ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຮ່ວມກັບ ບໍລິສັດ ລາວພັດທະນາສິນ ຈຳກັດ ໄດ້ຈັດງານວາງສະແດງແລກປ່ຽນສີລະປະວັດທະນະທຳລາວ-ຈີນ-ໄທ ຂຶ້ນໃນວັນທີ 16 ມັງກອນ ນີ້ ທີ່ຫໍວັດທະນະທໍາແຫ່ງຊາດ, ໂດຍມີທ່ານປ້າ ນາລີ ສີສຸລິດ ພັນລະຍາຂອງທ່ານປະທານປະເທດແຫ່ງ ສປປ ລາວ, ມີທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ), ມີທ່ານເອກອັກຄະລັດຖະທູດ ສປ ຈີນ, ທ່ານທູດຣາຊະອານາຈັກໄທ ປະຈຳລາວ ແລະ ບັນດາທູຕານຸທູດ, ພັນລະຍາການນໍາພ້ອມດວຍແຂກຖືກເຊີນເຂົ້າຮ່ວມ.
ທ່ານ ວັນສີ ກົວມົວ ຮອງລັດຖະມົນຕີ ກະຊວງ ຖວທ ກ່າວວ່າ: ການຈັດງານວາງສະແດງຜົນງານສີລະປະວິຈິດຕະກຳຂອງບັນດານັກສິນລະປິນລະດັບຊາດຂອງສາມປະ
ເທດຄື: ສປປ ລາວ, ສປ ຈີນ ແລະ ຣາຊະອານາຈັກໄທ, ແມ່ນເປັນຄັ້ງທຳອິດທີ່ໄດ້ຈັດຂຶ້ນຢູ່ ສປປ ລາວ ຊຶ່ງເປັນຂີດໝາຍທີ່ສຳຄັນຕໍ່ການອະນຸລັກ ແລະ ການພັດທະນາມູນມໍລະດົກທາງດ້ານວິຈິດຕະກຳ ຂອງນັກສິລະປິນຂອງລາວ ທັງເປັນການແລກປ່ຽນບົດຮຽນອັນລ້ຳຄ່າ ກ່ຽວກັບການສ້າງສັນຜົນງານ, ວິທີການຮັກສາ ແລະ ພັດທະນາຮູບແຕ້ມວິຈິດຕະກຳ ຈາກບັນດານັກສິນລະປິນລະດັບຊາດ ຂອງ ຈີນ ແລະໄທ. ພ້ອມນັ້ນ, ຍັງເປັນການກະຕຸກຊຸກຍູ້ອຸດສາຫະກຳການທ່ອງທ່ຽວທາງວັດທະນະທຳທີ່ມີມູນຄ່າຍອດຍິ່ງ ເພື່ອດຶງດູດການລົງທຶນ, ການຮ່ວມມືສາກົນເຂົ້າໃນການພັດທະນາສີມື ຂອງນັກສິນລະປິນລາວ ແລະ ເປັນການປະກອບສ່ວນອັນສຳຄັນໃຫ້ແກ່ການຫຼຸດຜ່ອນຄວາມທຸກຍາກໃຫ້ແກ່ປະຊາຊົນນັບມື້ນັບດີຂຶ້ນທີ່ເປັນນະໂຍບາຍຂອງພັກ ແລະ ລັດຖະບານ ແຫ່ງ ສປປ ລາວ.
ໃນໂອກາດນີ້, ທ່ານ ພະຂັນໄຊ ສີຄັນໄຊ ຫົວໜ້າກົມມໍລະດົກກະຊວງ ຖວທ ໄດ້ກ່າວວ່າ: ງານວາງສະແດງສີລະປະແລກປ່ຽນວັດທະນະຂອງ3 ປະເທດ ໃນຄັ້ງນີ້, ໄດ້ມີການຈັດວາງສະແດງຜົນງານທາງດ້ານວິຈິດສິນ ຂອງບັນດານັກສິນລະປິນລະດັບຊາດ ທີ່ມີຊື່ສຽງຈາກ ສປປ ລາວ, ສປ ຈີນ ແລະ ຣາຊະອານາຈັກໄທ ຊຶ່ງເປັນນິມິດໝາຍໃໝ່ທີ່ສຳຄັນໃນວຽກງານວິຈິດສິນຂອງ ສປປ ລາວ ໂດຍມີຈຸດປະສົງເພື່ອເປັນການເຜີຍແຜ່ ແລກປ່ຽນບົດຮຽນ ແລະ ປະສົບການ ຊຶ່ງກັນ ແລະ ກັນ ຂອງບັນດານັກສິນລະປິນ, ໃນການອະນຸລັກ, ຮັກສາ ແລະ ສົ່ງເສີມ ຜົນງານທາງດ້ານວິຈິດສິນ ໃຫ້ມີຄຸນຄ່າສູງຍິ່ງຂຶ້ນໄປຕາມການເວລາ. ໄປຄຽງຄູ່ກັບການຈັດວາງສະແດງຜົນງານທາງດ້ານວິຈິດສິນ ແລະ ຍັງໄດ້ມີການຈັດການປະມູນຜົນງານຂອງບັນດານັກສິນລະປິນລະດັບຊາດ ທີ່ມີຊື່ສຽງດັ່ງກ່າວອີກດ້ວຍ.
ງານວາງສະແດງຈະໄດ້ດຳເນີນໄປເປັນເວລາ 3 ວັນ ຄື: ນັບແຕ່ວັນທີ 15 ຫາ ວັນທີ 17 ມັງກອນ 2024 ໂດຍມີນັກສິນລະປິນຈາກ ສປປ ລາວ 24 ທ່ານ ສົ່ງຜົນງານຮູບແຕ້ມເຂົ້າຮ່ວມຈໍານວນ 61 ຮູບ; ນັກສິນລະປິນຈາກ ສປ ຈີນ 9 ທ່ານ, ໄດ້ສົ່ງຜົນງານຮູບແຕ້ມເຂົ້າຮ່ວມຈໍານວນ 117 ຮູບ ແລະ ນັກສິນລະປິນຈາກ ຣາຊະອານາຈັກໄທ 13 ທ່ານ ສົ່ງຜົນງານຮູບແຕ້ມເຂົ້າຮ່ວມຈໍານວນ 50 ຮູບ ແລະ ບັນດາຮູບພາບທີ່ນໍາມາວາງສະແດງແມ່ນລ້ວນແຕ່ສ່ອງແສງໃຫ້ເຫັນຄວາມສວຍສົດງົດງາມຂອງທຳມະຊາດ, ວິຖີການດຳລົງຊີວິດ, ສັດໃນຕຳນານ, ຮູບຄົນ ແລະ ແຫຼ່ງມໍລະດົກສະຖານຕ່າງໆ, ທັງເປັນບາດກ້າວທີ່ສໍາຄັນໃນການປະກອບສ່ວນສ້າງສາຍພົວພັນ ແລະ ການຮ່ວມມືທີ່ດີໃນການສົ່ງເສີມ ແລະ ພັດທະນາວຽກງານວິຈິດສິນ ຂອງ ສປປ ລາວ ໃຫ້ມີຄວາມກ້າວໜ້າ ແລະ ທຽບທັນກັບສາກົນ ທັງເປັນການປູກຈິດສໍານຶກໃຫ້ແກ່ສັງຄົມ ແລະ ອະນຸຊົນຄົນຮຸ່ນໃໝ່ ຂອງ ສປປ ລາວໃຫ້ມີຄວາມມັກ-ຮັກ ຕໍ່ກັບວຽກງານວິຈິດສິນຫຼາຍຂຶ້ນກວ່າເກົ່າ.
(ຂ່າວ: ບຸນອູ້ມ, ພາບ ວັນເພັງ)
ທ່ານ ວັນສີ ກົວມົວ ຮອງລັດຖະມົນຕີ ກະຊວງ ຖວທ ກ່າວວ່າ: ການຈັດງານວາງສະແດງຜົນງານສີລະປະວິຈິດຕະກຳຂອງບັນດານັກສິນລະປິນລະດັບຊາດຂອງສາມປະ
ເທດຄື: ສປປ ລາວ, ສປ ຈີນ ແລະ ຣາຊະອານາຈັກໄທ, ແມ່ນເປັນຄັ້ງທຳອິດທີ່ໄດ້ຈັດຂຶ້ນຢູ່ ສປປ ລາວ ຊຶ່ງເປັນຂີດໝາຍທີ່ສຳຄັນຕໍ່ການອະນຸລັກ ແລະ ການພັດທະນາມູນມໍລະດົກທາງດ້ານວິຈິດຕະກຳ ຂອງນັກສິລະປິນຂອງລາວ ທັງເປັນການແລກປ່ຽນບົດຮຽນອັນລ້ຳຄ່າ ກ່ຽວກັບການສ້າງສັນຜົນງານ, ວິທີການຮັກສາ ແລະ ພັດທະນາຮູບແຕ້ມວິຈິດຕະກຳ ຈາກບັນດານັກສິນລະປິນລະດັບຊາດ ຂອງ ຈີນ ແລະໄທ. ພ້ອມນັ້ນ, ຍັງເປັນການກະຕຸກຊຸກຍູ້ອຸດສາຫະກຳການທ່ອງທ່ຽວທາງວັດທະນະທຳທີ່ມີມູນຄ່າຍອດຍິ່ງ ເພື່ອດຶງດູດການລົງທຶນ, ການຮ່ວມມືສາກົນເຂົ້າໃນການພັດທະນາສີມື ຂອງນັກສິນລະປິນລາວ ແລະ ເປັນການປະກອບສ່ວນອັນສຳຄັນໃຫ້ແກ່ການຫຼຸດຜ່ອນຄວາມທຸກຍາກໃຫ້ແກ່ປະຊາຊົນນັບມື້ນັບດີຂຶ້ນທີ່ເປັນນະໂຍບາຍຂອງພັກ ແລະ ລັດຖະບານ ແຫ່ງ ສປປ ລາວ.
ໃນໂອກາດນີ້, ທ່ານ ພະຂັນໄຊ ສີຄັນໄຊ ຫົວໜ້າກົມມໍລະດົກກະຊວງ ຖວທ ໄດ້ກ່າວວ່າ: ງານວາງສະແດງສີລະປະແລກປ່ຽນວັດທະນະຂອງ3 ປະເທດ ໃນຄັ້ງນີ້, ໄດ້ມີການຈັດວາງສະແດງຜົນງານທາງດ້ານວິຈິດສິນ ຂອງບັນດານັກສິນລະປິນລະດັບຊາດ ທີ່ມີຊື່ສຽງຈາກ ສປປ ລາວ, ສປ ຈີນ ແລະ ຣາຊະອານາຈັກໄທ ຊຶ່ງເປັນນິມິດໝາຍໃໝ່ທີ່ສຳຄັນໃນວຽກງານວິຈິດສິນຂອງ ສປປ ລາວ ໂດຍມີຈຸດປະສົງເພື່ອເປັນການເຜີຍແຜ່ ແລກປ່ຽນບົດຮຽນ ແລະ ປະສົບການ ຊຶ່ງກັນ ແລະ ກັນ ຂອງບັນດານັກສິນລະປິນ, ໃນການອະນຸລັກ, ຮັກສາ ແລະ ສົ່ງເສີມ ຜົນງານທາງດ້ານວິຈິດສິນ ໃຫ້ມີຄຸນຄ່າສູງຍິ່ງຂຶ້ນໄປຕາມການເວລາ. ໄປຄຽງຄູ່ກັບການຈັດວາງສະແດງຜົນງານທາງດ້ານວິຈິດສິນ ແລະ ຍັງໄດ້ມີການຈັດການປະມູນຜົນງານຂອງບັນດານັກສິນລະປິນລະດັບຊາດ ທີ່ມີຊື່ສຽງດັ່ງກ່າວອີກດ້ວຍ.
ງານວາງສະແດງຈະໄດ້ດຳເນີນໄປເປັນເວລາ 3 ວັນ ຄື: ນັບແຕ່ວັນທີ 15 ຫາ ວັນທີ 17 ມັງກອນ 2024 ໂດຍມີນັກສິນລະປິນຈາກ ສປປ ລາວ 24 ທ່ານ ສົ່ງຜົນງານຮູບແຕ້ມເຂົ້າຮ່ວມຈໍານວນ 61 ຮູບ; ນັກສິນລະປິນຈາກ ສປ ຈີນ 9 ທ່ານ, ໄດ້ສົ່ງຜົນງານຮູບແຕ້ມເຂົ້າຮ່ວມຈໍານວນ 117 ຮູບ ແລະ ນັກສິນລະປິນຈາກ ຣາຊະອານາຈັກໄທ 13 ທ່ານ ສົ່ງຜົນງານຮູບແຕ້ມເຂົ້າຮ່ວມຈໍານວນ 50 ຮູບ ແລະ ບັນດາຮູບພາບທີ່ນໍາມາວາງສະແດງແມ່ນລ້ວນແຕ່ສ່ອງແສງໃຫ້ເຫັນຄວາມສວຍສົດງົດງາມຂອງທຳມະຊາດ, ວິຖີການດຳລົງຊີວິດ, ສັດໃນຕຳນານ, ຮູບຄົນ ແລະ ແຫຼ່ງມໍລະດົກສະຖານຕ່າງໆ, ທັງເປັນບາດກ້າວທີ່ສໍາຄັນໃນການປະກອບສ່ວນສ້າງສາຍພົວພັນ ແລະ ການຮ່ວມມືທີ່ດີໃນການສົ່ງເສີມ ແລະ ພັດທະນາວຽກງານວິຈິດສິນ ຂອງ ສປປ ລາວ ໃຫ້ມີຄວາມກ້າວໜ້າ ແລະ ທຽບທັນກັບສາກົນ ທັງເປັນການປູກຈິດສໍານຶກໃຫ້ແກ່ສັງຄົມ ແລະ ອະນຸຊົນຄົນຮຸ່ນໃໝ່ ຂອງ ສປປ ລາວໃຫ້ມີຄວາມມັກ-ຮັກ ຕໍ່ກັບວຽກງານວິຈິດສິນຫຼາຍຂຶ້ນກວ່າເກົ່າ.
(ຂ່າວ: ບຸນອູ້ມ, ພາບ ວັນເພັງ)
ຄໍາເຫັນ