ພ້ອມຄະນະ ໄດ້ເຂົ້າອວຍພອນ ທ່ານ ຫວຽນ ມິງ ເຕິມ ເອກອັກຄະລັດຖະທູດ ວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ສປປລາວໃນວັນທີ 22 ມັງກອນນີ້.
ໃນໂອກາດດັ່ງກ່າວ, ທ່ານ ວັນໄຊ ຕະວິນຍານ ໄດ້ອວຍພອນໃຫ້ ທ່ານ ຫວຽນ ມິງ ເຕິມ ພ້ອມພະນັກງານສະທູດຫວຽດນາມ ປະຈຳລາວ ຈົ່ງມີສຸຂະພາບແຂງແຮງ,ມີຄວາມຜາສຸກ ແລະ ມີຜົນສຳເລັດໃນໜ້າທີ່ວຽກງານ; ພ້ອມທັງໄດ້ລາຍງານໃຫ້ ທ່ານທູດຊາບວ່າ:ຜ່ານມາໜັງສືພິມ ປະຊາຊົນ ແລະ ໜັງສືພິມເຍິນເຢິນ ສສ ຫວຽດນາມໄດ້ມີການຮ່ວມມືຊ່ວຍເຫຼືອ ຊຶ່ງກັນ ແລະ ກັນ ດ້ວຍດີຕະຫຼອດມາຊຶ່ງໃນແຕ່ລະປີສອງໜັງສືິພິມກໍໄດ້ມີການແລກປ່ຽນ,ຢ້ຽມຢາມ ຄະນະຜູ້ແທນ ຂັ້ນຄະນະນຳ, ວິຊາການ,ສຳລັບ ປີ 2024 ຜ່ານມາ ໜັງສືພິມ ເຍິນເຢິນ ກໍໄດ້ໃຫ້ການຊ່ວຍເຫຼືອໃນການປັບປຸງເວັບໄຊ ແລະ ຊ່ວຍຝຶກອົບຮົມໃຫ້ພະນັກງານວິຊາການໃນການນຳໃຊ້ວຽກງານດັ່ງກ່າວ ທີ່ ສສ ຫວຽດນາມ, ໃນຂະນະດຽວກັນໜັງສືພິມ ປະຊາຊົນ ແລະ ໜັງສືພິມ ເຍິນເຢິນ ກໍໄດ້ມີການໂຄສະນາເຜີຍແຜ່ຂໍ້ມູນຂ່າວສານການພົວພັນອັນຍິ່ງໃຫຍ່,ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງ ສອງພັກ,ສອງລັດ ແລະ ປະຊາຊົນສອງຊາດລາວ-ຫວຽດນາມ ໂດຍສະເພາະແມ່ນເຫດການສຳຄັນຕ່າງໆຂອງສອງ ປະເທດ ລາວ-ຫວຽດນາມ, ທ່ານ ວັນໄຊ ຕະວິນຍານ ຍັງໄດ້ຝາກຄວາມຫວັງນຳ ທ່ານທູດຈົ່ງເປັນຂົວຕໍ່ໃນການປະສານງານ ເພື່ອສະເໜີໃຫ້ໜັງສືພິມເຍິນເຢິນສືບຕໍ່ຊ່ວຍເຫຼືອໜັງສືພິມປະຊາຊົນໃນຕໍ່ໜ້າໂດຍສະເພາະຊ່ວຍເຫຼືອການຝຶກອົບຮົມວຽກງານຂ່າວ, ຊ່ວຍເຫຼືອອຸປະກອນຮັບໃຊ້ ແລະອື່ນໆ ເພື່ອມາປະກອບສ່ວນເຂົ້າໃນການພັດທະນາໜັງສືພິມປະຊາຊົນໃຫ້ດີຂຶ້ນເລື້ອຍໆ.
ທ່ານ ຫວຽນ ມິງ ເຕິມ ໄດ້ສະແດງຄວາມຂອບໃຈ ຕໍ່ ທ່ານ ວັນໄຊ ຕະວິນຍານພ້ອມຄະນະ ທີ່ໄດ້ມາອວຍພອນສະຖານທູດ ສສຫວຽດນາມ ປະຈຳສປປລາວ ໃນໂອກາດບຸນປີໃໝ່ຊາວຫວຽດນາມ ປະຈຳ ປີ 2025; ພ້ອມທັງຕີລາຄາວ່າ:ຜ່ານການຕິດຕາມຜ່ານມາ ເຫັນວ່າ ການຮ່ວມມື ຂອງສອງໜັງສືພິມ ເຍິນເຢິນ ສສ ຫວຽດນາມ ແລະ ໜັງສືິມປະຊາຊົນແມ່ນໄດ້ເອົາໃຈໃສໃນການໂຄສະນາເຜີຍແຜ່ຜົນສຳເລັດຂອງສອງພັກ,ສອງລັດ,ປະຊາຊົນສອງຊາດ ຫວຽດນາມ-ລາວດ້ວຍດີຕະຫຼອດມາ ແລະ ຫວັງຢ່າງຍິ່ງວ່າໃນຕໍ່ໜ້າ ສອງໜັງສືພິມ ຈະສືບຕໍ່ຈັດຕັ້ງປະຕິບັດບົດບັນທຶກການຮ່ວມມື ແລະ ແລກປ່ຽນບົດຮຽນຊຶ່ງກັນ ແລະ ກັນໃຫ້ເລິກເຊິ່ງຂຶ້ນກວ່າເກົ່າ.
(ຂ່າວ-ພາບ:ສຳນານ)
ຄໍາເຫັນ