ໂດຍ: ວັນເພັງ
ງານວາງສະແດງສິນຄ້າ ໃນບຸນອອກພັນສາປະວໍລະນາ ປະຈໍາປີ 2023 ທີ່ຈັດຂຶ້ນ ໃນລະຫວ່າງວັນທີ 28-30 ຕຸລານີ້, ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ເຫັນວ່າ ມີຫຼາຍຫ້າງຮ້ານ ແລະ ບໍລິສັດທັງພາກລັດ ແລະ ເອກະຊົນ ໄດ້ນຳເອົາສິນຄ້າຕ່າງໆຂອງຕົນມາວາງຈຳໜ່າຍໃນງານບຸນ ແລະ ເຫັນວ່າ ການຈັດວາງສະແດງສິນຄ້າ ໃນງານບຸນດັ່ງກ່າວ ແມ່ນມີຄວາມເປັນລະບຽບຮຽບຮ້ອຍສວຍງາມ. ສະນັ້ນ, ເຊີນມວນຊົນລາວທັງພາຍໃນ ແລະ ຕ່າງປະເທດເຂົ້າໄປທ່ຽວຊົມ ແລະ ຈັບຈ່າຍຊື້ສິນຄ້າຕ່າງໆ.
ໃນການຈັດວາງສະແດງສິນຄ້າ ໃນບຸນອອກພັນສາປະວໍລະນາປີນີ້ ຄະນະກຳມະການຈັດງານບຸນ ໄດ້ມອບໃຫ້ ບໍລິສັດຟູຈິວະລິ ຮ່ວມກັບ ບໍລິສັດດາວເຮືອງ ເປັນຜູ້ສຳປະທານຈັດງານວາງສະແດງ ແລະ ຂາຍສິນຄ້າຕ່າງໆ ຊຶ່ງບໍລິສັດ ໄດ້ມີຄວາມເອົາໃຈໃສ່ເປັນພິເສດເປັນຕົ້ນ ປະດັບປະດາ, ຕົບແຕ່ງ, ຈັດສັນຄວາມເປັນລະບຽບຮຽບຮ້ອຍ ທັງໄດ້ກຳນົດ ຈັດສັນເຂດວາງສະແດງສິນຄ້າປະເພດຕ່າງໆ ເຊັ່ນ: ສິນຄ້າຕົວແບບໜຶ່ງເມືອງ ໜຶ່ງຜະລິດຕະພັນ, ສິນຄ້າກະສິກຳ, ຫັດຫະກຳ ແລະ ສິນຄ້າອື່ນໆ ໃຫ້ມີຄວາມເປັນລະບຽບ ແລະ ຮັກສາໄດ້ຄວາມສະອາດງາມຕາ.
ຜູ້ສຳປະທານຈັດງານ ບຸນໄດ້ເປີດເຜີຍວ່າ: ຄະນະກຳມະການຈັດງານ ກໍຄື ບໍລິສັດ ໄດ້ກຳນົດ ແລະ ຈັດແບ່ງເປັນຈຸດຂາຍເຄື່ອງແຕ່ລະປະເພດ ເປັນຕົ້ນ ຈຸດຂາຍເຄື່ອງອຸປະໂພກ-ບໍລິໂພກ ໂດຍສະເພາະສິນຄ້າໂອດອບ, ສິນຄ້າຕົວແບບ, ສິນຄ້າກະສິກຳ, ຫັດຖະກຳ, ອາຫານ-ເຄື່ອງດື່ມ ແລະ ອື່ນໆ. ພ້ອມທັງຕົບແຕ່ງເຂດອະນຸລັກວັດທະນະທຳ, ເຂດທີ່ມີຄວາມໝາຍສຳຄັນໃນຕຳນານຜ່ານມາ ໂດຍສະ ເພາະເຂດໜອງບົວ ຂ້າງສວນເຈົ້າອານຸວົງ ແລະ ຕົບແຕ່ງປະຕູໂຂງທາງເຂົ້າຫາງານ ດ້ວຍໄມ້ໄຜ່ ທີ່ເປັນເອກະລັກສະເພາະ, ຕົບແຕ່ງໂຄມໄຟ ແລະ ອື່ນໆ ໃຫ້ມີຄວາມສວຍງາມ ສ່ອງແສງເຖິງຮີດຄອງປະເພນີ, ວັດທະນະທຳ ອັນດີງາມ ຂອງຊາດລາວເຮົາ. ພ້ອມນັ້ນ, ຍັງໄດ້ ກະກຽມສະຖານທີ່ໄຫຼເຮືອໄຟ, ຕົບແຕ່ງໂຄມໄຟ ຢູ່ໜອງນ້ຳ, ຈຸດຖ່າຍຮູບ, ຈຸດນັ່ງຫຼິ້ນ ແລະ ຈັດໃຫ້ມີເຮືອໄຟພະຍານາກ, ຕົບແຕ່ງກະໂທງໃຫຍ່ ໃຫ້ເປັນສັນຍາລັກບຸນອອກພັນສາ.
ຜູ້ສໍາປະທານຈັດງານ ຍັງໄດ້ອອກກົດລະບຽບ ຢ່າງເຂັ້ມງວດ ຊາວຄ້າຂາຍທີ່ຈະນໍາເອົາສິນຄ້າຂອງຕົນ ເຂົ້າມາວາງສະແດງ ຕ້ອງເປັນເຈົ້າການຮັກສາຄວາມສະອາດ ຮ່ວມກັນ ເກັບມ້ຽນສິ່ງເສດເຫຼືອຂອງຕົນເອງ ເປັນປະຈຳ ເພື່ອບໍ່ໃຫ້ມີຂີ້ເຫຍື້ອຕົກຄ້າງ ແລະ ຖີ້ມຊະຊາຍ. ພ້ອມນັ້ນ, ຍັງໄດ້ວາງກະຕາຂີ້ເຫຍື້ອຢູ່ແຕ່ລະຈຸດ ໄວ້ໃຫ້ບໍລິການແກ່ມວນຊົນ ທັງນີ້ກໍເພື່ອຮອງຮັບນັກທ່ອງທ່ຽວ ທັງພາຍໃນ ແລະ ຕ່າງປະເທດ ທີ່ຈະເຂົ້າມາທ່ຽວງານບຸນອອກພັນສາປີນີ້ ໃຫ້ມີບັນຍາກາດອັນຄຶກຄື້ນມ່ວນຊື່ນ ຮັກສາໄດ້ຄວາມສະອາດ, ສວຍງາມ ແລະ ຄວາມເປັນລະບຽບຮຽບຮ້ອຍ. (ຂໍ້ມູນ: ຂ່າວສານປະເທດລາວ)
ງານວາງສະແດງສິນຄ້າ ໃນບຸນອອກພັນສາປະວໍລະນາ ປະຈໍາປີ 2023 ທີ່ຈັດຂຶ້ນ ໃນລະຫວ່າງວັນທີ 28-30 ຕຸລານີ້, ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ເຫັນວ່າ ມີຫຼາຍຫ້າງຮ້ານ ແລະ ບໍລິສັດທັງພາກລັດ ແລະ ເອກະຊົນ ໄດ້ນຳເອົາສິນຄ້າຕ່າງໆຂອງຕົນມາວາງຈຳໜ່າຍໃນງານບຸນ ແລະ ເຫັນວ່າ ການຈັດວາງສະແດງສິນຄ້າ ໃນງານບຸນດັ່ງກ່າວ ແມ່ນມີຄວາມເປັນລະບຽບຮຽບຮ້ອຍສວຍງາມ. ສະນັ້ນ, ເຊີນມວນຊົນລາວທັງພາຍໃນ ແລະ ຕ່າງປະເທດເຂົ້າໄປທ່ຽວຊົມ ແລະ ຈັບຈ່າຍຊື້ສິນຄ້າຕ່າງໆ.
ໃນການຈັດວາງສະແດງສິນຄ້າ ໃນບຸນອອກພັນສາປະວໍລະນາປີນີ້ ຄະນະກຳມະການຈັດງານບຸນ ໄດ້ມອບໃຫ້ ບໍລິສັດຟູຈິວະລິ ຮ່ວມກັບ ບໍລິສັດດາວເຮືອງ ເປັນຜູ້ສຳປະທານຈັດງານວາງສະແດງ ແລະ ຂາຍສິນຄ້າຕ່າງໆ ຊຶ່ງບໍລິສັດ ໄດ້ມີຄວາມເອົາໃຈໃສ່ເປັນພິເສດເປັນຕົ້ນ ປະດັບປະດາ, ຕົບແຕ່ງ, ຈັດສັນຄວາມເປັນລະບຽບຮຽບຮ້ອຍ ທັງໄດ້ກຳນົດ ຈັດສັນເຂດວາງສະແດງສິນຄ້າປະເພດຕ່າງໆ ເຊັ່ນ: ສິນຄ້າຕົວແບບໜຶ່ງເມືອງ ໜຶ່ງຜະລິດຕະພັນ, ສິນຄ້າກະສິກຳ, ຫັດຫະກຳ ແລະ ສິນຄ້າອື່ນໆ ໃຫ້ມີຄວາມເປັນລະບຽບ ແລະ ຮັກສາໄດ້ຄວາມສະອາດງາມຕາ.
ຜູ້ສຳປະທານຈັດງານ ບຸນໄດ້ເປີດເຜີຍວ່າ: ຄະນະກຳມະການຈັດງານ ກໍຄື ບໍລິສັດ ໄດ້ກຳນົດ ແລະ ຈັດແບ່ງເປັນຈຸດຂາຍເຄື່ອງແຕ່ລະປະເພດ ເປັນຕົ້ນ ຈຸດຂາຍເຄື່ອງອຸປະໂພກ-ບໍລິໂພກ ໂດຍສະເພາະສິນຄ້າໂອດອບ, ສິນຄ້າຕົວແບບ, ສິນຄ້າກະສິກຳ, ຫັດຖະກຳ, ອາຫານ-ເຄື່ອງດື່ມ ແລະ ອື່ນໆ. ພ້ອມທັງຕົບແຕ່ງເຂດອະນຸລັກວັດທະນະທຳ, ເຂດທີ່ມີຄວາມໝາຍສຳຄັນໃນຕຳນານຜ່ານມາ ໂດຍສະ ເພາະເຂດໜອງບົວ ຂ້າງສວນເຈົ້າອານຸວົງ ແລະ ຕົບແຕ່ງປະຕູໂຂງທາງເຂົ້າຫາງານ ດ້ວຍໄມ້ໄຜ່ ທີ່ເປັນເອກະລັກສະເພາະ, ຕົບແຕ່ງໂຄມໄຟ ແລະ ອື່ນໆ ໃຫ້ມີຄວາມສວຍງາມ ສ່ອງແສງເຖິງຮີດຄອງປະເພນີ, ວັດທະນະທຳ ອັນດີງາມ ຂອງຊາດລາວເຮົາ. ພ້ອມນັ້ນ, ຍັງໄດ້ ກະກຽມສະຖານທີ່ໄຫຼເຮືອໄຟ, ຕົບແຕ່ງໂຄມໄຟ ຢູ່ໜອງນ້ຳ, ຈຸດຖ່າຍຮູບ, ຈຸດນັ່ງຫຼິ້ນ ແລະ ຈັດໃຫ້ມີເຮືອໄຟພະຍານາກ, ຕົບແຕ່ງກະໂທງໃຫຍ່ ໃຫ້ເປັນສັນຍາລັກບຸນອອກພັນສາ.
ຜູ້ສໍາປະທານຈັດງານ ຍັງໄດ້ອອກກົດລະບຽບ ຢ່າງເຂັ້ມງວດ ຊາວຄ້າຂາຍທີ່ຈະນໍາເອົາສິນຄ້າຂອງຕົນ ເຂົ້າມາວາງສະແດງ ຕ້ອງເປັນເຈົ້າການຮັກສາຄວາມສະອາດ ຮ່ວມກັນ ເກັບມ້ຽນສິ່ງເສດເຫຼືອຂອງຕົນເອງ ເປັນປະຈຳ ເພື່ອບໍ່ໃຫ້ມີຂີ້ເຫຍື້ອຕົກຄ້າງ ແລະ ຖີ້ມຊະຊາຍ. ພ້ອມນັ້ນ, ຍັງໄດ້ວາງກະຕາຂີ້ເຫຍື້ອຢູ່ແຕ່ລະຈຸດ ໄວ້ໃຫ້ບໍລິການແກ່ມວນຊົນ ທັງນີ້ກໍເພື່ອຮອງຮັບນັກທ່ອງທ່ຽວ ທັງພາຍໃນ ແລະ ຕ່າງປະເທດ ທີ່ຈະເຂົ້າມາທ່ຽວງານບຸນອອກພັນສາປີນີ້ ໃຫ້ມີບັນຍາກາດອັນຄຶກຄື້ນມ່ວນຊື່ນ ຮັກສາໄດ້ຄວາມສະອາດ, ສວຍງາມ ແລະ ຄວາມເປັນລະບຽບຮຽບຮ້ອຍ. (ຂໍ້ມູນ: ຂ່າວສານປະເທດລາວ)
ຄໍາເຫັນ