ແນວລາວສ້າງຊາດ ນວ ວາງກະຕ່າດອກໄມ້ຕໍ່ໜ້າຮູບປັ້ນຫຼໍ່ປະທານ ໄກສອນ ພົມວິຫານ

ໃນຕອນເຊົ້າວັນທີ 7 ເມສານີ້ ທີ່ສຳນັກງານສູນກາງພັກ, ຫ້ອງວ່າການສູນກາງພັກ (ຫສພ) ໄດ້ຈັດພິທີປະກາດການຈັດຕັ້ງ ແລະ ປະກາດພະນັກງານອອກພັກການ-ຮັບອຸດໜູນບຳນານ ໂດຍການເຂົ້າຮ່ວມເປັນປະທານຂອງສະຫາຍ ເພັດ ພົມພິພັກ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຫ້ອງວ່າການສູນກາງພັກ ຊຶ່ງມີບັນດາສະຫາຍຄະນະນຳຫ້ອງວ່າການສູນກາງພັກ, ຕາງໜ້າຈັດຕັ້ງສູນກາງພັກ, ອົງການອ້ອມຂ້າງຫ້ອງວ່າການສູນກາງພັກ, ພະນັກງານພາຍໃນຫ້ອງວ່າການສູນກາງພັກເຂົ້າຮ່ວມ.

ຫ້ອງວ່າການສໍານັກງານນາຍົກລັດຖະມົນຕີ ອອກແຈ້ງການໃນວັນທີ 3 ເມສາ ຜ່ານມາວ່າ: ປັດຈຸບັນ ສະພາບແວດລ້ອມພາກພື້ນ ແລະ ສາກົນ ຍັງສືບຕໍ່ຜັນແປໄປຢ່າງສັບສົນ ແລະ ສົ່ງຜົນກະທົບຢ່າງໜັກໜ່ວງຕໍ່ ເສດຖະກິດ-ການເງິນຂອງບັນດາປະເທດໃນໂລກ ເປັນຕົ້ນ ວິກິດການທາງພະລັງງານ ແລະ ຄວາມສ່ຽງຕໍ່ການ ຂາດແຄນນໍ້າມັນເຊື້ອໄຟ.

ທ່ານ ກິແກ້ວ ໄຂຄໍາພິທູນ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ(ສນຊ) ຜູ້ຊີ້ນໍາອົງການຈັດຕັ້ງມະຫາຊົນຂັ້ນສູນກາງ ພ້ອມດ້ວຍຄະນະ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ນາງ ອາລີ ວົງໜໍ່ບຸນທຳ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ(ສສຍລ) ພ້ອມຄະນະ ໃນວັນທີ 6 ເມສາຜ່ານມາ ທີ່ ສນຊ.

ກອງປະຊຸມຄະນະກຳມະການແຫ່ງຊາດ ເພື່ອການຄວບຄຸມຢາສູບຈັດຂຶ້ນໃນວັນທີ 3 ເມສາຜ່ານມາ ທີ່ນະຄອນຫຼວງວຽງຈັນ ໂດຍການເປັນປະທານຂອງທ່ານ ນາງ ໃບຄໍາ ຂັດທິຍະ ລັດຖະມົນຕີກະຊວງສາທາລະນະສຸກ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນວັນທີ 3 ເມສາຜ່ານມາ ທີ່ສະໂມສອນບ້ານຈັນສະຫວ່າງ ເມືອງສີໂຄດຕະບອງ ນະຄອນຫຼວງວຽງຈັນ, ກົມໃຫຍ່ການເມືອງກອງທັບ ໄດ້ນຳກຳລັງລົງຊຸກຍູ້ປະຊາຊົນຜູ້ໄດ້ຮັບຜົນກະທົບຈາກພາຍຸໜາກເຫັບໃນວັນທີ 22 ມີນາຜ່ານມາ ຊຶ່ງນໍາໂດຍສະຫາຍ ພັນໂທ ສຸກສົມບັດ ລັດທະຈັກ ຮອງຫ້ອງຄະນະຊີ້ນຳ ຕອບຕ້ານວຽກກອບກູ້ໄພພິບັດລະດູແລ້ງປະຈຳປີ 2026 ກົມໃຫຍ່ການເມືອງກອງທັບ ພ້ອມດ້ວຍກຳລັງອ້າຍນ້ອງລົງຊ່ວຍເຫຼືອປະຊາ ຊົນ.

ກະຊວງວັດທະນະທຳ ແລະ ການທ່ອງທ່ຽວ (ວທ) ໄດ້ຈັດກອງປະຊຸມສະຫຼຸບວຽກງານວັດທະນະທຳ ແລະ ການທ່ອງທ່ຽວ (ວທ) ທົ່ວປະເທດ ປະຈຳປີ 2025 ແລະ ທິດທາງປີ 2026 ຂຶ້ນໃນລະຫວ່າງວັນທີ 6-7 ເມສານີ້ ທີ່ນະຄອນຫຼວງວຽງຈັນ (ນວ) ໂດຍການເປັນປະທານຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ວທ, ມີຮອງລັດຖະມົນຕີ, ຮອງປະທານຄະນະກຳມະການປົກຄອງ ນວ ຜູ້ຊີ້ນໍາວຽກງານວັດທະນະທຳ-ສັງຄົມ, ມີອະດີດການນໍາກະຊວງ ວທ, ບັນດາຫົວໜ້າກົມ-ຮອງກົມ, ຫົວໜ້າພະແນກ ວທ ນວ, ມີບັນດາຮອງປະທານຄະນະກຳມະການປົກຄອງແຂວງ, ຜູ້ຊີ້ນຳວຽກງານ ວທ, ບັນດາທ່ານຫົວໜ້າພະແນກ ວທ ແຂວງກ່ຽວຂ້ອງເຂົ້າຮ່ວມແບບປົກກະຕິ ແລະ ອອນລາຍ.

ກອງປະຊຸມແນະນໍາໂຄງການສ້າງຄວາມເຂັ້ມແຂງໃຫ້ພະນັກງານອົງການກາແດງແຫ່ງຊາດລາວ ໃນການສົ່ງເສີມການປະຖົມພະຍາບານ ໃນສາທາລະນະ ແລະ ຊຸມຊົນ (2026-2028), ໂຄງການໄລຍະທີ 3, ໄດ້ຈັດຂຶ້ນໃນ ວັນທີ 6 ເມສານີ້ ໂດຍການເປັນ ປະທານ ຂອງ ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ, ມີຜູ້ຕາງໜ້າຫ້ອງການກາແດງແຂວງ, ນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ພົຈວ ຄອນສະຫວັນ ສົມພາໄຊ ກຳມະການສູນກາງພັກ ຮອງລັດຖະມົນຕີ ຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ (ປກສ) ໄດ້ຖະແຫຼງຂ່າວໃນໂອກາດວັນສ້າງຕັ້ງກຳລັງ ປກສ ຄົບຮອບ 65 ປີ ວ່າ: ວັນທີ 5 ເມສາ 1961 ແມ່ນວັນສ້າງຕັ້ງກໍາລັງ ປກສ ຊຶ່ງມາຮອດປີ 2026 ນີ້ ພໍດີຄົບຮອບ 65 ປີ ແຫ່ງການສ້າງຕັ້ງກໍາລັງ ປກສ ປະຊາຊົນ ໂດຍແມ່ນພັກປະຊາຊົນ ປະຕິວັດລາວ ເປັນຜູ້ກໍ່ຕັ້ງ-ນໍາພາຕາມຫຼັກການເດັດຂາດ, ໂດຍກົງ ແລະ ຮອບດ້ານ, ເປັນກໍາລັງປະກອບອາວຸດປະຕິວັດທີ່ແຫຼມຄົມຂອງພັກ, ມີຄວາມຈົງຮັກພັກດີ ແລະ ສັດຊື່ບໍລິສຸດຕໍ່ພັກ, ຕໍ່ລັດ, ຕໍ່ປະເທດຊາດ ແລະ ຕໍ່ປະຊາຊົນລາວບັນດາເຜົ່າ ທັງແມ່ນກໍາລັງທີ່ມາຈາກປະຊາຊົນ ໂດຍປະຊາຊົນ ແລະ ເພື່ອປະຊາຊົນຢ່າງແທ້ຈິງ.

ໃນວັນທີ 5 ເມສາ ຜ່ານມາ, ທ່ານ ພົທ ວັນທອງ ກອງມະນີ ຄະນະເລຂາທິການສູນກາງພັກ ລັດຖະມົນຕີ ກະຊວງປ້ອງກັນຄວາມສະຫງົບ (ປກສ) ພ້ອມຄະນະໄດ້ຕ້ອນຮັບການເຂົ້າພົບປະ ແລະ ອວຍພອນຂອງທ່ານ ວໍ ຈ໋ອງ ຮາຍ ຮອງເລຂາພັກແຂວງ ປະທານຄະນະກຳມະການປົກຄອງແຂວງເຫງະອານ ສສ ຫວຽດນາມ ພ້ອມຄະນະ ເນື່ອງໃນໂອກາດວັນສ້າງຕັ້ງກຳລັງ ປກສ ຄົບຮອບ 65 ປີ (5 ເມສາ 1961- 5 ເມສາ 2026) ແລະ ວັນບຸນປີໃໝ່ລາວທີ່ໃກ້ຈະມາເຖິງໃນມໍ່ໆນີ້.

................................... ກະຊວງແຮງງານ ແລະ ສະຫວັດດີການສັງຄົມ (ຮສສ) ຈັດພິທີປະກາດແຕ່ງຕັ້ງທ່ານ ຄຳໄຊ ເຊ່ຍຢິ້ງຢ່າງ ເປັນຮອງລັດຖະມົນຕີກະຊວງ ຮສສ ໃນວັນທີ 3 ເມສາຜ່ານມາ ທີ່ກະຊວງດັ່ງກ່າວ, ໂດຍການເປັນປະ ທານຂອງທ່ານ ໂພໄຊ ໄຊຍະສອນ ລັດຖະມົນຕີກະຊວງ ຮສສ; ມີບັນດາຮອງລັດຖະມົນຕີ, ຄະນະກົມ, ຄະນະພະແນກ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.