(2016-2020) ແລະ ວາງທິດທາງແຜນການໃນຕໍ່ໜ້າ ຂຶ້ນໃນວັນທີ 4 ພະຈິກຜ່ານມາ ໂດຍການເປັນປະທານຂອງທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ, ທ່ານ ບຸນທະວີ ນະຄອນສິດ ຫົວໜ້າພະແນກ ຍທຂ ແຂວງ, ມີຂະແໜງການກ່ຽວຂ້ອງເຂົ້າຮ່ວມ.
ທ່ານ ແກ້ວປະເສີດ ແກ້ວມະນີວົງ ຮອງຫົວໜ້າພະແນກ ຍທຂ ແຂວງ ໄດ້ຜ່ານບົດສະຫຼຸບ ແລະ ວາງທິດທາງແຜນການໃນຕໍ່ໜ້າ. ໃນໄລຍະ 5 ປີ (2016-2020) ຜ່ານມາ, ພະແນກ ຍທຂ ແຂວງ ໄດ້ເອົາໃຈໃສ່ຈັດຕັ້ງປະຕິບັດຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການຕິດຕາມຊຸກຍູ້ການຈັດຕັ້ງປະຕິບັດວຽກງານວິຊາສະເພາະ; ປັບປຸງ ແລະ ພັດທະນາພື້ນຖານໂຄງລ່າງດ້ານໂຍທາທິການ ແລະ ຂົນສົ່ງ ເຊື່ອມໂຍງເຂົ້າກັບພາກພື້ນ ແລະ ສາກົນ. ໃນນີ້, ຂະຫຍາຍຕາໜ່າງຄົມມະນາຄົມທົ່ວແຂວງເຊກອງໄດ້ 286 ເສັ້ນ ຍາວ 2,032.97 ກິໂລແມັດ ທຽບໃສ່ປີ 2015 ເພີ່ມຂຶ້ນ 134 ເສັ້ນ ຍາວ 736.7 ກິໂລແມັດ ຫຼື ເທົ່າກັບ 56.86%; ເອົາໃຈໃສ່ຄຸ້ມຄອງຫົວໜ່ວຍທຸລະກິດການກໍ່ສ້າງເຄຫາສະຖານ ແລະ ສຳຫຼວດ-ອອກແບບ, ອອກໃບອະນຸຍາດສືບຕໍ່ດຳເນີນທຸລະກິດໄດ້ 118 ຄັ້ງ; ຕິດຕາມ ກວດກາຄຸ້ມຄອງການຂົນສິນຄ້າ ແລະ ຜູ້ໂດຍສານຂະຫຍາຍຕົວຕໍ່ເນື່ອງ, ຮັບຮອງການປັບປຸງຍົກລະດັບສະຖານີຂົນສົ່ງໂດຍສານ 3 ແຫ່ງ ມີສາຍທາງຂົນສົ່ງເຊື່ອມຈອດທັງພາຍໃນ ແລະ ຕ່າງປະເທດຄື: ສາຍທາງ ເຊກອງ-ນະຄອນຫຼວງວຽງຈັນ ແລະ ແຂວງທາງຜ່ານ. ສາຍທາງເຊກອງ-ນະຄອນເຫວ້, ເຊກອງ-ຢາລາຍ ສສ ຫວຽດນາມ; ສ້າງຕັ້ງສະມາຄົມຂົນສົ່ງໂດຍສານໄດ້ 3 ຫົວໜ່ວຍ, ປະຕິບັດບໍລິມາດຂົນສົ່ງສິນຄ້າໄດ້ 27,185 ໂຕນ ເທົ່າກັບ 65.61%, ບໍລິມາດຂົນສົ່ງໂດຍສານໄດ້ 287,609 ຄົນ ເທົ່າກັບ 32.32%; ຂຶ້ນທະບຽນລົດໄດ້ທັງໝົດ 3,299 ຄັນ, ກວດກາເຕັກນິກລົດໄດ້ 2,012 ຄັນ ແລະ ສອບເສັງໃບຂັບຂີ່ໄດ້ 1,943 ໃບ.
ຜ່ານການປະເມີນຂະບວນການແຂ່ງຂັນຮັກຊາດ ແລະ ພັດທະນາ ສາມາດສັງລວມການຍ້ອງຍໍຜົນງານ 5 ປີ (2016-2020) ຄື: ຫຼຽນໄຊແຮງງານຊັ້ນ II ຈໍານວນ 6 ທ່ານ, ຫຼຽນໄຊແຮງງານຊັ້ນ III ຈໍານວນ 8 ທ່ານ, ຍິງ 1 ທ່ານ, ຫຼຽນກາແຮງງານຈໍານວນ 21 ທ່ານ, ຍິງ 4 ທ່ານ, ໃບຍ້ອງຍໍລັດຖະບານຈໍານວນ 22 ທ່ານ, ຍິງ 3 ທ່ານ, ໃບຍ້ອງຍໍທ່ານເຈົ້າແຂວງຈໍານວນ 9 ທ່ານ, ຍິງ 2 ທ່ານ.
(ພາບ-ຂ່າວ: ອັດສະວິນ)
ຄໍາເຫັນ