ຄົນເຈັບໄຂ້ຫວັດໃຫຍ່ ເພີ່ມສູງຂຶ້ນແບບບໍ່ເຄີຍມີມາກ່ອນ

ຍີ່ປຸ່ນ ພົບຄົນເຈັບໄຂ້ຫວັດໃຫຍ່ ເພີ່ມສູງຂຶ້ນແບບບໍ່ເຄີຍມີມາກ່ອນ

15:35 14/01/2025

ຂ່າວຕ່າງປະເທດລາຍງານ ໃນວັນທີ 12 ມັງກອນ ຜ່ານມາ, ກະຊວງສາທາລະນະສຸກ, ແຮງງານ ແລະສະຫວັດດີການຂອງຍີ່ປຸ່ນ ລາຍງານວ່າ: ຈຳນວນຄົນເຈັບທີ່ເປັນໄຂ້ຫວັດໃຫຍ່ຢູ່ສະຖາບັນການແພດທີ່ຄວບຄຸມເບິ່ງແຍງໃນທົ່ວປະເທດເພີ່ມຂຶ້ນສູງທີ່ສຸດແບບບໍ່ເຄີຍມີມາກ່ອນໃນອາທິດສຸດທ້າຍຂອງເດືອນທັນວາ 2024 ເມື່ອນັບຕັ້ງແຕ່ເລີ່ມບັນທຶກຂໍ້ມູນໃນປີ 1999

ບົດລາຍງານລະບຸວ່າ:ຈຳນວນຄົນເຈັບໄຂ້ຫວັດໃຫຍ່ຢູ່ສະຖາບັນການແພດປະມານ 5,000 ແຫ່ງ ໃນອາທິດສຸດທ້າຍຂອງເດືອນທັນວາ 2024 ຊຶ່ງສິ້ນສຸດໃນວັນທີ 29 ທັນວາ 2024, ມີຈຳນວນທັງໝົດ 317,812 ຄົນຫຼືສະເລ່ຍ 64,39 ຄົນຕໍ່ສະຖາບັນການແພດໜຶ່ງແຫ່ງ ຊຶ່ງສູງກວ່າເກນເຕືອນໄພທີ່ກຳນົດໄວ້ 30 ກໍລະນີ.

ຈໍານວນຄົນເຈັບໄຂ້ຫວັດໃຫຍ່ທີ່ສູງແບບບໍ່ເຄີຍມີມາກ່ອນນີ້ ເພີ່ມຂຶ້ນຈາກການສະເລ່ຍ42.66 ຄົນໃນອາທິດທີ່ຜ່ານມາ ຊຶ່ງໄດ້ສິ້ນສຸດໃນວັນທີ 22 ເດືອນທັນວາ 2024, ເຮັດໃຫ້ເປັນການເພີ່ມຂຶ້ນຕິດຕໍ່ກັນເປັນອາທິດທີ 10.

ບົດລາຍງານກ່າວຕື່ມວ່າ:ທັງ 47 ແຂວງຂອງຍີ່ປຸ່ນມີຄົນເຈັບໄຂ້ຫວັດໃຫຍ່ເພີ່ມຂຶ້ນຈາກອາທິດກ່ອນ, ໃນນັ້ນມີ 43 ແຂວງພົບຄົນເຈັບໄຂ້ຫວັດໃຫຍ່ສູງເກີນລະດັບເຕືອນໄພ. ໂດຍປັດໄຈທີ່ເຮັດໃຫ້ການເພີ່ມຂຶ້ນຂອງຈໍານວນຄົນເຈັບອາດມາຈາກປະຊາຊົນເດີນທາງເພີ່ມຂຶ້ນໃນໄລຍະວັນພັກຍາວ.

ແຂວງໂອອິຕະ ໃນພາກຕາເວັນຕົກສ່ຽງໃຕ້ມີຈໍານວນຄົນເຈັບໄຂ້ຫວັດໃຫຍ່ສູງທີ່ສຸດສະເລ່ຍ 104.84 ຄົນຕໍ່ຄຣີນິກໜຶ່ງແຫ່ງ, ຕິດຕາມດ້ວຍແຂວງອື່ນໆໃນພາກພື້ນຄິວຊູ.ໃນຂະນະດຽວກັນ, ຫຼາຍ ເມືອງມີຈໍານວນຄົນເຈັບສະເລ່ຍຕໍ່ໜຶ່ງສະຖາບັນການແພດເພີ່ມຂຶ້ນເຊັ່ນດຽວກັນ ເຊັ່ນ: ໂອຊາກາ ມີ 67.53ຄົນ ແລະໂຕກຽວມີ 56.72ຄົນ.

ກະຊວງດັ່ງກ່າວຮຽກຮ້ອງໃຫ້ປະຊາຊົນໃສ່ໜ້າກາກອະນາໄມແລະລ້າງມືໃຫ້ສະອາດເພື່ອປ້ອງກັນການຕິດເຊື້ອ. ຂະນະທີ່ຈຳນວນຄົນເຈັບໄຂ້ຫວັດໃຫຍ່ຍັງສືບຕໍ່ເພີ່ມຂຶ້ນ.

ຄໍາເຫັນ

ຂ່າວຕ່າງປະເທດ

ກອງປະຊຸມມະຫາສະໝຸດ ສປຊ ຄັ້ງທີ 3 ຈະຈັດຂຶ້ນທີ່ນະຄອນ Nice ປະເທດຝຣັ່ງ

05/06/2025 11:57

ວິທະຍຸກະຈາຍສຽງຫວຽດນາມ ລາຍງານຫວ່າງມໍ່ໆມານີ້ວ່າ: ກອງປະຊຸມມະຫາສະໝຸດ ສປຊ ຄັ້ງທີ 3 (UNOC3) ຈະຈັດຂຶ້ນໃນລະຫວ່າງວັນທີ 9 – 13 ມິຖຸນາ ນີ້ ຢູ່ນະຄອນ Nice ພາກໃຕ້ປະເທດຝຣັ່ງ. ເປົ້າໝາຍຂອງກອງປະຊຸມແມ່ນເພື່ອບັນລຸຄວາມເປັນເອກະພາບທົ່ວໂລກ ແລະ ລະດົມແຫຼ່ງເງິນຊ່ວຍເຫຼືອໃຫ້ແກ່ວຽກງານອະນຸລັກຮັກສາທະເລ, ໃນສະພາບການຫຼາຍປະເທດຍັງຄົງມີຄວາມບໍ່ລົງລອຍກັນກ່ຽວກັບການຂຸດຄົ້ນທະເລເລິກ, ຂີ້ເຫຍື້ອພຣາສຕິກ ແລະ ການຫາສິນທະເລເກີນຂອບເຂດ.

ຍີ່ປຸ່ນ ມີລາຍຮັບຈາກການເກັບພາສີຂາອອກນັກທ່ອງທ່ຽວບັນລຸ 48.1 ຕື້ເຢນ

05/06/2025 11:56

ຂ່າວຕ່າງປະເທດລາຍງານຫວ່າງບໍ່ດົນມານີ້; ສື່ມວນຊົນຍີ່ປຸ່ນອ້າງອີງຂໍ້ມູນຈາກກະຊວງການເງິນ ລາຍງານວ່າ: ຍີ່ປຸ່ນມີລາຍຮັບຈາກການເກັບພາສີຂາອອກຈາກນັກທ່ອງທ່ຽວ ບັນລຸເຖິງ 48.1 ຕື້ເຢນ ໃນງົບປະມານປີ 2024 ທ່າມກາງຈຳນວນນັກທ່ອງທ່ຽວຕ່າງປະເທດທີ່ເພີ່ມຂຶ້ນຢ່າງວ່ອງໄວ, ໂດຍມີປັດໄຈຈາກສະກຸນເງິນເຢນອ່ອນຄ່າລົງ.

ກອງປະຊຸມລັດຖະມົນຕີການເງິນ ແລະ ຜູ້ວ່າການທະນາຄານກາງປະເທດສະມາຊິກອົງການຮ່ວມມືຊຽງໄຮ້

05/06/2025 11:54

ຂ່າວສານຊີອາໄອລາຍງານ ໃນວັນທີ 5 ມິຖຸນາ ນີ້ວ່າ: ກອງປະຊຸມລັດຖະມົນຕີການເງິນ ແລະ ຜູ້ວ່າການທະນາຄານກາງປະເທດສະມາຊິກອົງການຮ່ວມມືຊຽງໄຮ້ ປະຈຳປີ 2025 ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນ ໃນວັນທີ 3 ມິຖຸນາ ຜ່ານມານີ້, ບັນດາຜູ້ແທນທີ່ເຂົ້າຮ່ວມກອງປະຊຸມໄດ້ສະໜັບສະ ໜູນລົງເລິກການຮ່ວມມືດ້ານການເງິນ ແລະ ການທະນາຄານດ້ວຍການເຄື່ອນໄຫວຕົວຈິງ, ລວມທັງຊຸກຍູ້ການສ້າງຕັ້ງທະນາຄານພັດທະນາອົງການຮ່ວມມືຊຽງໄຮ້, ສ້າງຕັ້ງເຄືອຂ່າຍຄັງສະໝອງການເງິນ ແລະ ການທະນາຄານຂອງອົງການຮ່ວມມືຊຽງໄຮ້ ແລະ ອື່ນໆ.

ກອງປະຊຸມລັດຖະບານຫວຽດນາມ ປະຈຳເດືອນພຶດສະພາ

05/06/2025 11:53

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້ ຢູ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ໄດ້ເປັນປະທານກອງປະຊຸມລັດຖະບານ ປະຈຳເດືອນພຶດສະພາ.

ທ່ານປະທານ ສີຈິ້ນຜິງໃສ່ໃຈປູກຈິດສຳນຶກໃຫ້ລູກຫຼານ

03/06/2025 10:45

ຕະຫຼອດໄລຍະຜ່ານມາ, ທ່ານສີຈິ້ນຜິງປະທານປະເທດຈີນ ໄດ້ເອົາໃຈໃສ່ຕໍ່ສຸຂະພາບແລະການເຕີບໃຫຍ່ຂອງເດັກນ້ອຍເຍົາວະຊົນມາໂດຍຕະຫຼອດເພິ່ນໄດ້ປູກຈິດສຳນຶກຕ່າງໆທີ່ປຽບເໝືອນເມັດພັນນ້ອຍໆແຕກໜໍ່ຈໍ່ແໜງຢູ່ໃນຈິດໃຈຂອງເດັກນ້ອຍທັງຫຼາຍ.

ເຮັດໃຫ້ນັກຄົ້ນຄວ້າວິທະຍາສາດສຸມໃສ່ວຽກງານຄົ້ນຄວ້າຢ່າງເຕັມທີ່

02/06/2025 09:49

ວັນທີ 30 ພຶດສະພາ ແມ່ນວັນພະນັກງານວິທະຍາສາດເຕັກໂນໂລຊີແຫ່ງຊາດຈີນຄົບຮອບ 9 ປີ. ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ເອົາໃຈໃສ່ຕໍ່ພະນັກງານວິທະຍາສາດເຕັກໂນໂລຊີມາໂດຍຕະຫຼາດ, ຖືພວກເຂົາເປັນ “ກຳລັງຫຼັກແຫຼ່ງແຫ່ງການຊຸກຍູ້ຂະບວນການສ້າງຄວາມທັນສະໄໝແບບຈີນ” ແລະ ເປັນ “ຜູ້ແບກ ຫາບໜ້າທີ່ສຳຄັນຂອງການສ້າງສາປະເທດຊາດໃຫ້ເຂັ້ມແຂງດ້ວຍວິທະຍາສາດເຕັກໂນໂລຊີ”.

ລາຄານໍ້າມັນແອັດຊັງ ໃນຍີ່ປຸ່ນຫຼຸດລົງຕໍ່າສຸດໃນຮອບ 5 ປີ

30/05/2025 12:18

ຂ່າວຕ່າງປະເທດລາຍງານໃນວັນທີ 29 ພຶດສະພາ ຜ່ານມາວ່າ: ກະຊວງເສດຖະກິດ, ການຄ້າ ແລະ ອຸດສາຫະກຳຍີ່ປຸ່ນ ລາຍງານວ່າ: ລາຄາຂາຍຍ່ອຍນ້ຳມັນແອັດຊັງທຳມະດາໃນຍີ່ປຸ່ນໄດ້ຫຼຸດລົງຕ່ຳກວ່າ 180 ເຢນຕໍ່ລິດ ຊຶ່ງເປັນລະດັບຕ່ຳສຸດໃນຮອບ 5 ເດືອນ, ໄດ້ສະທ້ອນເຖິງຜົນດີຂອງໂຄງການອຸດໜູນລາຄານ້ຳມັນເຊື້ອໄຟຂອງລັດຖະບານ.

ສະຫະພາບເອີຣົບຍົກເລີກການລົງໂທດດ້ານເສດຖະກິດຕໍ່ຊີຣີ

30/05/2025 12:17

ຂ່າວສານຊີອາໄອລາຍງານວ່າ: ໃນວັນທີ 28 ພຶດສະພາ ຜ່ານມາ, ສະຫະພາບເອີຣົບໄດ້ຍົກເລີກການລົງໂທດດ້ານເສດຖະກິດທັງໝົດທີ່ມີຕໍ່ຊີຣີ, ມີພຽງແຕ່ຮັກສາໄວ້ການລົງໂທດດ້ານຄວາມໝັ້ນຄົງ.

ສະຫະພາບເອີຣົບຍົກເລີກການລົງໂທດດ້ານເສດຖະກິດຕໍ່ຊີຣີ

30/05/2025 12:17

ກຳລັງຕິດຕັ້ງເຄື່ອງຜະລິດໄຟຟ້າພະລັງງານລົມທົ່ວໄປະເທດຈີນ ສ້າງສະຖິຕິສູງສຸດໃນປະຫວັດສາດ

30/05/2025 12:16

ຂ່າວສານຊີອາໄອ ລາຍງານວ່າ: ບົດລາຍງານການພັດທະນາພະລັງງານໝູນວຽນຂອງຈີນໃນປີ 2024 ທີ່ປະກາດໃນວັນທີ 28 ພຶດສະພາ ຜ່ານມານີ້ໄດ້ສະແດງໃຫ້ເຫັນວ່າ: ໃນປີ 2024 ກຳລັງຕິດຕັ້ງເຄື່ອງຜະລິດໄຟຟ້າພະລັງງານໝູນວຽນໃນທົ່ວປະເທດຈີນໄດ້ສ້າງສະຖິຕິສູງສຸດໃນປະຫວັດສາດ ຊຶ່ງກວມຫຼາຍກວ່າ 60% ໃນການຕິດຕັ້ງພະລັງງານໝູນວຽນຂອງທົ່ວໂລກ. ຄາດວ່າໃນປີນີ້ກຳລັງຕິດຕັ້ງເຄື່ອງຜະລິດໄຟຟ້າພະລັງລົມແລະແສງຕາເວັນຈະເພີ່ມຂຶ້ນອີກ 280 ລ້ານກິໂວວັດ.

ເພີ່ມເຕີມ