ໂດຍ:ສຳນານ ພົມພັກດີ
ຮ້ານຫັດຖະກຳແພງໄໝນໍາໃຊ້ເສັ້ນໄໝຄຸນນະພາບສູງ ຈາກພາຍໃນ ແລະ ຕ່າງປະເທດເຂົ້າໃນການຜະລິດ ໃນຂະນະດຽວກັນຫັດຖະກຳແພງໄໝຍັງເປັນບ່ອນສ້າງວຽກເຮັດງານທຳໃຫ້ແມ່ຍິງ, ຜູ້ດ້ອຍໂອກາດ, ທັງເປັນບ່ອນສຶກສາ, ຖ່າຍທອດຄວາມຮູ້ ການຕ່ຳຫູກທໍໄໝ ໃຫ້ແກ່ຄົນຮຸ່ນຕໍ່ໄປຕື່ມອີກ
ທ່ານນາງ ກົງທອງ ນັນທະວົງດວງສີ ເຈົ້າຂອງຮ້ານຫັດຖະກຳແພງໄໝ ໃຫ້ຮູ້ວ່າ:ຮ້ານຫັດຖະກຳແພງໄໝ ຕັ້ງຢູ່ບ້ານໂພນຕ້ອງ ເມືອງຈັນທະບູລີ ນະຄອນຫຼວງວຽງຈັນ (ນວ),ຮ້ານຫັດຖະກຳແພງໄໝ ສ້າງຕັ້ງຂຶ້ນໃນປີ 1993,ເພື່ອສົ່ງເສີມການຜະລິດ ແລະ ການສົ່ງອອກໄປຕ່າງປະເທດ ແລະ ເພື່ອສ້າງວຽກເຮັດງານທຳໃຫ້ແມ່ຍິງ, ຜູ້ດ້ອຍໂອກາດ, ທັງເປັນບ່ອນສຶກສາ, ຖ່າຍທອດຄວາມຮູ້ ການຕ່ຳຫູກທໍໄໝ ໃຫ້ແກ່ຄົນຮຸ່ນຕໍ່ໄປ. ພ້ອມນີ້, ຍັງໄດ້ ມີການຄົ້ນຄວ້າບັນທຶກ, ສ້າງເປັນວິດີໂອ, ເປັນປຶ້ມ ແລະ ອື່ນໆ ເພື່ອເປັນເອກະສານສືບທອດ ໃຫ້ຜູ້ທີ່ມີຄວາມສົນໃຈຢາກສຶກສາຮ່ຳຮຽນ ເລື່ອງຕ່ຳຫູກທໍໄໝຂອງລາວ.
ທ່ານກ່າວຕື່ມວ່າ:ຮ້ານຫັດຖະກຳແພງໄໝ ເປັນຮ້ານທີ່ ຜະລິດແຜ່ນແພໂດຍສະເພາະ ທີ່ມີການນໍາໃຊ້ເສັ້ນໄໝຄຸນນະພາບສູງ ຈາກພາຍໃນ ແລະ ຕ່າງປະເທດຊຶ່ງຜະລິດຕະພັນຕົ້ນຕໍ ປະກອບມີ ສິ້ນ,ສົ້ງຮູບຊົງລາວ, ຊຸດແຕ່ງານ, ປະເພດຜ້າພັນຄໍ ແລະ ສິນຄ້າອື່ນໆທີ່ນຳໃຊ້ການປະສົມປະສານຂອງວັດຖຸດິບຕ່າງໆ ເຊັ່ນ: ກະເປົາຫວາຍປະສົມຜ້າໄໝ, ກະເປົາຜ້າຝ້າຍປະສົມຜ້າໄໝ. ພ້ອມນີ້,ຮ້ານຫັດຖະກຳແພງໄໝ ຍັງມີລວດລາຍຜ້າຫຼາກຫຼາຍຊະນິດ, ນຳໃຊ້ລວດລາຍພື້ນເມືອງ ແລະ ລວດລາຍທັນສະໄໝຂອງລາວ ຜະລິດຕະພັນທັງໝົດແມ່ນຖືກຕ່ຳທໍດ້ວຍໃຈ ໂດຍຊ່າງຫັດຖະກຳ ທີ່ມີສີມື ແລະ ປະສົບການຍາວນານ. ຄຽງຄູ່ກັບການໃຫ້ຄຸນຄ່າໃນເຕັກນິກພື້ນເມືອງລາວແບບດັ່ງເດີມ ແພງໄໝແມ່ນມຸ່ງຫວັງທີ່ຈະປັບປຸງຄຸນນະພາບໃຫ້ດີຂຶ້ນ ແລະ ຍົກສູງຊື່ສຽງຂອງຜ້າໄໝລາວໃຫ້ເປັນທີ່ຮູ້ຈັກຢ່າງກວ້າງຂວາງ. ດັ່ງນັ້ນ, ເພື່ອໃຫ້ຫຼາຍຄົນໄດ້ນໍາໃຊ້ຜະລິດຕະພັນຜ້າໄໝລາວ ແພງໄໝໄດ້ສຸມໃສ່ ພັດທະນາການອອກແບບຜະລິດຕະພັນໃຫ້ເຂົ້າກັບຍຸກສະໄໝ ປະສົມປະສານກັບ ການນໍາໃຊ້ລວດລາຍພື້ນເມືອງດັ່ງເດີມ. ພິເສດ,ແພງໄໝໄດ້ມີການເຄື່ອນໄຫວຕ່າງໆ ເພື່ອຟື້ນຟູເຕັກນິກ ແລະ ລວດລາຍດັ່ງເດີມຂອງເຜົ່າໄທແດງ ເພື່ອໃຫ້ຫຼາຍຄົນໄດ້ຮູ້ຈັກເຖິງພູມປັນຍາອັນດີງາມຂອງເຜົ່າໄທແດງຕື່ມອີກ.
ນາງ ຈັນສະໄໝ ໃສປະເສີດ ຢູ່ບ້ານໄຊເມືອງໄຊທານີນະຄອນຫຼວງວຽງຈັນ,ພະນັກງານຮ້ານຫັດຖະກຳແພງໄໝກ່າວວ່າ:ຕົນເອງໄດ້ເຂົ້າມາເຮັດວຽກຢູ່ຮ້ານຫັດຖະກຳແພງໄໝໄດ້ 6ເດືອນ ໃນໜ້າທີ່ຮັບຜິດຊອບການສາວໄໝ ແລະ ລັງໄໝ ຊຶ່ງໃນການເຂົ້າມາເຮັດວຽກຢູ່ສະຖານທີ່ແຫ່ງນີ້ແມ່ນມີຄວາມພາກພູມໃຈຫຼາຍໂດຍໄດ້ຮຽນຮູ້ກ່ຽວວິທີການສາວໄໝແລະລັງໄໝເປັນຢ່າງດີ ຊຶ່ງບົດຮຽນທີ່ໄດ້ຮັບຈາກການເຮັດຕົວຈິງແລ້ວຈະນຳເອົາຄວາມຮູ້ປະສົບການທີ່ໄດ້ຮຽນຮູ້ມາໄປຖ່າຍທອດໃຫ້ກັບຜູ້ອື່ນໆທີ່ມີຄວາມສົນໃຈກ່ຽວກັບວຽກງານດັ່ງກ່າວ ຊຶ່ງວຽກງານນີ້ກໍສາມາດນຳໄປເປັນວິຊາຊີບເພື່ອສ້າງລາຍຮັບໃຫ້ແກ່ກັບຕົນເອງ ແລະ ຄອບຄົວໄດ້.
ນາງ ລັກ ນອມພະຈັນ ຢູ່ບ້ານຫຼັກຊາວເມືອງຄຳເກີດແຂວງບໍລິຄຳໄຊ ໃດ້ເຮັດວຽກຢູ່ຮ້ານຫັດຖະກຳແພງໄໝ ໄດ້ 6ເດືອນເຊັ່ນກັນ ໄດ້ເວົ້າວ່າ: ການມາເຮັດວຽກຢູ່ຮ້ານຫັດຖະກຳແພງໄໝ ແມ່ນດີຫຼາຍເພາະໄດ້ຮູ້ຫຼາຍຢ່າງກ່ຽວກັນການ ສາວໄໝ,ການຕໍ່າຫູກ ແລະ ອື່ນໆທີ່ເຮັດດ້ວຍໄໝ ແລະ ໄດ້ບົດຮຽນຫຼາກຫຼາຍໃນການເຮັດວຽກງານກ່ຽວກັບຫັດຖະກຳ, ທີ່ສຳຄັນແມ່ນໄດ້ຮູ້ຈັກທີ່ມາຂອງເສັ້ນໄໝວ່າມາຈາກໃສ ແລະ ນຳເອົາເສັ້ນໄໝທີ່ໄດ້ມານຳໄປເປັນຜະລິດຊົມໃຊ້ທີ່ຫຼາກຫຼາຍ.
ຮ້ານຫັດຖະກຳແພງໄໝນໍາໃຊ້ເສັ້ນໄໝຄຸນນະພາບສູງ ຈາກພາຍໃນ ແລະ ຕ່າງປະເທດເຂົ້າໃນການຜະລິດ ໃນຂະນະດຽວກັນຫັດຖະກຳແພງໄໝຍັງເປັນບ່ອນສ້າງວຽກເຮັດງານທຳໃຫ້ແມ່ຍິງ, ຜູ້ດ້ອຍໂອກາດ, ທັງເປັນບ່ອນສຶກສາ, ຖ່າຍທອດຄວາມຮູ້ ການຕ່ຳຫູກທໍໄໝ ໃຫ້ແກ່ຄົນຮຸ່ນຕໍ່ໄປຕື່ມອີກ
ທ່ານນາງ ກົງທອງ ນັນທະວົງດວງສີ ເຈົ້າຂອງຮ້ານຫັດຖະກຳແພງໄໝ ໃຫ້ຮູ້ວ່າ:ຮ້ານຫັດຖະກຳແພງໄໝ ຕັ້ງຢູ່ບ້ານໂພນຕ້ອງ ເມືອງຈັນທະບູລີ ນະຄອນຫຼວງວຽງຈັນ (ນວ),ຮ້ານຫັດຖະກຳແພງໄໝ ສ້າງຕັ້ງຂຶ້ນໃນປີ 1993,ເພື່ອສົ່ງເສີມການຜະລິດ ແລະ ການສົ່ງອອກໄປຕ່າງປະເທດ ແລະ ເພື່ອສ້າງວຽກເຮັດງານທຳໃຫ້ແມ່ຍິງ, ຜູ້ດ້ອຍໂອກາດ, ທັງເປັນບ່ອນສຶກສາ, ຖ່າຍທອດຄວາມຮູ້ ການຕ່ຳຫູກທໍໄໝ ໃຫ້ແກ່ຄົນຮຸ່ນຕໍ່ໄປ. ພ້ອມນີ້, ຍັງໄດ້ ມີການຄົ້ນຄວ້າບັນທຶກ, ສ້າງເປັນວິດີໂອ, ເປັນປຶ້ມ ແລະ ອື່ນໆ ເພື່ອເປັນເອກະສານສືບທອດ ໃຫ້ຜູ້ທີ່ມີຄວາມສົນໃຈຢາກສຶກສາຮ່ຳຮຽນ ເລື່ອງຕ່ຳຫູກທໍໄໝຂອງລາວ.
ທ່ານກ່າວຕື່ມວ່າ:ຮ້ານຫັດຖະກຳແພງໄໝ ເປັນຮ້ານທີ່ ຜະລິດແຜ່ນແພໂດຍສະເພາະ ທີ່ມີການນໍາໃຊ້ເສັ້ນໄໝຄຸນນະພາບສູງ ຈາກພາຍໃນ ແລະ ຕ່າງປະເທດຊຶ່ງຜະລິດຕະພັນຕົ້ນຕໍ ປະກອບມີ ສິ້ນ,ສົ້ງຮູບຊົງລາວ, ຊຸດແຕ່ງານ, ປະເພດຜ້າພັນຄໍ ແລະ ສິນຄ້າອື່ນໆທີ່ນຳໃຊ້ການປະສົມປະສານຂອງວັດຖຸດິບຕ່າງໆ ເຊັ່ນ: ກະເປົາຫວາຍປະສົມຜ້າໄໝ, ກະເປົາຜ້າຝ້າຍປະສົມຜ້າໄໝ. ພ້ອມນີ້,ຮ້ານຫັດຖະກຳແພງໄໝ ຍັງມີລວດລາຍຜ້າຫຼາກຫຼາຍຊະນິດ, ນຳໃຊ້ລວດລາຍພື້ນເມືອງ ແລະ ລວດລາຍທັນສະໄໝຂອງລາວ ຜະລິດຕະພັນທັງໝົດແມ່ນຖືກຕ່ຳທໍດ້ວຍໃຈ ໂດຍຊ່າງຫັດຖະກຳ ທີ່ມີສີມື ແລະ ປະສົບການຍາວນານ. ຄຽງຄູ່ກັບການໃຫ້ຄຸນຄ່າໃນເຕັກນິກພື້ນເມືອງລາວແບບດັ່ງເດີມ ແພງໄໝແມ່ນມຸ່ງຫວັງທີ່ຈະປັບປຸງຄຸນນະພາບໃຫ້ດີຂຶ້ນ ແລະ ຍົກສູງຊື່ສຽງຂອງຜ້າໄໝລາວໃຫ້ເປັນທີ່ຮູ້ຈັກຢ່າງກວ້າງຂວາງ. ດັ່ງນັ້ນ, ເພື່ອໃຫ້ຫຼາຍຄົນໄດ້ນໍາໃຊ້ຜະລິດຕະພັນຜ້າໄໝລາວ ແພງໄໝໄດ້ສຸມໃສ່ ພັດທະນາການອອກແບບຜະລິດຕະພັນໃຫ້ເຂົ້າກັບຍຸກສະໄໝ ປະສົມປະສານກັບ ການນໍາໃຊ້ລວດລາຍພື້ນເມືອງດັ່ງເດີມ. ພິເສດ,ແພງໄໝໄດ້ມີການເຄື່ອນໄຫວຕ່າງໆ ເພື່ອຟື້ນຟູເຕັກນິກ ແລະ ລວດລາຍດັ່ງເດີມຂອງເຜົ່າໄທແດງ ເພື່ອໃຫ້ຫຼາຍຄົນໄດ້ຮູ້ຈັກເຖິງພູມປັນຍາອັນດີງາມຂອງເຜົ່າໄທແດງຕື່ມອີກ.
ນາງ ຈັນສະໄໝ ໃສປະເສີດ ຢູ່ບ້ານໄຊເມືອງໄຊທານີນະຄອນຫຼວງວຽງຈັນ,ພະນັກງານຮ້ານຫັດຖະກຳແພງໄໝກ່າວວ່າ:ຕົນເອງໄດ້ເຂົ້າມາເຮັດວຽກຢູ່ຮ້ານຫັດຖະກຳແພງໄໝໄດ້ 6ເດືອນ ໃນໜ້າທີ່ຮັບຜິດຊອບການສາວໄໝ ແລະ ລັງໄໝ ຊຶ່ງໃນການເຂົ້າມາເຮັດວຽກຢູ່ສະຖານທີ່ແຫ່ງນີ້ແມ່ນມີຄວາມພາກພູມໃຈຫຼາຍໂດຍໄດ້ຮຽນຮູ້ກ່ຽວວິທີການສາວໄໝແລະລັງໄໝເປັນຢ່າງດີ ຊຶ່ງບົດຮຽນທີ່ໄດ້ຮັບຈາກການເຮັດຕົວຈິງແລ້ວຈະນຳເອົາຄວາມຮູ້ປະສົບການທີ່ໄດ້ຮຽນຮູ້ມາໄປຖ່າຍທອດໃຫ້ກັບຜູ້ອື່ນໆທີ່ມີຄວາມສົນໃຈກ່ຽວກັບວຽກງານດັ່ງກ່າວ ຊຶ່ງວຽກງານນີ້ກໍສາມາດນຳໄປເປັນວິຊາຊີບເພື່ອສ້າງລາຍຮັບໃຫ້ແກ່ກັບຕົນເອງ ແລະ ຄອບຄົວໄດ້.
ນາງ ລັກ ນອມພະຈັນ ຢູ່ບ້ານຫຼັກຊາວເມືອງຄຳເກີດແຂວງບໍລິຄຳໄຊ ໃດ້ເຮັດວຽກຢູ່ຮ້ານຫັດຖະກຳແພງໄໝ ໄດ້ 6ເດືອນເຊັ່ນກັນ ໄດ້ເວົ້າວ່າ: ການມາເຮັດວຽກຢູ່ຮ້ານຫັດຖະກຳແພງໄໝ ແມ່ນດີຫຼາຍເພາະໄດ້ຮູ້ຫຼາຍຢ່າງກ່ຽວກັນການ ສາວໄໝ,ການຕໍ່າຫູກ ແລະ ອື່ນໆທີ່ເຮັດດ້ວຍໄໝ ແລະ ໄດ້ບົດຮຽນຫຼາກຫຼາຍໃນການເຮັດວຽກງານກ່ຽວກັບຫັດຖະກຳ, ທີ່ສຳຄັນແມ່ນໄດ້ຮູ້ຈັກທີ່ມາຂອງເສັ້ນໄໝວ່າມາຈາກໃສ ແລະ ນຳເອົາເສັ້ນໄໝທີ່ໄດ້ມານຳໄປເປັນຜະລິດຊົມໃຊ້ທີ່ຫຼາກຫຼາຍ.
ຄໍາເຫັນ