ໂດຍການເຂົ້າຮ່ວມຂອງທ່ານ ຄໍາຫຼ້າ ຜິວວັນນາ ຫົວໜ້າຫ້ອງວ່າການແຂວງໄຊຍະບູລີ, ທ່ານ ເສນ ພັນລັກ ວ່າການເຈົ້າເມືອງໄຊຍະບູລີ, ມີແຂກຖືກເຊີນ ຕະຫຼອດຮອດພໍ່ແມ່ປະຊາຊົນເຂົ້າຮ່ວມຢ່າງຫຼວງຫຼາຍ.
ໃນພິທີ ທ່ານ ນາງ ວິລາວັນ ອົງແກ້ວ ຮອງເຈົ້າເມືອງ ປະທານຈັດງານບຸນ ໄດ້ກ່າວວ່າ: ການຈັດງານປະກວດນາງສາວງາມທິດາເຮືອຊ່ວງໃນຄັ້ງນີ້ ເປັນກິດຈະກຳໜຶ່ງໃນງານບຸນອອກພັນສາປະວໍລະນາ ແລະ ບຸນຊ່ວງເຮືອປະຈຳປີ ພສ 2567 ຄສ 2024 ໃຫ້ມີບັນຍາກາດເບີກບານມ່ວນຊື່ນຢ່າງເປັນຂະບວນການຟົດຟື້ນ, ເປັນການຊຸກຍູ້ສົ່ງເສີມວັດທະນະທໍາ ຊຶ່ງສະແດງອອກໃນການນຸ່ງຖື, ວາຈາ, ກິລິຍາມາລະຍາດ, ຍິ້ມແຍ້ມແຈ່ມໃສ, ນໍ້າໃຈດີ ທີ່ເປັນເອກະລັກວັດທະນະທໍາອັນດີງາມຂອງຄົນລາວ.
ການປະກວດນາງສາວງາມທິດາເຮືອຊ່ວງປະຈໍາປີ ພສ 2567 ຄສ 2024 ນີ້, ມີຜູ້ເຂົ້າຮ່ວມປະກວດຈໍານວນ 20 ນ້ອງ ທີ່ເປັນຕົວແທນມາຈາກບ້ານຕ່າງໆພາຍໃນເມືອງດັ່ງກ່າວ. ຜ່ານການປະກວດທີ 1 ໄດ້ແກ່ ນາງສາວ ເພັດໄພລິນ ຄໍາມູນທາ ຕົວແທນຈາກບ້ານ ສີເມືອງ ໄດ້ຮັບມຸງກຸດປະຈໍາຕໍາແໜ່ງ ເງິນສົດ 6 ລ້ານກີບ ພ້ອມດ້ວຍສາຍສະພາຍ ແລະ ຍັງໄດ້ຮັບລາງວັນນາງສາວຂວັນໃຈຊ່າງພາບ, ທີ 2 ນາງສາວ ເພັດເກສອນ ເກດຕາໄຊ ຕົວແທນຈາກບ້ານປົ່ງ ໄດ້ຮັບມຸງກຸດປະຈໍາຕໍາແໜ່ງ ພ້ອມດ້ວຍສາຍສະພາ ແລະ ເງິນສົດ 5 ລ້ານກີບ, ທີ 3 ນາງສາວ ນໍ້າຝົນ ໂພທິລັກ ຕົວແທນຈາກບ້ານນາເລົາ ໄດ້ຮັບມຸງກຸດພ້ອມດ້ວຍສາຍສະພາຍ ແລະ ເງິນສົດ 4 ລ້ານກີບ. ໃຫ້ກຽດມອບມຸງກຸດ, ສາຍສະພາຍ ແລະ ເງິນສົດ ໂດຍແມ່ນທ່ານ ຄໍາຫຼ້າ ຜິວວັນນາ, ທ່ານ ເສນ ພັນລັກ ແລະ ບັນດາທ່ານຫົວໜ້າພະແນກການ, ອົງການ ກໍ່ໄດ້ຜັດປ່ຽນກັນມອບແຕ່ລະລາງວັນ
(ຂ່າວ+ພາບ: ຄໍາໝັ້ນ)
ຄໍາເຫັນ