ນາຍົກ ຫວຽດນາມ ເຂົ້າຮ່ວມເວທີປາໄສ ວິສາຫະກິດ ຫວຽດນາມ - ຊາອູດິດ ອາຣັບບີ

09:52 24/10/2023

ວິທະຍຸກະຈາຍສຽງຫວຽດນາມລາຍງານວ່າ: ເນື່ອງໃນໂອກາດເຂົ້າຮ່ວມກອງປະຊຸມສຸດຍອດ ສະມາຄົມປະຊາຊາດ ອາຊີຕາເວັນອອກສ່ຽງໃຕ້ (ອາຊຽນ) - ສະພາຮ່ວມມືເຂດອ່າວເປີເຊຍ (GCC) ແລະ ຢ້ຽມຢາມ ຊາອູດິດ ອາຣັບບີ, ໃນວັນທີ 19 ຕຸລາ ຜ່ານມານີ້ ຢູ່ນະຄອນຫຼວງ ຣິຢາດ ຂອງ ຊາອູດິດ ອາຣັບບີ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ເຂົ້າຮ່ວມເວທີປາໄສວິສາຫະກິດ ຫວຽດນາມ - ຊາອູດິດ ອາຣັບບີ, ໂດຍກະຊວງແຜນການ ແລະ ການລົງທຶນ, ສະຖານທູດ ຫວຽດນາມ ປະຈຳ ຊາອູດິດ ອາຣັບບີ, ສະຫະພັນບັນດາຫ້ອງການການຄ້າ ຊາອູດິດ ອາຣັບບີ (FSC) ຈັດຕັ້ງຂຶ້ນ.

ຂ່າວລະບຸວ່າ: ກ່າວຄຳເຫັນໃນເວທີປາໄສ, ທ່ານ ຟ້າມມິງຈິງ ໄດ້ແຈ້ງໃຫ້ຊາບສະພາບການຂອງ ຫວຽດນາມ ພາຍຫຼັງເກືອບ 40 ປີ ທີ່ປະຕິບັດນະໂຍບາຍປ່ຽນແປງໃໝ່, ໂດຍໃຫ້ຮູ້ວ່າ: ຫວຽດນາມ ໄດ້ກາຍເປັນພື້ນຖານເສດຖະກິດໃຫຍ່ອັນດັບທີ 4 ໃນ ອາຊຽນ ແລະ ແມ່ນ 1 ໃນຈຳນວນ 20 ພື້ນຖານເສດຖະກິດ ທີ່ມີຂອບຂະໜາດການຄ້າໃຫຍ່ທີ່ສຸດໃນໂລກ; ແມ່ນປະເທດສົ່ງອອກເຂົ້າສານ ແລະ ມີຫຼາຍຜະລິດຕະພັນກະເສດແຖວໜ້າໂລກ; ເຂົ້າຮ່ວມສັນຍາການຄ້າເສລີ 16 ສະບັບ (FTA) ກັບບັນດາປະເທດ ພື້ນຖານເສດຖະກິດໃຫຍ່ທັງໝົດໃນໂລກ. ຫວຽດນາມ ສືບຕໍ່ໄດ້ຮັບການຕີລາຄາສູງ ແລະ ຕັ້ງໜ້າຈາກປະຊາຄົມສາກົນ ແລະ ນັກລົງທຶນ ກ່ຽວກັບຄວາມຫວັງການເຕີບໂຕ ແລະ ສະພາບແວດລ້ອມການລົງທຶນດຳເນີນທຸລະກິດ. ທ່ານ ຟ້າມມິງຈິງ ປາຖະໜາໃຫ້ສອງປະເທດສົມທົບກັນຢ່າງແໜ້ນແຟ້ນ ເພື່ອໃຫ້ວິສາຫະກິດຂອງສອງປະເທດ ບໍ່ພຽງແຕ່ເຂົ້າຮ່ວມຕະຫຼາດຂອງກັນ ແລະ ກັນເທົ່ານັ້ນ ຫາກຍັງຂະຫຍາຍອອກທົ່ວພາກພື້ນ ອາຊຽນ ແລະ GCC ອີກດ້ວຍ.

ເນື່ອງໃນໂອກາດນີ້, ພາຍໃຕ້ການເປັນສັກຂີພິຍານຂອງທ່ານ ຟ້າມມິງຈິງ ແລະ ການນຳບັນດາກະຊວງ, ຂະ ແໜງການສອງປະເທດ, ບັນດາວິສາຫະກິດ ຫວຽດນາມ - ຊາອູດິດ ອາຣັບບີ ໄດ້ລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືຫຼາຍສະບັບ.

ຄໍາເຫັນ

ຂ່າວຕ່າງປະເທດ

ນັກທ່ອງທ່ຽວຕ່າງປະເທດຫຼັ່ງໄຫຼທ່ຽວຈີນ ເພື່ອສຳຜັດມົນສະເໜ່ທີ່ຫຼາກຫຼາຍສີສັນຂອງຈີນ

09/10/2026 12:14

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 9 ຕຸລາ ນີ້ວ່າ: ນັບແຕ່ຕົ້ນປີນີ້ເປັນຕົ້ນມາ, ນັກທ່ອງທ່ຽວຕ່າງປະເທດໄດ້ເຂົ້າມາທ່ອງທ່ຽວຈີນນັບມື້ຫຼາຍຂຶ້ນ. ໂຕເລກຂໍ້ມູນຈາກເວັບໄຊທ່ອງທ່ຽວທີ່ກ່ຽວຂ້ອງສະແດງໃຫ້ເຫັນວ່າ: ໃນໄລຍະພັກບຸນວັນຊາດຈີນປີນີ້, ຈຳນວນນັກທ່ອງທ່ຽວຕ່າງປະເທດເດີນທາງມາທ່ອງທ່ຽວຈີນໄດ້ສືບຕໍ່ເພີ່ມຂຶ້ນ, ນັກທ່ອງທ່ຽວທີ່ມາຈາກທະວີບເອີຣົບ ແລະ ທະວີບໂອຊີອານີໄດ້ເພີ່ມຂຶ້ນຢ່າງຕໍ່ເນື່ອງ.

ປິດກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 14

09/10/2026 12:04

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 8 ຕຸລາ ຜ່ານມາ, ຢູ່ສຳນັກງານສູນກາງພັກທີ່ ນະຄອນຫຼວງຮ່າໂນ້ຍ ໄດ້ປິດກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 14 ພາຍຫຼັງດຳເນີນເປັນເວລາ 4 ວັນ (ວັນທີ 5-8 ຕຸລາ). ທ່ານ ໂຕເລິມ ເລຂາທິການໃຫຍ່ ປະທານປະເທດ ຫວຽດນາມ ໄດ້ກ່າວຄຳເຫັນເນັ້ນນັກຫຼາຍບັນຫາສຳຄັນທີ່ສູນກາງໄດ້ຮັບຮອງເອົາ. ທ່ານໄດ້ເນັ້ນໜັກວ່າ: ກອງປະຊຸມຄັ້ງນີ້ ໄດ້ຫັນເປັນລະອຽດບາດກ້າວສຳຄັນ ມະຕິກອງປະຊຸມໃຫຍ່ຄັ້ງທີ 14 ຂອງພັກ, ຕິດພັນກັບການກໍ່ສ້າງພັກ ການບໍລິຫານແຫ່ງຊາດ ແລະ ພັດທະນາປະເທດຊາດ. ບັນດານະໂຍບາຍເພື່ອແນໃສ່ຍົກສູງຄວາມສາມາດນຳພາ, ປະຕິບັດ, ເຕົ້າໂຮມກຳລັງທົ່ວບວງຊົນທັງຊາດ.

ທະນາຄານໂລກ ປັບການຄາດຄະເນການເຕີບໂຕຂອງເສດຖະກິດພາກພື້ນອາຊີຕາເວັນອອກ - ປາຊີຟິກ

08/10/2026 12:34

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 6 ຕຸລາ ຜ່ານມາ, ທະນາຄານໂລກໄດ້ປະກາດບົດລາຍງານວ່າດ້ວຍການຄາດຄະເນຈັງຫວະການເຕີບໂຕຂອງເສດຖະກິດພາກພື້ນອາຊີຕາເວັນອອກ ແລະ ປາຊີຟິກ ສະບັບປັບປຸງໃໝ່, ໂດຍໄດ້ປັບການຄາດຄະເນຈັງຫວະການເຕີບໂຕຂອງເສດຖະກິດພາກພື້ນດັ່ງກ່າວຂຶ້ນເປັນ 4.5%, ເພີ່ມຂຶ້ນ 0.3% ເມື່ອທຽບໃສ່ການຄາດຄະເນທີ່ປະກາດໃນເດືອນເມສາ ຜ່ານມາ.

IMF ແນະນຳໃຫ້ລັດຖະບານທົ່ວໂລກຊ່ວຍເຫຼືອກຸ່ມຄົນທີ່ມີຄວາມສ່ຽງ

08/10/2026 12:33

ຂ່າວຕ່າງປະເທດລາຍງານໃນວັນທີ 7 ຕຸລາ ຜ່ານມາວ່າ: ກອງທຶນການເງິນສາກົນ (IMF) ໄດ້ແນະນຳໃຫ້ລັດຖະບານທົ່ວໂລກໃຊ້ມາດຕະການຊ່ວຍເຫຼືອທາງດ້ານການເງິນແບບເຈາະຈົງສຳລັບກຸ່ມທີ່ມີຄວາມສ່ຽງ, ແທນທີ່ຈະໃຫ້ການອຸດໜູນລາຄາສິນຄ້າຢ່າງກວ້າງຂວາງ, ເພື່ອຫຼຸດຜ່ອນຜົນກະທົບຕໍ່ຄົວເຮືອນທີ່ມີລາຍໄດ້ຕໍ່າໃນໄລຍະທີ່ອັດຕາເງິນເຟີ້ເພີ່ມຂຶ້ນ.

ສິງກະໂປ ສະເໜີ 2 ໂຄງການເພື່ອເສີມຂະຫຍາຍການຕ້ານການຫຼອກລວງທາງອອນລາຍ

08/10/2026 12:30

ຂ່າວຕ່າງປະເທດລາຍາງນວ່າ: ທ່ານ ເຄ ຊານມູກາມ ລັດຖະມົນຕີອາວຸໂສສິງກະໂປ ໄດ້ເປີດເຜີຍໃນວັນ 6 ຕຸລາ ຜ່ານມາ ວ່າ, ສິງກະໂປໄດ້ສະເໜີ 2 ໂຄງການ ເພື່ອເສີມຂະຫຍາຍການຕອບສະໜອງຕໍ່ໄພຂົ່ມຂູ່ຈາກການຫຼອກລວງທາງອອນລາຍໃນອາຊຽນ ກ່ອນທີ່ສິງກະໂປຈະເປັນປະທານອາຊຽນໃນປີໜ້າ.

ຮົງກົງ ໄດ້ຮັບການປະເມີນເປັນກຸ່ມເສດຖະກິດເສລີທີ່ສຸດໃນໂລກ

08/10/2026 12:25

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 6 ຕຸລາ ຜ່ານມາ, ສະຖາບັນຄົ້ນຄວ້າຟຣາເຊີການາດາ ໄດ້ປະກາດ “ບົດລາຍງານຄວາມເສລີດ້ານເສດຖະກິດໂລກປະຈຳປີ 2026”. ຮົງກົງ ໄດ້ຮັບການປະເມີນເປັນກຸ່ມເສດຖະກິດເສລີທີ່ສຸດໃນໂລກອີກຄັ້ງໜຶ່ງ. ໃນມື້ດຽວກັນ, ໂຄສົກອົງການປົກຄອງເຂດບໍລິຫານພິເສດຮົງກົງກ່າວ ວ່າ, ບົດລາຍງານດັ່ງກ່າວໄດ້ຢືນຢັນທ່າແຮງດ້ານຕະຫຼາດເສລີ ລວມທັງສະພາບແວດລ້ອມການດຳເນີນທຸລະກິດທີ່ເປີດປະຕູ, ມີປະສິດທິຜົນສູງ ແລະ ຍຸຕິທຳຂອງຮົງກົງອີກຄັ້ງໜຶ່ງ.

ການສົ່ງອອກສິນໃນນ້ຳຂອງຫວຽດນາມ ບັນລຸ 9 ຕື້ກວ່າໂດລາ

08/10/2026 12:23

ວິທະຍຸກະຈາຍສຽງຫວຽດນາມລາຍງານໃນວັນທີ 7 ຕຸລາ ຜ່ານມາວ່າ: ໃນ 9 ເດືອນຕົ້ນປີ 2026, ການສົ່ງອອກສິນໃນນ້ຳບັນລຸ 9 ຕື້ກວ່າໂດລາ, ເພີ່ມຂຶ້ນ 12.3%. ກຳລັງໜູນການເຕີບໂຕແມ່ນໝາກຜົນທີ່ຕັ້ງໜ້າຂອງການເຄື່ອນໄຫວປູກລ້ຽງ, ປຸງແຕ່ງ ແລະ ຄວາມຕ້ອງການຂອງຕະຫຼາດ. ດ້ວຍອັດຕາການເຕີບໂຕສູງ, ສິນໃນນ້ຳສືບຕໍ່ຮັກສາບົດບາດສຳຄັນໃນການເພີ່ມວົງເງິນ ແລະ ປັບປຸງດຸນການຄ້າຂອງຂົງເຂດກະສິກຳ.

ຍອດຂາຍຍ່ອຍຂອງສິງກະໂປຊ້າລົງໃນເດືອນສິງຫາ

07/10/2026 10:30

ຂ່າວຕ່າງປະເທດລາຍງານວ່າ: ສຳນັກງານສະຖິຕິແຫ່ງຊາດສິງກະໂປ ເປີດເຜີຍໃນວັນທີ 5 ຕຸລາ ຜ່ານມາວ່າ, ຍອດຂາຍຍ່ອຍຂອງສິງກະໂປເພີ່ມຂຶ້ນ 0.7% ໃນເດືອນສິງຫາ ເມື່ອທຽບກັບປີກ່ອນ, ຊ້າລົງຈາກການເຕີບໂຕ 1.3% ໃນເດືອນກໍລະກົດ.

AMRO ປັບການຄາດຄະເນການເຕີບໂຕ GDP ສ ເກົາຫຼີ ຂຶ້ນເປັນ 3.3%

07/10/2026 10:29

ຂ່າວຕ່າງປະເທດລາຍງານໃນວັນທີ 6 ຕຸລາ ຜ່ານມາວ່າ: ຫ້ອງການຄົ້ນຄວ້າເສດຖະກິດມະຫາພາກອາຊຽນ+3 (AMRO) ໄດ້ປັບການຄາດຄະເນການເຕີບໂຕທາງເສດຖະກິດຂອງ ສ ເກົາຫຼີ ໃນປີ 2026 ຂຶ້ນເປັນ 3.3% ຈາກ 3.1% ແລະ ການຄາດຄະເນປີ 2027 ເປັນ 2.7% ຈາກ 2.2%, ພ້ອມທັງເຕືອນວ່າ ຄວາມຕ້ອງການ AI ທີ່ຊ້າລົງ ແລະ ວິກິດການຕາເວັນອອກກາງອາດຈະສ້າງຄວາມກົດດັນຕໍ່ການສົ່ງອອກ ແລະ ການລົງທຶນໃນພາກພື້ນ.

ນັກວິທະຍາສາດ 3 ທ່ານ ໄດ້ຮັບລາງວັນໂນແບລ ສາຂາການແພດ ປະຈຳປີ 2026

07/10/2026 10:28

ສຳນັກຂ່າວສານຊິນຮວາລາຍງານໃນວັນທີ 6 ຕຸລາ ຜ່ານມາວ່າ: ຄະນະກຳມະການໂນເບວຂອງສະຖາບັນຄາໂຣລິນສະກາ ປະເທດຊູແອດ ໄດ້ປະກາດວ່າ, ນັກວິທະຍາສາດ 3 ທ່ານຄື: ຄາລ ໄດເຊີຣອດ, ປີເຕີ ເຮເກມານ ແລະ ຈອດ ເນເກລ ໄດ້ຮັບລາງວັນໂນເບວສາຂາສະລີລະວິທະຍາ ຫຼື ການແພດ ຈາກຜົນງານການຄົ້ນພົບຊ່ອງໄອອອນທີ່ຄວບຄຸມດ້ວຍແສງ ແລະ ເຕັກໂນໂລຊີ optogenetics ຊຶ່ງເປັນເຕັກນິກທີ່ສະແດງໃຫ້ເຫັນວ່າຈຸລັງປະສາດມີບົດບາດໃນການສ້າງຄວາມຊົງຈຳ, ຄວາມຮູ້ສຶກ ແລະ ພຶດຕິກຳໃນສະໝອງຂອງສິ່ງທີ່ມີຊີວິດແນວໃດ.

ເພີ່ມເຕີມ