ຂ່າວລະບຸວ່າ: ຕ້ອນຮັບທ່ານ ຟ້າມມິງຈິງ ພ້ອມດ້ວຍຄະນະຜູ້ແທນຫວຽດນາມ ຢູ່ສະໜາມບິນ ມີທ່ານ ຈິນກວັກເວີຍ ຮອງເຈົ້າແຂວງລ້ຽວນິງ, ທ່ານ ຊູງບົວ ເອກອັກຄະລັດຖະທູດຈີນ ປະຈຳ ຫວຽດນາມ, ທ່ານ ເລິ້ງຊົວເຟິງ ຮອງເຈົ້າຄອງນະຄອນ ຕາຫຼຽນ. ສ່ວນຝ່າຍ ຫວຽດນາມ ມີທ່ານ ຟ້າມຊາວມາຍ ເອກອັກຄະລັດຖະທູດ ຫວຽດນາມ ປະຈຳຈີນ ແລະ ພະນັກງານ ສະຖານທູດ ຫວຽດນາມ ປະຈຳ ຈີນ.
ຄາດວ່າໃນຂອບເຂດກອງປະຊຸມ WEF ຕາຫຼຽນ, ທ່ານ ຟ້າມມິງຈິງ ຈະເຂົ້າຮ່ວມ ແລະ ກ່າວຄຳເຫັນໃນກອງປະຊຸມ; ຮ່ວມກັບທ່ານ ເຄົາສ ຊວາບ ປະທານບໍລິຫານສະພາເສດຖະກິດໂລກ (WEF), ເປັນປະທານກອງປະຊຸມປຶກສາຫາລືກັບບັນດາຜູ້ນຳບັນດາວິສາຫະກິດໃຫຍ່ຂອງ WEF; ເປັນປະທານການສົນທະນາກັບທຸລະກິດທີ່ມີຫົວຄິດປະດິດສ້າງ; ພ້ອມກັນນັ້ນ, ໄດ້ມີການພົວພັນສອງຝ່າຍກັບການນຳບັນດາປະເທດ, ອົງການຈັດຕັ້ງສາກົນ, ວິສາຫະກິດ WEF ໃນຂອບເຂດກອງປະຊຸມ.
ກ່ຽວກັບການເຄື່ອນໄຫວສອງຝ່າຍກັບຈີນ, ທ່ານ ຟ້າມບິ່ງມິງ ຈະມີການເຈລະຈາ ແລະ ພົບປະກັບການນຳຂັ້ນສູງຂອງຈີນ; ຈະເຮັດວຽກກັບອົງການຈັດຕັ້ງ ແລະ ກຸ່ມເສດຖະກິດຈີນຂະໜາດໃຫຍ່; ພົບປະກັບພະນັກງານອົງການຜູ້ຕາງໜ້າຂອງຫວຽດນາມ ປະຈໍາ ຈີນ.
ຄໍາເຫັນ