ນໍ້າຖ້ວມໜັກຫຼາຍຈຸດພາຍໃນເທດສະບານແຂວງ

ນ້ຳຖ້ວມຫຼວງນໍ້າທາເສຍຫາຍໜັກໜ່ວງປະຊາຊົນຫຼາຍຄົນຂາດທີ່ຢູ່ອາໄສ

ນ້ຳຖ້ວມຫຼວງນໍ້າທາເສຍຫາຍໜັກໜ່ວງປະຊາຊົນຫຼາຍຄົນຂາດທີ່ຢູ່ອາໄສ
ໂດຍ: ສຳນານ ອິດທິພົນຂອງພາຍຸໄຕ້ຝຸ່ນຢາກິ ທີ່ພັດຜ່ານແຂວງຫຼວງນໍ້າທາ ເລີ່ມແຕ່ວັນທີ 9 ກັນຍາ 2024 ໄດ້ເຮັດໃຫ້ມີຝົນຕົກໜັກຕິດຕໍ່ກັນຫຼາຍວັນສົ່ງຜົນເຮັດໃຫ້ແຂວງຫຼວງນໍ້າທາ ເກີດມີນໍ້າຖ້ວມໜັກຫຼາຍຈຸດພາຍໃນເທດສະບານແຂວງ

ແລະ ບັນດາເມືອງ,ອັນໄດ້ເຮັດໃຫ້ເສັ້ນທາງຫຼາຍສາຍຖືກຕັດຂາດ,ເຂດການຜະລິດ, ເຮືອນຊານ, ຊັບສິນຂອງລັດ ແລະ ປະຊາຊົນ ເສຍຫາຍເປັນຈໍານວນຫຼວງຫຼາຍ; ປະຊາຊົນຫຼາຍກວ່າ 2.700 ຄົນ ຂາດທີ່ຢູ່ອາໄສສູນເສຍຊັບສິນແບບວ່າບໍ່ເຫຼືອຫຍັງ.
ອີງຕາມບົດລາຍງານຂອງທ່ານເຈົ້າແຂວງຫຼວງນ້ຳທາເມື່ອວັນທີ 16 ກັນຍາຜ່ານມາໃຫ້ຮູ້ວ່າ: ແຂວງຫຼວງນໍ້າທາໄດ້ຮັບຜົນກະທົບຈາກໄພພິບັດ (ນໍ້າຖ້ວມ) ຢູ່ 3 ເມືອງ, ປະຊາຊົນໄດ້ຮັບຜົນກະທົບຫຼາຍກວ່າ 40.258 ຄົນ, ເຮືອນຂອງປະຊາຊົນຖືກນໍ້າພັດໄຫຼໄປຫຼາຍກວ່າ 115 ຫຼັງ, ປະຊາຊົນຂາດທີ່ຢູ່ອາໄສ, ສູນເສຍຊັບສິນ (ບໍ່ເຫຼືອຫຍັງ) ຫຼາຍກວ່າ 2.765 ຄົນ ແລະ ມີຄົນເສຍຊີວິດ 2 ຄົນ, ໃນນີ້: ເມືອງຫຼວງນໍ້າທາ (ເທດສະບານແຂວງ)ໜັກໜ່ວງກວ່າໝູ່ ມີ 48 ບ້ານ, 4.231 ຄອບຄົວ, 3.519 ຫຼັງຄາເຮືອນ, 18.856 ຄົນ;ເມືອງສິງ: ມີ 7 ບ້ານ201 ຄອບຄົວ; ເມືອງນາແລ ມີ 14 ບ້ານ1.751 ຄອບຄົວ, 7.188 ຄົນ; ລະບົບພື້ນຖານໂຄງລ່າງ ເຊັ່ນ: ຖະໜົນຫົນທາງ, ລະບົບໄຟຟ້າ, ນໍ້າປະປາ, ໂທລະຄົມມະນາຄົມ, ຕຶກອາຄານ, ສໍານັກງານຫ້ອງການ, ໂຮງຮຽນ, ໂຮງໝໍ, ຊັບສິນຂອງລັດ, ໂຮງງານ, ຮ້ານຄ້າ, ເຮືອນຊານ, ພາຫະນະ,ເຄື່ອງມືທຳການຜະລິດ, ເຂດການຜະລິດກະສິກຳ ແລະ ຊັບສິນຂອງປະຊາຊົນ ເປ່ເພເສຍຫາຍຢ່າງໜັກໜ່ວງເປັນຈຳນວນຫຼວງຫຼາຍ ຍັງບໍ່ທັນສາມາດປະເມີນເປັນມູນຄ່າໄດ້.
ຕາມການເກັບກຳຂໍ້ມູນເບື້ອງຕົ້ນມີດັ່ງນີ້:ເສັ້ນທາງຈາກເທດສະບານແຂວງ ຫາ ບັນດາເມືອງຖືກດິນເຈື່ອນທັບ, ນໍ້າຖ້ວມ, ເປ່ເພ ເຮັດໃຫ້ບໍ່ສາມາດສັນຈອນໄປມາ ຊຶ່ງຄາດວ່າຈະຕ້ອງການນຳໃຊ້ກົນຈັກຈໍານວນຫຼາຍເພື່ອຍົກຍ້າຍຕົ້ນໄມ້ ແລະສ້ອມແປງດິນເຈື່ອນທັບທາງ ຈຶ່ງສາມາດເປີດການສັນຈອນໄດ້ ແລະ ບາງບ່ອນຍັງບໍ່ສາມາດເຂົ້າເຖິງເພື່ອເກັບກຳຂໍ້ມູນໄດ້.
ເສັ້ນທາງ 13N ນາເຕີຍ-ບໍ່ເຕ່ນຖືກຕັດຂາດມາແຕ່ວັນທີ 9 ກັນຍາ ຈົນຮອດປັດຈຸບັນ; ເສັ້ນທາງ 17A ຫຼວງນ້ຳທາ-ເມືອງສິງຖືກຕັດຂາດແຕ່ວັນທີ 9 ກັນຍາຈົນຮອດປັດຈຸບັນ; ຂົວຂ້າມນ້ຳທາເສັ້ນທາງ R3 ແຕ່ບ້ານບວມພຽງ-ບ້ານໂພນໄຊສະຫວ່າງຖືກນ້ຳຖ້ວມປັດຈຸບັນທຽວໄປ-ມາໄດ້ແລ້ວແລະສັ້ນທາງອື່ນໆອີກຫຼາຍເສັ້ນທີ່ໄດ້ຮັບຄວາມເສຍຫາຍ, ບາງເສັ້ນທາງສາມາດທຽວໄດ້ ແຕ່ບາງເສັ້ນຍັງບໍ່ສາມາດທຽວໄດ້.
ສ່ວນລັດວິສາຫະກິດນໍ້າປະປາແຂວງຫຼວງນໍ້າທາ ມີພື້ນທີ່ບໍລິການນໍ້າປະປາ 7 ພື້ນທີ່ບໍລິການ ແລະ ໂຮງງານຜະລິດນໍ້າປະປາ, ໃນນັ້ນ: ໄດ້ຮັບຜົນກະທົບຈາກໄພພິບັດຄັ້ງນີ້ມີ 5 ພື້ນທີ່ບໍລິການ ແລະ 7 ໂຮງງານຜະລິດນໍ້າ,ລະບົບໂຄງສ້າງພື້ນຖານຂອງສະໜາມບິນເປ່ເພເສຍຫາຍໜັກ ເປັນຕົ້ນແມ່ນ ທາງແລ່ນຂຶ້ນ-ລົງ, ລານຈອດ,ຮົ້ວ, ອາຄານສະຖານທີ່; ບັນດາຕາຂ່າຍໄຟຟ້າ ທີ່ຖືກຜົນກະທົບມີ: ຕາຂ່າຍ 22 ກວ, ຕາຂ່າຍ 0,4 ກວ, ໝໍ້ແປງໄຟຟ້າ, ໝໍ້ນັບໄຟຟ້າ ຄາດຄະເນຜົນເສຍຫາຍເບື້ອງຕົ້ນມູນຄ່າ 1,9ຕື້ກວ່າກີບ. (ຍັງມີຫຼາຍຈຸດທີ່ໄດ້ຮັບຜົນກະທົບ ທີ່ເຂົ້າໄປບໍ່ຮອດ)ຕາຂ່າຍໄຟຟ້າ 22 ກວ ແຕ່ເມືອງຫຼວງນໍ້າທາ ຫາ ເມືອງສິງ, ເມືອງສິງ ຫາ ເມືອງລອງ, ເມືອງຫຼວງນໍ້າທາ ຫາເມືອງນາແລ ເປ່ເພເສຍຫາຍຈໍານວນຫຼາຍ ບໍ່ສາມາດສະໜອງໄຟຟ້າໄດ້.ສ່ວນຜົນກະທົບຕໍ່ປະຊາຊົນໃນເບື້ອງຕົ້ນມີ 240 ບ້ານ, 32.125 ຄົວເຮືອນ. (ສະຖິຕິຊົມໃຊ້ໄຟຟ້າຕົວຈິງ ມີ 300 ບ້ານ, 40.576 ຄົວເຮືອນ); ຕູ້ຄວບຄຸມໄຟຟ້າເບື້ອງທາງເປ່ເພ 8 ຕູ້, ຄາດຄະເນຜົນເສຍຫາຍ ມູນຄ່າ 57ລ້ານກວ່າກີບ.
ບັນດາໂຮງຮຽນທີ່ຖືກຜົນກະທົບມີ 50 ແຫ່ງ,ບັນດາໂຮງໝໍ ແລະ ສຸກສາລາທີ່ຖືກຜົນກະທົບມີ 5 ແຫ່ງ, ໃນນີ້: ຄາດຄະເນຜົນເສຍຫາຍ ມູນຄ່າ 15,60 ຕື້ກີບ; ເນື້ອທີ່ນາຖືກນໍ້າຖ້ວມ, ດິນຖົມ ແລະ ດິນນາເຊາະເຈື່ອນ ຈໍານວນ 429,8 ເຮັກຕາ, ເສຍຫາຍ 120 ເຮັກຕາ, ເນື້ອທີ່ໄຮ່ 15,2 ເຮັກຕາ, ເນື້ອທີ່ປູກພືດຜັກ 38,5 ເຮັກຕາ, ເນື້ອທີ່ປູກໄມ້ໃຫ້ໝາກ 13 ເຮັກຕາ, ປະເພດສັດໃຫຍ່ ງົວ 86 ໂຕ, ສັດປີກ 3.570 ໂຕ ແລະ ໜອງປາ 5 ເຮັກຕາ,ຊົນລະປະທານ 5 ແຫ່ງ, ຍັງບໍ່ສາມາດປະເມີນມູນຄ່າເສຍຫາຍໄດ້.
ໂຮງງານອຸດສາຫະກຳປະກອບມີ: ໂຮງພິມ, ຄາດຄະເນຜົນເສຍຫາຍ 3,95 ຕື້ກີບ, ໂຮງງານຜະລິດເຈ້ຍ, ຄາດຄະເນຜົນເສຍຫາຍ ມູນຄ່າ 250 ລ້ານກີບ, ໂຮງງານນໍ້າດື່ມ ຍັງບໍ່ສາມາດປະເມີນໄດ້, ໂຮງງານໜີບສັງກະສິ ຄາດຄະເນຜົນເສຍຫາຍ ມູນຄ່າ 90 ລ້ານກີບ.
ນອກຈາກນີ້ ຍັງມີອີກຫຼາຍເຂດ, ຫຼາຍພື້ນທີ່ ທີ່ໄດ້ຮັບຄວາມເສຍຫາຍແຕ່ຍັງບໍ່ສາມາດເຂົ້າໄປເກັບກຳຂໍ້ມູນໄດ້

ຄໍາເຫັນ

ຂ່າວວັດທະນະທຳ-ສັງຄົມ

ຈະສະໜອງລູກປາ 65 ລ້ານໂຕ ໃນວັນປ່ອຍປາ ແລະ ສັດນໍ້າແຫ່ງຊາດ

ຈະສະໜອງລູກປາ 65 ລ້ານໂຕ ໃນວັນປ່ອຍປາ ແລະ ສັດນໍ້າແຫ່ງຊາດ

ກົມລ້ຽງສັດ ແລະ ການປະມົງ ໄດ້ເປັນເຈົ້າການປະສານສົມທົບກັບຂະແໜງລ້ຽງສັດ-ການປະມົງ ນະຄອນຫຼວງວຽງຈັນ, ບັນດາແຂວງໃນຂອບເຂດທົ່ວປະເທດ ແລະ ອົງການຈັດຕັ້ງສາກົນຕ່າງໆທີ່ກ່ຽວຂ້ອງ ກະກຽມປ່ອຍປາພ້ອມກັນຢ່າງເປັນຂະບວນການຟົດຟື້ນ, ໃນຂະນະດຽວກັນຈະຜະລິດ, ສະໜອງ ລູກປາ ໃຫ້ແກ່ວັນປ່ອຍປາ ແລະ ສັດນໍ້າແຫ່ງຊາດ ໃຫ້ໄດ້ 65 ລ້ານໂຕ.
ອອປສ ປາຖະກະຖາ ມູນເຊື້ອວັນສຳຄັນຕ່າງໆຂອງຊາດ-ຂອງພັກ

ອອປສ ປາຖະກະຖາ ມູນເຊື້ອວັນສຳຄັນຕ່າງໆຂອງຊາດ-ຂອງພັກ

ວັນທີ 11 ກໍລະກົດ​ນີ້ ຢູ່ທີ່ຫ້ອງປະຊຸມ ອົງການໄອຍະການປະຊາຊົນສູງສຸດ (ອອປສ) ໄດ້ຈັດກອງປະຊຸມປາຖະກະຖາວັນສໍາຄັນຕ່າງໆຂອງຊາດ-ຂອງພັກຄື: ເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 10 ສະໄໝ XI ຂອງຄະນະບໍລິຫານງານສູນກາງພັກ, ມູນເຊື້ອ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ, ວັນເກີດປະທານ ສຸພານຸວົງ ຄົບຮອບ 116 ປີ (13 ກໍລະກົດ 1909 – 13 ກໍລະກົດ 2025) ແລະ ວັນເຊັນສົນທິສັນຍາມິດຕະພາບ-ການຮ່ວມມື ລາວ-ຫວຽດນາມ ຄົບຮອບ 48 ປີ (18 ກໍລະກົດ 1977 - 18 ກໍລະກົດ 2025) ແລະ ວັນສ້າງຕັ້ງສາຍພົວພັນການທູດລາວ - ຫວຽດນາມ ຄົບຮອບ 63 ປີ, ໃຫ້ກຽດປາຖະກະຖາໂດຍສະຫາຍ ໄຊຊະນະ ໂຄດພູທອນ ກຳມະການສູນກາງພັກ ເລຂາຄະນະບໍລິຫານງານພັກ ຫົວໜ້າອົງການໄອຍະການປະຊາຊົນສູງສຸດ, ມີບັນດາຄະນະພັກ, ຄະນະໜ່ວຍພັກ, ຄະນະກົມ, ຫ້ອງການ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ ພ້ອມດ້ວຍພະນັກງານຫຼັກແຫຼ່ງ ເຂົ້າຮ່ວມ.
ເຈົ້າຄອງນະຄອນຫຼວງວຽງຈັນຕ້ອນຮັບຄະນະຝຶກອົບຮົບສຳລັບພະນັກງານໜຸ່ມ

ເຈົ້າຄອງນະຄອນຫຼວງວຽງຈັນຕ້ອນຮັບຄະນະຝຶກອົບຮົບສຳລັບພະນັກງານໜຸ່ມ

ໃນຕອນບ່າຍ ວັນທີ 10 ກໍລະກົດ ນີ້ ທີ່ສໍານັກງານປົກຄອງນະຄອນຫຼວງວຽງຈັນ, ສະຫາຍ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ຄະນະຊຸດຝຶກອົບຮົມຫົວຂໍ້ສະເພາະສຳລັບພະນັກງານການນໍາໜຸ່ມ ບັນດາແຂວງທີ່ມີຊາຍແດນຕິດຈອດ ລາວ-ຫວຽດນາມ-ກໍາປູເຈຍ ຄັ້ງທີ 3 ທີ່ ສປປ ລາວ ເປັນເຈົ້າພາບຈັດ ລະຫວ່າງ ວັນທີ 7-15 ກໍລະກົດ 2025.
ສະພາຮັບຮອງການປັບລາຄາຊົມໃຊ້ນ້ຳປະປາ

ສະພາຮັບຮອງການປັບລາຄາຊົມໃຊ້ນ້ຳປະປາ

ກອງປະຊຸມ ສະໄໝສາມັນ ເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນຊຸດທີ II ໃນວັນທີ 9 ກໍລະກົດຜ່ານມານີ້ ທີ່ສໍານັກງານປົກຄອງ ນວ, ພາຍໃຕ້ການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ.
ປະທານ ສຸພານຸວົງ ກັບວຽກງານແນວໂຮມ

ປະທານ ສຸພານຸວົງ ກັບວຽກງານແນວໂຮມ

ປະທານ ສຸພານຸວົງ ແມ່ນໜຶ່ງໃນບັນດາຜູ້ນໍາຮຸ່ນທໍາອິດຂອງພັກ ແລະ ລັດເຮົາ ທີ່ໄດ້ລິເລີ່ມນໍາພາຂະບວນການຕໍ່ສູ້ກູ້ຊາດ ໂດຍເລີ່ມຈາກການເຕົ້າໂຮມ ກໍ່ສ້າງ ແລະ ຂະຫຍາຍກໍາລັງປະຕິວັດໃຫ້ນັບມື້ເຕີບໃຫຍ່ເຂັ້ມແຂງຂຶ້ນເລື້ອຍໆ.ເພິ່ນໄດ້ຮ່ວມເຄື່ອນໄຫວກັບບັນດາທ່ານຜູ້ນໍາ ເຄື່ອນໄຫວນໍາພາການຕໍ່ສູ້ຂອງປະຊາຊົນລາວ ດ້ວຍຄວາມທໍລະຫົດອົດທົນ,ບໍ່ທໍ້ຖອຍຕໍ່ຄວາມລໍາບາກ ແລະ ຕໍ່ການທົດສອບທີ່ສ່ຽງໄພແຕ່ປະການໃດ.ອັນໄດ້ເຮັດໃຫ້ເພິ່ນສາມາດສ້າງໄດ້ຜົນງານອັນຍິ່ງໃຫຍ່ ແລະ ມີຄຸນງາມຄວາມດີຢ່າງຫຼວງ ຫຼາຍ.ເວົ້າລວມແມ່ນການປະກອບສ່ວນເຂົ້າໃນການນໍາພາຂອງພັກ,ແນວລາວສ້າງຊາດ, ໃນໄຊຊະນະຂອງພາລະກິດຕໍ່ສູ້ປ່ອຍຊາດໃນເມື່ອກ່ອນກໍຄືການນໍາພາຂອງພັກ,ລັດໃນຊຸມຕົ້ນປີຂອງພາລະກິດປ່ຽນແປງໃໝ່ຂອງປະເທດເຮົາ.
ທາບທາມຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ

ທາບທາມຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ

ເມື່ອບໍ່ດົນມານີ້, ທີ່ແຂວງ ອຸດົມໄຊ ໄດ້ເປີດກອງປະຊຸມທາບທາມປະກອບຄໍາເຫັນໃສ່ປື້ມຄູ່ມືການຂຽນຄໍາຖະແຫຼງຄະດີອາຍາ, ການນຳໃຊ້ ແລະ ການຕິດຕາມກວດກາການນຳໃຊ້ 7 ມາດຕະການສະກັດກັ້ນ ແລະ ທິດທາງຂອງການປັບປຸງ ກົດໝາຍວ່າດ້ວຍການດໍາເນີນຄະດີອາຍາ ຂອງອົງການໄອຍະການປະຊາຊົນສູງສຸດຂຶ້ນ ໂດຍພາຍໃຕ້ການເປັນປະທານຂອງ ທ່ານ ບົວລີ ເພັດມີໄຊ ຄະນະບໍລິຫານງານພັກ, ຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ, ມີຫົວໜ້າຫ້ອງການ, ບັນດາຫົວໜ້າກົມ, ຮອງຫົວໜ້າກົມ, ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ຜູ້ຕາງໜ້າຈາກອົງການໄອຍະການປະຊາຊົນ ພາກເໜືອ, ສານປະຊາຊົນພາກເໜືອ, ອົງການໄອຍະການປະຊາຊົນແຂວງ, ສະພາທະນາຍຄວາມ 7 ແຂວງພາກເໜືອ ພ້ອມດ້ວຍພະນັກງານພາກສ່ວນທີ່ກ່ຽວຂ້ອງເຂົ້າຮ່ວມ.
ບໍລິສັດ ເຂື່ອນໄຟຟ້ານໍ້າງຽບ 2 ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງແມ່ນໍ້າລ້ານຊ້າງ”

ບໍລິສັດ ເຂື່ອນໄຟຟ້ານໍ້າງຽບ 2 ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງແມ່ນໍ້າລ້ານຊ້າງ”

ເມື່ອບໍ່ດົນຜ່ານມາ, ເຂື່ອນໄຟຟ້ານໍ້າງຽບ 2 ໄດ້ຈັດກິດຈະກໍາ “ຫ້ອງຮຽນສີຂຽວ ແມ່ນໍ້າຂອງ ແມ່ນໍ້າລ້ານຊ້າງ” ເພື່ອສະເຫຼີມສະຫຼອງການດຳເນີນງານຄົບຮອບ 10 ປີ, ຊຶ່ງມີອາຈານ, ນັກສຶກສາ ຈາກມະຫາວິທະຍາໄລແຫ່ງຊາດ, ອໍານາດການປົກຄອງທ້ອງຖິ່ນ, ຕະຫຼອດຮອດປະຊາຊົນເຂົ້າຮ່ວມ ບໍລິສັດ ເຂື່ອນໄຟຟ້ານໍ້າງຽບ 2 ເປັນໂຄງການໄຟຟ້າ BOOT ແຫ່ງທີ 2 ຂອງກຸ່ມບໍລິສັດ CCCG ບໍລິສັດ CWE, ກໍາລັງຕິດຕັ້ງ 180 MW, ເລີ່ມດໍາເນີນງານໃນປີ 2015, ມາຮອດປັດຈຸບັນ ຄົບຮອບ 10 ປີ, ຜະລິດໄຟຟ້າໄດ້ຫຼາຍກວ່າ 42 ລ້ານkwh, ສາມາດສະໜອງໄຟຟ້າໃຫ້ທ້ອງຖິ່ນໄດ້ 780,000 ກວ່າຄົນ, ປະກອບສ່ວນສໍາຄັນເຂົ້າໃນການພັດທະນາໄຟຟ້າສາຍສົ່ງພາກເໜືອຂອງລາວ. ປີ 2022 ໄດ້ຮັບຫຼຽນໄຊແຮງງານຊັ້ນ 2 ຂອງລັດຖະບານ.
ອຸທຸມພອນ ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບສະຫຼອງວັນສ້າງຕັ້ງກິລາລາວ

ອຸທຸມພອນ ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບສະຫຼອງວັນສ້າງຕັ້ງກິລາລາວ

ໃນຕອນເຊົ້າວັນທີ 10 ກໍລະກົດນີ້, ເມືອງອຸທຸມພອນ ແຂວງສະຫວັນນະເຂດ ໄດ້ຈັດກິດຈະກໍາປ່ອຍປາ ແລະ ຍ່າງເພື່ອສຸຂະພາບ ຂຶ້ນເພື່ອສະເຫຼີມສະຫຼອງວັນສ້າງຕັ້ງກິລາລາວ, ວັນປ່ອຍປາ ແລະ ອານຸລັກສັດນໍ້າ,ໂດຍການເຂົ້າຮ່ວມຂອງທ່ານ ທອງໃສ ໄຊຍະວົງຄໍາດີ ເລຂາຄະນະບໍລິຫານງານພັກເມືອງ.
ກອງພັນໃຫຍ່ 202 ປາຖະກະຖາສອງວັນປະຫວັດສາດ

ກອງພັນໃຫຍ່ 202 ປາຖະກະຖາສອງວັນປະຫວັດສາດ

ວັນທີ 10 ກໍລະກົດນີ້ ຢູ່ທີ່ສະໂມສອນ ກອງພັນໃຫຍ່ 202 ກອງພົນທີ 2 ໄດ້ຈັດພິທີປາຖະກະຖາວັນຄ້າຍວັນເກີດຂອງທ່ານ ປະທານ ສຸພານຸວົງ ຄົບຮອບ 116 ປີ (13 ກໍລະກົດ 1909 - 13 ກໍລະກົດ 2025) ແລະ ວັນເຊັນສົນທິສັນຍາມິດຕະພາບ-ການຮ່ວມມື ຄົບຮອບ 48 ປີ (18/7/1977-18/7/2025) ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 63 ປີ (5/9/1962-5/9/2025) ໂດຍການເປັນປະທານຂອງ ສະຫາຍ ພັນໂທ ສົມໝາຍ ດອນພະຈັນ ຫົວໜ້າການເມືອງກອງພັນໃຫຍ່ 202.
ຈຳປາສັກ ປ່ອຍປາຄືນສູ່ທຳມະຊາດ ແມ່ນໍ້າເຊໂດນ.

ຈຳປາສັກ ປ່ອຍປາຄືນສູ່ທຳມະຊາດ ແມ່ນໍ້າເຊໂດນ.

ເນື່ອງໃນວັນປ່ອຍປາແຫ່ງຊາດທີ 13 ກໍລະກົດທີ່ຈະໝູນວຽນມາຮອດອີກວາລະໜື່ງ ໃນວັນທີ 10 ກໍລະກົດນີ້, ພະແນກກະສີກຳ ແລະ ປ່າໄມ້ແຂວງຈຳປາສັກ ຮ່ວມກັບ ນະຄອນປາກເຊ ຈັດພີທີປ່ອຍປາຂຶ້ນ ທີ່ທ່າວັດຫຼວງນະຄອນປາກເຊ ໂດຍການເຂົ້າຮ່ວມຂອງ ທ່ານ ອາລຸນໄຊ ສູນນະລາດ ເຈົ້າແຂວງຈຳປາສັກ, ພະຈານໃຫຍ່ ມະຫາ ສຸວັນ ຈັນທະຣາດ ປະທານ ອພສ ແຂວງ, ມີພາກສ່ວນກ່ຽວຂ້ອງ ພ້ອມດ້ວຍພໍ່ແມ່ປະຊາຊົນເຂົ້າຮ່ວມເປັນຈຳນວນຫຼວງຫຼາຍ
ເພີ່ມເຕີມ