ຂ່າວລະບຸວ່າ: ໃນການຕ້ອນຮັບ, ທ່ານ ຟ້າມມິງຈິງ ຮັບຮູ້ ແລະ ຕີລາຄາສູງບົດບາດປະຈັນບານ, ມີປະສິດທິຜົນ ແລະ ຍຸດທະສາດຂອງອົງການລົງທຶນ ຫວຽດນາມ - ໂອມານ (VOI) ໃນຕະຫຼອດ 17 ກວ່າປີທີ່ເຄື່ອນໄຫວຢູ່ ຫວຽດນາມ, ສະເໜີວິໄສທັດຍາວໄກ, ຈິນຕະນາການລົງທຶນແບບຍືນຍົງ ແລະ ຄຳໝັ້ນສັນຍາຮ່ວມເດີນທາງພ້ອມກັບການພັດທະນາ ເສດຖະກິດ - ສັງຄົມຂອງ ຫວຽດນາມ.
ທ່ານ ຟ້າມມິງຈິງ ສະເໜີໃຫ້ ໂອມານ ເປີດກວ້າງ, ຍົກຂອບເຂດເງິນລົງທຶນ ຫວຽດນາມ - ໂອມານຂຶ້ນລະດັບ 1 ຕື້ໂດລາເພື່ອໜູນຊ່ວຍຄວາມຕ້ອງການລົງທຶນ ແລະ ພັດທະນາຂອງ ຫວຽດນາມ. ພ້ອມທັງເຂົ້າຮ່ວມການໜູນຊ່ວຍພັດທະນາເສດຖະກິດເອກະຊົນຂອງ ຫວຽດນາມ, ກໍຄືໃນຂົງເຂດກະສິກຳ, ອາຫານຂະແໜງ Halal.
ທ່ານ ເນສເຊີ ບິນ ຊຸລິມານ ອັລ ຮາທິ ຢັ້ງຢືນວ່າ: ໂອມານ ຖືເປັນສຳຄັນເລື່ອງເພີ່ມທະວີການຮ່ວມມືກັບ ຫວຽດນາມ, ພິເສດແມ່ນການຮ່ວມມືລົງທຶນ - ຂົງເຂດທີ່ມີກຳລັງບົ່ມຊ້ອນ ແລະ ແມ່ນຈຸດເດັ່ນໃນການລົງທຶນລະຫວ່າງສອງປະເທດໃນໄລຍະຜ່ານມາ. ທ່ານໃຫ້ຮູ້ກ່ຽວກັບການສ້າງຕັ້ງກອງທຶນການເຕີບໂຕໃນສັງກາດໃໝ່ ຂອງຫວຽດນາມ ດ້ວຍຈຳນວນທຶນໜ້ອຍສຸດ 200 ລ້ານໂດລາແລະ ຈະເປັນບຸລິມະສິດລົງທຶນເຂົ້າບັນດາຂົງເຂດທີ່ມີກຳລັງບົ່ມຊ້ອນຄື: ເຕັກໂນໂລຊີ, ໂທລະຄົມມະນາຄົມ, ການເງິນ, ກະສິກຳ halal ແລະການຫັນເປັນດີຈີຕອນ ຢູ່ຫວຽດນາມ.
ຄໍາເຫັນ