ກຳມະການພັກເມືອງ ເລຂາໜ່ວຍພັກຫ້ອງການສະຫະພັນແມ່ຍິງເມືອງ, ໃຫ້ກຽດເຂົ້າຮ່ວມຂອງສະຫາຍ ສົມບັດ ຈະເລີນມີໄຊ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ມີໜ່ວຍປະຕິບັດງານຂອງເມືອງ ພ້ອມດ້ວຍສະມາຊິກພັກພາຍໃນໜ່ວຍເຂົ້າຮ່ວມ.
ໃນກອງປະຊຸມສະຫາຍ ນາງ ພວງມະໄລ ໄຊຍະພອນ ໄດ້ຜ່ານບົດລາຍງານການເມືອງທັງ 2 ພາກ ຊຶ່ງບາງຕອນກ່າວວ່າ: ຕະຫຼອດໄລຍະ 5 ປີຜ່ານມາ ຄະນະໜ່ວຍພັກໄດ້ເອົາໃຈໃສ່ສືກສາອົບຮົມການເມືອງແນວຄິດ ໃຫ້ພະນັກງານສະມາຊິກພັກແນໃສ່ເພື່ອຍົກ ສູງຄຸນທາດການເມືອງ, ຄຸນສົມບັດສີນທຳປະຕິວັດ, ຕ້ານປະກົດການຫຍໍ້ທໍ້ທີ່ເກີດຂຶ້ນ, ສ້າງຄວາມສາມັກຄີພາຍໃນ-ພາຍນອກໃຫ້ແໜ້ນແຟ້ນ; ພ້ອມນີ້ວຽກງານວິຊາສະເພາະກໍໄດ້ເອົາໃຈໃສ່ນຳພາ-ຊີ້ນໍາບັນດາໜ່ວຍງານປະຕິບັດໜ້າທີ່ວຽກງານຕາມຄວາມຮັບຜິດຊອບຂອງຕົນສາມາດຍາດໄດ້ຜົນສຳເລັດໃນຫຼາຍດ້ານ, ພ້ອມນີ້ ກໍໄດ້ຜ່ານແຜນພັດທະນາວຽກງານສະຫະພັນແມ່ຍິງ 5 ປີ ຕໍ່ໜ້າປີ 2025-2029. ຈາກນັ້ນ ຄະນະໜ່ວຍພັກຊຸດເກົ່າກໍ່ໄດ້ຜ່ານບົດສຳຫຼວດການນຳພາລວມ ພ້ອມທັງກ່າວລາໜ້າທີ່. ໃນກອງປະຊຸມ ຜູ້ແທນໄດ້ໃຊ້ສິດປະຊາທິປະໄຕຂອງຕົນ ຍົກບັດປະຊາມະຕິຄັດເລືອກເອົາຄະນະໜ່ວຍພັກຊຸດໃໝ່, ກອງປະຊຸມຄັ້ງປະຖົມມະລຶກໄດ້ເຫັນດີເປັນເອກະພາບເລືອກເອົາສະຫາຍ ນາງ ພວງມາໄລ ໄຊຍະພອນ ເປັນເລຂາໜ່ວຍພັກ, ສະຫາຍ ນາງ ວິໄລພອນ ສົງຫາລາດ ເປັນຮອງເລຂາ (ຜູ້ກວດກາພັກ), ສະຫາຍ ນາງ ວັນນະພອນ ທໍ່ ເປັນຄະນະໜ່ວຍພັກ.
(ຂ່າວ: ສົມພົງ ສີສະຫັວດ, ພາບ: ຫ້ອງການສະຫະພັນແມ່ຍິງເມືອງ).
ຄໍາເຫັນ