 |
ທ່ານ ຄໍາຫຼ້າ ລຽນປະດິດ ໄດ້ມີຄຳເຫັນກ່າວເປີດພິທີວ່າ: ການດໍາເນີນຂະບວນ ການລະນຶກວັນສາກົນ ເພື່ອລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກຍິງໃນປີນີ້ ພາຍໃຕ້ຫົວຂໍ້: ‘‘ຮ່ວມແຮງຮ່ວມໃຈກັນ ເພື່ອຢຸດຕິການໃຊ້ຄວາມຮຸນແຮງ ຜ່ານທາງດີຈີຕອນ ຕໍ່ແມ່ຍິງ ແລະເດັກຍິງທຸກຄົນ’’ຊຶ່ງຮຽກຮ້ອງບັນດາປະເທດໃນໂລກ ຕ້ອງໄດ້ ພ້ອມກັນທົບທວນຄວາມຄືບໜ້າ ໃນການຈັດຕັ້ງປະຕິບັດຖະແຫຼງການ ແລະແຜນປະຕິບັດງານປັກກິ່ງ ໂດຍສະເພາະ ບັນດາຄວາມໝາຍໝັ້ນ, ຄວາມຮັບຜິດຊອບ ແລະການຈັດສັນງົບປະມານ ເຂົ້າໃນການຈັດຕັ້ງປະຕິບັດວຽກງານປ້ອງກັນ ການແກ້ໄຂຄວາມຮຸນແຮງຕໍ່ແມ່ຍິງ ແລະເດັກຍິງໃນປະເທດຕົນ. ໃນປີ 2025, ອົງການປົກຄອງແຂວງຫຼວງພະບາງ ໂດຍສະເພາະຄະນະກໍາມະການຕ້ານການຄ້າມະນຸດຂັ້ນແຂວງຂັ້ນເມືອງ ໄດ້ລົງຕິດຕາມຊຸກຍູ້ ແລະເຜີຍແຜ່ບັນດາກົດໝາຍ-ນິຕິກໍາ ທີ່ກ່ຽວຂອງເປັນປົກກະຕິ, ທັງໄດ້ໃຫ້ການຊ່ວຍເຫຼືອຜູ້ຖືກເຄາະຮ້າຍທີ່ ຢູ່ໃນກຸ່ມສຽງຈາກການຄ້າມະນຸດຈໍານວນ 16 ຄົນ, ຍິງ 16 ຄົນ; ເຂົ້າຮ່ວມປົກປ້ອງການສືບສວນ-ສອບສວນເດັກ ທີ່ບໍ່ເຖິງກະສຽນອາຍຸ 18 ປີ ຮ່ວມກັບເຈົ້າໜ້າທີ່ພະແນກສະກັດກັ້ນ ແລະຕ້ານການຄ້າມະນຸດ ພ້ອມທັງສຶກສາອົບຮົມ ໄດ້ຈໍານວນ 33 ຄັ້ງ, ມີ 33 ຄົນ, ຍິງ 28 ຄົນ, ຊາຍ 5 ຄົນ; ໄດ້ຮັບການບໍລິການໃຫ້ຄໍາປຶກສາ 16 ຄັ້ງ, ມີ 3 ຄົນ, ຍິງ 3 ຄົນ, ຜ່ານທາງໂທລະສັບ 76 ຄັ້ງ; ໄດ້ຊ່ວຍເຫຼືອໃນການປະສານງານຫາພາກສ່ວນກ່ຽວຂ້ອງ ໃນການຊ່ວຍເຫຼືອຜູ້ຖືກເຄາະຮ້າຍ ຈາກການຄ້າມະນຸດ ຈໍານວນ 650 ຄັ້ງ. ນອກຈາກນັ້ນ ໄດ້ເອົາໃຈໃສ່ຊຸກຍູ້ສົ່ງເສີມແມ່ຍິງຊາວກະສິກອນ ໃຫ້ໄດ້ຮັບການຝຶກອົບຮົມວິຊາຊີບ, ເຕັກນິກວິຊາການ, ພັດທະນາສີມືແຮງງານ ແລະຝຶກອົບຮົມເຄື່ອນທີ່ຕາມສາຂາອາຊີບ ພ້ອມທັງສົ່ງເສີມການຈັດຫາວຽກເຮັດງານທໍາເຂົ້າສູ່ຕະຫຼາດແຮງງານພາຍໃນ ແລະຕ່າງປະເທດ ໃຫ້ແກ່ແມ່ຍິງ ແລະ ໄວໜຸ່ມ ທີ່ຢູ່ເຂດຫ່າງໄກສອກຫຼີກ, ຜູ້ທຸກຍາກ ແລະ ຜູ້ດ້ອຍໂອກາດເພື່ອຮັບປະກັນໃຫ້ແມ່ຍິງມີລາຍຮັບສາມາດເພິ່ງພາຕົນເອງໄດ້ພັດທະນາຊີວິດການ ເປັນຢູ່ໃຫ້ດີຂຶ້ນເປັນກ້າວໆ ເຮັດໃຫ້ແມ່ຍິງປາສະຈາກການຖືກຄວາມຮຸນແຮງ, ຄອບຄົວມີຄວາມສະຫງົບສຸກ ແລະສັງຄົມມີຄວາມສີວິໄລ.
 |
ຂະບວນການຍ່າງເພື່ອສຸຂະພາບ ລະນຶກວັນສາກົນ ເພື່ອລຶບລ້າງຄວາມຮຸນແຮງຕໍ່ແມ່ຍິງ ແລະເດັກຍິງ ຄັ້ງນີ້ ໄດ້ເລີ່ມຈາກໜ້າຫ້ອງວ່າການແຂວງ ໄປຫາເສັ້ນທາງໄກສອນພົມວິຫານ ຮອດສີ່ແຍກບ້ານໂພນແະງ ແລ້ວລ້ຽວຊ້າຍ ກັບຄືນຫາໜ້າຫ້ອງວ່າການແຂວງ ດ້ວຍຄວາມເບີກບານມ່ວນຊື່ນ.
ຄໍາເຫັນ