,ລາວ,ກໍາປູເຈຍ,ອິນໂດເນເຊຍ,ມາເລເຊຍ,ມຽນມາ,ໄທ ແລະ ຫວຽດນາມເຂົ້າຮ່ວມ.ຈຸດປະສົງກກໍເພື່ອຊຸກຍູ້ການສ້າງປະຊາຄົມຮ່ວມຊາຕາກໍາຈີນ-ອາຊຽນໃຫ້ແໜ້ນແຟ້ນກວ່າເກົ່າ.
ໃນໂອກາດນີ້, ສະຫາຍ ອາດສະພັງທອງ ສີພັນດອນ ຮອງເລຂາພັກນະຄອນຫຼວງເຈົ້າຄອງນະຄອນຫຼວງວຽງຈັນ ໄດ້ພົບປະກັບ ສະຫາຍ ຫຼານ ທຽນລີ່ຮອງເລຂາຄະນະພັກປະທານເຂດປົກຄອງຕົນເອງຊົນເຜົ່າຈ້ວງກວາງຊີທ່ານໄດ້ຕີລາຄາສູງຕໍ່ສາຍພົວພັນມິດຕະພາບອັນເປັນມູນເຊື້ອ,ການເປັນຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ລະຫວ່າງ ສອງພັກ ສອງລັດ ແລະ ປະຊາຊົນສອງຊາດຊຶ່ງເຫັນໄດ້ຢ່າງຈະແຈ້ງຕໍ່ການພົວພັນຮ່ວມມື ລະຫວ່າງ ສອງຝ່າຍໄດ້ຮັບການສືບຕໍ່ເສີມຂະຫຍາຍຢ່າງຕໍ່ເນື່ອງ ແລະ ເກີດດອກອອກຜົນຕົວຈິງຫຼາຍດ້ານ ໂດຍສະເພາະແມ່ນການຈັດຕັ້ງປະຕິບັດແຜນແມ່ບົດວ່າດ້ວຍການເປັນຄູ່ຮ່ວມຊາຕາກຳ ລາວ ແລະ ຈີນ ສະບັບໃໝ່ ແລະ ບັນດາຄຳເຫັນເປັນເອກະພາບກັນຂອງສອງເລຂາທິການໃຫຍ່, ປະທານປະເທດ ສປປ ລາວ ແລະ ສປ ຈີນ.
ຕະຫຼອດໄລຍະຜ່ານມາ ສປປ ລາວ ກັບເຂດປົກຄອງຕົນເອງຊົນເຜົ່າຈ້ວງກວາງຊີ ໄດ້ມີການຮ່ວມມືກັນຢ່າງໃກ້ຊິດ, ຊ່ວຍເຫຼືອສະໜັບສະໜູນຊຶ່ງກັນ ແລະ ກັນ, ແລກປ່ຽນການຢ້ຽມຢາມ ຂອງການນຳຂັ້ນສູງສອງຝ່າຍ ຢ່າງເປັນປົກກະຕິ ແລະ ໄດ້ເສີມຂະຫຍາຍຂຶ້ນໃນແຕ່ລະປີ ລວມທັງການຊ່ວຍເຫຼືອພັດທະນາດ້ານຕ່າງໆ,
ສະເພາະນະຄອນຫຼວງວຽງຈັນ ໃນໄລຍະຜ່ານມາ ກໍໄດ້ຮັບການຊ່ວຍເຫຼືອ ຈາກນະຄອນໜານໜິງ ເປັນຕົ້ນແມ່ນທຶນການສຶກສາ,ທຶນຝຶກອົບຮົມ ໃຫ້ພະນັກງານ ຂອງນະຄອນຫຼວງວຽງຈັນ, ຊ່ວຍເຫຼືອຜ້າປິດປາກໃນໄລຍະເກີດພະຍາດໂຄວິດ-19 ແລະ ໄດ້ຮັບການເຊື້ອເຊີນເຂົ້າຮ່ວມງານໃຫຍ່ສຳຄັນຕ່າງໆ ຈາກນະຄອນໜານໜິງ.
ການມາຢ້ຽມຢາມພົບປະຄັ້ງນີ້,ຖືວ່າເປັນການລິເລີ່ມເພີ່ມທະວີສ້າງສາຍພົວພັນການແລກປ່ຽນແລະ ຮ່ວມມື ກັບເຂດປົກຄອງຕົນເອງຊົນເຜົ່າຈ້ວງກວາງຊີ,ເພີ່ມທະວີຄວາມເຂົ້າໃຈ ລະຫວ່າງສອງຝ່າຍ ໃຫ້ເລິກເຊິ່ງ ແລະ ຮ່ວມກັນຊຸກຍູ້ໃນການຮ່ວມມືກັນໃນຕໍ່ໜ້າ ໂດຍຖືເອົາການຕົກລົງເປັນເອກະພາບ ຂອງສອງເລຂາທິການໃຫຍ່ຂອງສອງພັກ ເພື່ອຜັນຂະຫຍາຍໃຫ້ເກີດດອກອອກຜົນເປັນຈິງແຕ່ລະດ້ານ ເຊັ່ນ:ຂຸດຄົ້ນທ່າແຮງບົ່ມຊ້ອນໂດຍນໍາໃຊ້ເສັ້ນທາງລົດໄຟ ລາວ-ຈີນ, ສາຍການບິນໆກົງ ນະຄອນໜານໜິງ-ວຽງຈັນ ເພື່ອຊຸກຍູ້ການໄປມາຫາສູ່ການເຊື່ອມໂຍງເຊື່ອມຈອດກັນ ໃນຫຼາຍຮູບແບບ ແລະ ຫຼາຍຊ່ອງທາງກວ່າເກົ່າ;ສືບຕໍ່ການໄປມາຫາສູ່ກັນໃນທຸກລະດັບ ຢ່າງເປັນປົກກະຕິ ເພື່ອເສີມສ້າງຄວາມເຂົ້າອົກເຂົ້າໃຈ, ໄວ້ເນື້ອເຊື່ອໃຈ ຊຶ່ງກັນ ແລະ ກັນ, ຍູ້ແຮງການຮ່ວມມືໃນລະດັບທ້ອງຖິ່ນຂອງສອງຝ່າຍ, ສົ່ງເສີມການແລກປ່ຽນທາງດ້ານການຄ້າ, ວັດທະນະທໍາ-ສັງຄົມ ໂດຍສະເພາະແມ່ນວຽກງານທ່ອງທ່ຽວ.ຮ່ວມມືໃນຂົງເຂດວຽກງານກໍ່ສ້າງຊັບພະຍາກອນມະນຸດ, ສ້າງເງື່ອນໄຂໃຫ້ພະນັກງານລາວກໍຄືນະຄອນຫຼວງວຽງຈັນ ໄດ້ມາແລກປ່ຽນຖອດຖອນບົດຮຽນຢູ່ກວາງຊີ ໃຫ້ຫຼາຍຂຶ້ນ.ສະເໜີໃຫ້ເຂດປົກຄອງຕົນເອງຊົນເຜົ່າຈ້ວງກວາງຊີ ຊຸກຍູ້ພາກທຸລະກິດ ທີ່ມີຄວາມສົນໃຈ, ມີທ່າແຮງເພື່ອສົມທົບກັບພາກສ່ວນກ່ຽວຂ້ອງຂອງ ສປປ ລາວ ຮ່ວມກັນພັດທະນາ.
ສະຫາຍ ອາດສະພັງທອງ ສີພັນດອນ ຍັງໄດ້ແຈ້ງໃຫ້ ສະຫາຍ ຫຼານ ທຽນລີ່ ຮັບຊາບວ່າ:ໃນປີ 2024 ທີ່ຜ່ານມາມໍ່ໆນີ້,ຖືວ່າເປັນປີທີ່ສໍາຄັນ ຂອງນະຄອນຫຼວງວຽງຈັນພວກເຮົາ, ເນື່ອງຈາກ ສປປ ລາວ ໄດ້ຮັບກຽດເປັນປະທານອາຊຽນ ເປັນເຈົ້າພາບຫຼາຍກອງປະຊຸມ ແລະ ປີທ່ອງທ່ຽວລາວ, ນະຄອນຫຼວງວຽງຈັນ ກໍໄດ້ຮັບກຽດເປັນປະທານກອງປະຊຸມບັນດາເຈົ້າຄອງນະຄອນຫຼວງອາຊຽນ ແລະ ກອງປະຊຸມປິ່ນອ້ອມອື່ນໆ, ອັນພົ້ນເດັ່ນແມ່ນເສດຖະກິດມະຫາພາກສືບຕໍ່ຂະຫຍາຍຕົວຢ່າງຕໍ່ເນື່ອງ, ລວມຍອດຜະລິດຕະພັນພາຍໃນ ຂະຫຍາຍຕົວ 5.85%, ໃນນັ້ນ ດ້ານອຸດສາຫະກໍາ ແມ່ນຂະຫຍາຍຕົວສູງກວ່າໝູ່ ເນື່ອງຈາກມີໂຮງງານອຸດສາຫະກໍາເກີດຂຶ້ນຫຼາຍ, ຕໍ່ມາແມ່ນ ຂົງເຂດບໍລິການ, ຍ້ອນມີຫຼາຍກອງປະຊຸມ ແລະ ເປັນປີທ່ອງທ່ຽວລາວ; ສໍາລັບຂົງເຂດກະສິກໍາ ກໍຍັງສືບຕໍ່ຂະຫຍາຍຕົວ; ດ້ານການເກັບລາຍຮັບງົບປະມານ ພວກເຮົາກໍສາມາດປະຕິບັດໄດ້ລື່ນແຜນການ. ປັດຈຸບັນ,ນະຄອນຫຼວງວຽງຈັນ ມີປະຊາກອນປະມານ 1 ລ້ານ ເຖິງ 1 ລ້ານ 3 ແສນຄົນ (ລວມທັງຄົນສັນຊາດລາວ ແລະ ຕ່າງປະເທດ), ມີ 9 ເມືອງ ແລະ 481 ບ້ານ, ມີເຂດເສດຖະກິດພິເສດ 5 ເຂດ. ໃນດ້ານການລົງທຶນ ຈາກ ສປ ຈີນ ແມ່ນເປັນອັນດັບ 1 ໃນນະຄອນຫຼວງວຽງຈັນ, ໃນນັ້ນ ລວມມີນັກທຸລະກິດ ຂອງແຂວງກວາງຊີ ແລະ ມີສະພາການຄ້າກວາງຊີ ປະຈໍາ ສປປ ລາວຊຶ່ງນະຄອນຫຼວງວຽງຈັນ ກໍໄດ້ມີການພົວພັນຮ່ວມມືກັນຢ່າງເປັນປົກກະຕິ.
ສະຫາຍ ຫຼານ ທຽນລີ່ໄດ້ແຈ້ງຕໍ່ ສະຫາຍ ອາດສະພັງທອງ ສີພັນດອນ ວ່າ:ເຂດປົກຄອງຕົນເອງກວາງຊີ,ມີເນື້ອທີ່ 237,600 ກິໂລຕາແມັດ,ມີພົນລະເມືອງ 50 ລ້ານກວ່າຄົນ,ມີ 14 ນະຄອນຂຶ້ນກັບ ໃນນັ້ນ,ນະຄອນໜານໜິງ ແມ່ນ ເມືອງເອກຂອງເຂດປົກຄອງ.ສະເພາະ 6 ເດືອນ ຕົ້ນປີ 2024 ລວມຍອດຜະລິດຕະພັນ (GDP)1,311,557 ຕື້ຢວນທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 3.6%.
ໃນງານຄັ້ງນີ້, ຜູ້ຕາງໜ້ານະຄອນຂອງບັນດາປະເທດໄດ້ຮ່ວມກັນຖະແຫຼງ “ຂໍ້ລິເລີ່ມໜານໜິງ” ໂດຍສະເໜີວ່າ: ລົງເລິກການໄປມາຫາສູ່ກັນແບບໄມຕີຈິດມິດຕະພາບລະຫວ່າງນະຄອນ, ລົງເລິກການຮ່ວມມືດ້ານເສດຖະກິດການຄ້າລະຫວ່າງນະຄອນ, ລົງເລິກການເຊື່ອມສານຈິດໃຈລະຫວ່າງປະຊາຊົນບັນດານະຄອນ. ນອກນີ້, ຍັງໄດ້ຈັດພິທີເຊັນສັນຍາຮ່ວມມື 14 ໂຄງການກ່ຽວກັບເສດຖະກິດການຄ້າ, ການຈໍລະຈອນສິນຄ້າ, ການສຶກສາ ແລະການທ່ອງທ່ຽວເປັນຕົ້ນ.
ຄໍາເຫັນ