ຂອງສະພາແຫ່ງຊາດ ຊຸດທີ IX, ບ່ອນອີງໃນການສ້າງຕັ້ງຕາແສງຈຶ່ງມີທັງລັດຖະທຳມະນູນ, ມີກົດໝາຍການປົກຄອງທ້ອງຖິ່ນສະບັບປັບປຸງ, ມີທັງມະຕິຂອງສູນກາງພັກ, ແຈ້ງການຂອງລັດຖະບານ ແລະ ຂອງຄະນະປະຈໍາພັກ, ອົງການປົກຄອງນວ ໃຫ້ທົດລອງສ້າງຕັ້ງຕາແສງທໍາອິດຂອງ ນວ ແລະ ຂອງປະເທດຢູ່ເມືອງໄຊທານີ.
ມາຮອດປັດຈຸບັນ, ສຳເລັດການຂຽນບົດວິພາກເສດຖະກິດ-ສັງຄົມຂອງຕາແສງ, ສໍາເລັດການກຳນົດຂອບເຂດພື້ນທີ່ຂອງຕາແສງ, ສຳເລັດການສໍາຫຼວດເຂດແດນເຊື່ອມຕໍ່ລະຫວ່າງບ້ານຕໍ່ບ້ານ, ເມືອງຕໍ່ເມືອງ, ໃນຂອບເຂດຕາແສງ, ລົງໂຄສະນາເຜີຍແຜ່ນິຕິກຳຕ່າງໆໃຫ້ປະຊາຊົນໄດ້ຮັບຮູ້ ແລະ ເຂົ້າຮ່ວມໃນການກະກຽມສ້າງຕັ້ງຕາແສງ ໄດ້ທາບທາມຊື່ຂອງເມືອງໃໝ່ໃນ 24 ບ້ານເປົ້າໝາຍ ແລະ ທາບທາມໃນ 9 ເມືອງທົ່ວ ນວ ເພື່ອໃຫ້ຊາວ ນວ ໄດ້ມີສ່ວນຮ່ວມໃນການຄົ້ນຄວ້າຊື່ຂອງຕາແສງສຳເລັດການຮ່າງຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຕາແສງກ່ອນມີລັດຖະທຳມະນູນ ແລະ ກົດໝາຍການປົກຄອງທ້ອງຖິ່ນ, ສຳເລັດການຈັດຕັ້ງປະຕິບັດ 6 ໂຄງການຈຸດສຸມຄື: ໂຄງການສໍາຫຼວດອອກແບບ, ແຜນຜັງຂອງເມືອງໃໝ່, ໂຄງການສໍາຫຼວດອອກແບບສຳນັກງານປົກຄອງຕາແສງ, ໂຄງການສໍາຫຼວດເສັ້ນທາງເຂົ້າ-ອອກສຳນັກງານປົກຄອງຕາແສງ, ໂຄງການບຸກເບີກພື້ນທີ່ຕັ້ງສຳນັກງານປົກຄອງຕາແສງ, ໂຄງການກໍ່ສ້າງຫ້ອງການຄະນະຮັບຜິດຊອບຄົ້ນຄວ້າສ້າງຕັ້ງເມືອງໃໝ່ 1 ຫຼັງ, ໂຄງການຕໍ່ເຕີມຫ້ອງການ ແລະ ສ້າງຫໍພັກພະນັກງານ 1 ຫຼັງ.
ກົດໝາຍການປົກຄອງທ້ອງຖິ່ນສະບັບປັບປຸງສຳເລັດໂດຍພື້ນຖານ ແລະ ນິຕິກຳຂອງສູນກາງ ໄດ້ກຳນົດໃຫ້ເມືອງໜຶ່ງປະກອບມີຢ່າງໜ້ອຍ 3 ຕາແສງ, ຫຼາຍສຸດບໍ່ໃຫ້ກາຍ 5 ຕາແສງ ແລະ ຕາແສງໜຶ່ງກວມເອົາແຕ່ 6-24 ບ້ານ. ສະນັ້ນ, ເມືອງໄຊທານີປະກອບມີ 104 ບ້ານ, ເມື່ອແບ່ງເປັນ 5 ຕາແສງກໍຈະຖືກຕາແສງໜຶ່ງ 20-24 ບ້ານ ຊຶ່ງກຳນົດເອົາ 23 ບ້ານຂອງ 4 ກຸ່ມບ້ານເຂດຝາກນໍ້າງື່ມອອກໄປເປັນຕາແສງໜຶ່ງເຫັນວ່າຖືກຕ້ອງສອດຄ່ອງກັບນິຕິກຳ ແລະ ຖືກຕ້ອງກັບສະພາບຄວາມເປັນຈິງ; ສໍາລັບຕາແສງຈະສ້າງຕັ້ງທົດລອງນີ້ຊື່ວ່າ “ຕາແສງຊ້າງມີໄຊ” ມີເນື້ອທີ່ທັງໝົດ 358 ກິໂລຕາແມັດ ຫຼື 35,8 ເຮັກຕາ ປະກອບມີ 23 ບ້ານ (ຊຶ່ງແມ່ນບັນດາບ້ານເປົ້າໝາຍທີ່ຈະສ້າງເມືອງໃໝ່ໃນເມື່ອກ່ອນ) ຄື: ບ້ານໂພນໄຮຄໍາ, ໂພນໂຮງ, ຫາດກ້ຽງ, ຫາດພະອິນ, ໂພນຄໍ້, ນາກຸງ, ທົ່ງມັ່ງ, ຂຸດສາມບາດ, ຊຳບອນ, ດວງບຸດດີ, ນາແຖ, ທ່າດິນແດງເໜືອ, ທ່າດິນແດງໃຕ້, ເວີນແທ່ນ, ທ່າຈຳປາ, ຫົວຂົວ, ຫົວນາ, ນາຄັນທຸງ, ນາຄາຍ, ໂພນແພງ, ນາໂງມເກົ່າ, ນາໂງມໃໝ່ ແລະ ບ້ານນາຕານ, ມີພົນລະເມືອງທັງໝົດ 35,577 ຄົນ, ເປັນຍິງ 17,878 ຄົນ, ມີ 6,043 ຄອບຄົວ, ມີ 6,736 ຫຼັງຄາເຮືອນ, ມີ 474 ໜ່ວຍ.
(ຂ່າວ-ພາບ: ແສງຈັນ)
ຄໍາເຫັນ