົ້າແຂວງສະຫວັນນະເຂດ, ມີທ່ານຮອງເຈົ້າແຂວງ, ຄະນະພັກ - ຄະນະນຳຂັ້ນແຂວງ-ນະຄອນໄກສອນ ພົມວິຫານ, ພະນັກງານ ລັດຖະກອນ ແລະ ອຳນາດການປົກຄອງໃນທົ່ວເທດສະບານນະຄອນໄກສອນພົມວິຫານ ເຂົ້າຮ່ວມໃນການສ້າງຂະບວນການຄັ້ງນີ້.
![ເຈົ້າແຂວງຊຽງຂວາງໂອ້ລົມການນຳເມືອງພູກູດ]()
ໃນວັນທີ 5 ສິງຫາຜ່ານມານິ້, ທ່ານ ບຸນຈັນ ສີວົງພັນ ກຳມະການສູນກາງພັກ ເລຂາພັກແຂວງ ເຈົ້າແຂວງຊຽງຂວາງ ພ້ອມດ້ວຍຄະນະ ໄດ້ລົງຢ້ຽມຢາມ, ເຮັດວຽກ ແລະ ໂອ້ລົມການນຳເມືອງພູກູດ. ທ່ານ ຄຳພາ ພິລາວົງ ກຳມະການພັກແຂວງ ເລຂາພັກເມືອງ ໄດ້ລາຍງານການຊີ້ນຳ-ນຳພາ ການພັດທະນາເສດຖະກິດ-ສັງຄົມຂອງເມືອງໃນໄລຍະຜ່ານມາວ່າ: ເມືອງພູກູດມີ 2 ຈຸດສຸມ, ມີພະນັກງານ-ລັດຖະກອນທັງໝົດ 773 ຄົນ ຍິງ 371 ຄົນ, ມີ 43 ບ້ານ, ມີ 5,457 ຫຼັງຄາເຮືອນ ມີພົນລະເມືອງທັງໝົດ 27,909 ຄົນ ຍິງ 13,732 ຄົນ, ເຜົ່າລາວລຸ່ມ 56.3%, ເຜົາມົ້ງ 25%, ກຶມມຸ 18.7% ຍັງມີບ້ານທຸກຍາກ 19 ບ້ານ, ຄອບຄົວທຸກຍາກ 1,372 ຄອບຄົວ, ພາຍໃນເມືອງມີຄວາມສະຫງົບດີ ມີຄວາມສາມັກຄີແໜ້ນແຟ້ນ, ເສດຖະກິດຂະຫຍາຍຕົວ 4.5% ລວມຍອດຜະລິດຕະພັນພາຍໃນ 495.1 ຕື້ກີບ ສະເລ່ຍໄດ້ 7,795,000 ກີບຕໍ່ຄົນຕໍ່ປີ, ເມືອງໄດ້ຫັນເອົາມະຕິກອງປະຊຸມໃຫຍ່ຂອງສູນກາງ, ແຂວງ ແລະ ເມືອງເປັນບ່ອນອີງໃນການ ຈັດຕັ້ງປະຕິບັດພັດທະນາເສດຖະກິດ-ສັງຄົມ, ການແກ້ໄຂຄວາມທຸກຍາກ, ການຫັນລົງກໍ່ສ້າງຮາກຖານການເມືອງ, ໄພພິບັດລະຫ່ວາງວັນທີ 21-28 ກໍລະກົດ 2025 ມີ 10 ບ້ານໄດ້ຮັບຜົນກະທົບ, ມີ 186 ຄອບຄົວ, ມີ 930 ຄົນ ຍິງ 469 ຄົນ, ເຮືອນຖືກນໍ້າຖ້ວມ ແລະ ດິນເຈື່ອນທັບຖົມ 11 ຫຼັງ ພ້ອມເຄື່ອງໃຊ້ຄົວເຮືອນເສຍຫາຍ, ໂຮງຮຽນເປ່ເພ 1 ຫຼັງ, ນ້ຳລິນ 11 ແຫ່ງ, ຊົນລະປະທານ-ຄອງເໝືອງ 4 ແຫ່ງ, ຂົວ 2 ແຫ່ງ, ເນື້ອທີ່ນາ 40 ເຮັກຕາ, ສວນສາລີ 53 ເຮັກຕາ, ໜອງປາ 19 ໜອງ, ເຮືອຈັກ 2 ລໍາ, ລົດຊິ່ງ 1 ຄັນ, ລັດລ້ຽງ, ເສັ້ນທາງເປ່ເພ, ເສົາໄຟລົ້ມ ມູນຄ່າເສຍຫາຍເບື້ອງຕົ້ນ 21 ຕື້ກ່ວາກີບ.
![ສາມພາກສ່ວນລົງນາມບົດບັນທຶກການຮ່ວມມືແລກປ່ຽນວິຊາການ]()
ໃນວັນທີ 6 ສິງຫາ ນີ້ ທີ່ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ ໄດ້ຈັດພິທີລົງນາມບົດບັນທຶກຄວາມເຂົ້າໃຈວ່າດ້ວຍການຮ່ວມມື ແລະ ແລກປ່ຽນທາງວິຊາການ ລະຫວ່າງສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ (ສວສສຊ, ສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ແລະ ມະຫາວິທະຍາໄລແຫ່ງຊາດ (ມຊ) ໂດຍການເຂົ້າຮ່ວມລົງນາມຂອງທ່ານ ກອງແກ້ວ ໄຊສົງຄາມ ປະທານ ສວສສຊ, ທ່ານ ພູວົງ ອຸ່ນຄໍາແສນ ຫົວໜ້າ ສມປຊ ແລະ ທ່ານ ເດຊານຸລາດ ແສນດວງເດດ ອະທິການບໍດີມະຫາວິທະຍາໄລແຫ່ງຊາດ, ມີບັນດາຮອງປະທານ, ຮອງຫົວໜ້າສະຖາບັນ, ຮອງອະທິການບໍດີ ແລະ ບັນດາແຂກທີ່ຖືກເຊີນຈາກທັງ 3 ພາກສ່ວນເຂົ້າຮ່ວມເປັນສັກຂີພິຍານ.
![ຄໍາມ່ວນຈັດກິດຈະກຳປັ່ນລົດຖີບ ໂອກາດວັນສາກົນຕ້ານການຄ້າມະນຸດ]()
ໃນຕອນເຊົ້າວັນທີ 6 ສິງຫານິ້, ຄະນະກໍາມະການຕ້ານການຄ້າມະນຸດແຂວງຄໍາມ່ວນ ຈັດກິດຈະກໍາ ຂີ່ລົດຖີບເພື່ອສຸຂະພາບ ເນື່ອງໃນໂອກາດວັນສາກົນຕ້ານການຄ້າມະນຸດ 30 ກໍລະກົດ. ໃຫ້ກຽດເຂົ້າຮ່ວມໂດຍ ທ່ານ ວົງເພັດ ຈິດປັນຍາ ຮອງເລຂາພັກແຂວງ ຜູ້ຊີ້ນໍາວຽກງານການເມືອງ-ແນວຄິດ, ວຽກພັກ-ພະນັກງານ ພ້ອມດ້ວຍບັນດາທ່ານການນໍາແຂວງ, ຄະນະກໍາມະການກ່ຽວຂ້ອງ ຕະຫຼອດຮອດນັກຂີ່ລົດຖີບເຂົ້າຮ່ວມ.
ຄໍາເຫັນ