ບັນລຸເປົ້າໝາຍ 2.0% ຂອງທະນາຄານກາງຍີ່ປຸ່ນ ແລະ ຄ່າກາງທີ່ຕະຫຼາດຄາດການໄວ້ ເປັນສັນຍານຂອງຄວາມກ້າວໜ້າທາງເສດຖະກິດທີ່ເໝາະແກ່ການຂຶ້ນອັດຕາດອກເບ້ຍໃນອະນາຄົດ.
ຂ່າວລະບຸວ່າ: ບັນດານັກວິເຄາະກ່າວວ່າ, ຄວາມບໍ່ແນ່ນອນດ້ານເສດຖະກິດ ແລະ ການເມືອງໃນຕ່າງປະເທດ ອາດເຮັດໃຫ້ທະນາຄານກາງຍີ່ປຸ່ນຢຶດໝັ້ນໃນຈຸດຢືນເກົ່າ ແຕ່ດ້ວຍໂຕເລກເງິນເຟີ້ທີ່ໝັ້ນຄົງຈະຍັງເຮັດໃຫ້ຕະຫຼາດຄາດຄະເນວ່າຈະມີການຂຶ້ນອັດຕາດອກເບ້ຍອີກຄັ້ງໃນເດືອນທັນວາ ຫຼື ພາຍໃນຕົ້ນປີ 2025.
ອັດຕາເງິນເຟີ້ໃນເດືອນກັນຍາ ຫຼຸດລົງມາຈາກອັດຕາ 2.4% ໃນເດືອນສິງຫາ ຊຶ່ງສ່ວນໃຫຍ່ເປັນຜົນຈາກເງິນອຸດໜູນຂອງພາກລັດເພື່ອຊ່ວຍຫຼຸດຄ່າເຄື່ອງອຸປະໂພກ ແລະ ບໍລິໂພກ. ດັ່ງນັ້ນ, ໂຕເລກອັດຕາເງິນເຟີ້ພື້ນຖານໃນ ນະຄອນຫຼວງໂຕກຽວ ຖືກໃຊ້ເປັນຕົວຊີ້ວັດຫຼັກດ້ານລາຄາຂອງປະເທດ.
ອີກໜຶ່ງດັດຊະນີທີ່ບໍ່ນັບລວມຜົນຂອງຕົ້ນທຶນດ້ານອາຫານ ແລະ ພະລັງງານ ຊຶ່ງເປັນຕົວຊີ້ວັດດ້ານລາຄາທີ່ຖືກຕິດຕາມຢ່າງໃກ້ຊິດໂດຍທະນາຄານກາງຍີ່ປຸ່ນ ໃນເດືອນກັນຍາເພີ່ມຂຶ້ນ 1.6% ຈາກປີກ່ອນ ເພີ່ມຂຶ້ນໃນອັດຕາເທົ່າກັນກັບເດືອນສິງຫາ.
ດັດຊະນີລາຄາບໍລິການ ເພີ່ມຂຶ້ນ 1.2% ໄດ້ຫຼຸດລົງຈາກອັດຕາຂອງເດືອນສິງຫາ ທີ່ເພີ່ມຂຶ້ນ 1.3% ຊີ້ໃຫ້ເຫັນວ່າຫຼາຍບໍລິສັດກຳລັງສົ່ງຕໍ່ຕົ້ນທຶນຈາກຄ່າຈ້າງທີ່ເພີ່ມຂຶ້ນໄປສູ່ຜູ້ໃຊ້ບໍລິການ ຕາມທີ່ທະນາຄານກາງຍີ່ປຸ່ນຄາດຄະເນໄວ້.
ຄໍາເຫັນ