 |
ການມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນຄັ້ງນີ້: ປະຕິບັດຕາມມະຕິຂອງຄະນະບໍລິຫານງານພັກ ອົງການກວດສອບແຫ່ງລັດ ວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ຂອງບັນດາໜ່ວຍພັກຮາກຖານ ທີ່ຂຶ້ນກັບອົງຄະນະພັກອົງການກວດສອບແຫ່ງລັດ ສະບັບເລກທີ 005/ຄຈພ.ອກສລ, ລົງວັນທີ 4 ກຸມພາ 2026 ຊຶ່ງສາມາດຍາດມາໄດ້ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຈຳນວນ 7 ໜ່ວຍພັກຄື: ໜ່ວຍພັກຫ້ອງການ, ໜ່ວຍພັກກົມຈັດຕັ້ງ, ໜ່ວຍພັກກົມຮ່ວມມືສາກົນ, ໜ່ວຍພັກສະຖາບັນຄົ້ນຄວ້າ ແລະ ຝຶກອົບຮົມວຽກງານກວດສອບ, ໜ່ວຍພັກກົມປະເມີນຄຸນນະພາບການກວດສອບ, ໜ່ວຍພັກກົມກວດສອບອົງການຈັດຕັ້ງລັດ ແລະ ໜ່ວຍພັກກົມວິສາຫະກິດ.
 |
ໃນໂອກາດດັ່ງກ່າວ, ບັນດາໜ່ວຍພັກຍັງຈັບມືແຂ່ງຂັນຈັດຕັ້ງປະຕິບັດແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2026 ຕື່ມອີກ. ໃນນັ້ນ, ໃນພິທີດັ່ງກ່າວຍັງໄດ້ມອບບັດສະມາຊິກພັກສົມບູນຊຸດທີ XI ໃຫ້ສະມາຊິກພັກຈຳນວນ 16 ສະຫາຍ ຍິງ 2 ສະຫາຍ. ເພື່ອເປັນການຢັ້ງຢືນເຖິງການປັບປຸງຄຸນນະພາບຂອງສະມາຊິກພັກ, ແນໃສ່ຍົກສູງບົດບາດການນຳພາຂອງພັກ ແລະ ສະຖານະພາບໃນດ້ານຕ່າງໆເປັນຕົ້ນດ້ານຄຸນທາດການເມືອງ, ຄຸນສົມບັດ, ສິນທຳປະຕິວັດ ທັງເປັນການຄຸ້ມຄອງຕິດຕາມ, ກວດກາການປະຕິບັດໜ້າທີ່ການເມືອງຂອງຖັນແຖວພະນັກງານ-ສະມາຊິກພັກ ໃຫ້ສູງຂຶ້ນ.
ໃນຕອນທ້າຍ, ສະຫາຍ ວຽງທະວີສອນ ເທບພະຈັນ ໄດ້ໂອ້ລົມ ໂດຍໄດ້ເນັ້ນໃຫ້ສະມາຊິກພັກ ກໍຄືບັນດາໜ່ວຍພັກ ໃຫ້ເອົາໃຈໃສ່ເສີມຂະຫຍາຍມູນເຊື້ອອັນດີງາມທີ່ຍາດມາໄດ້ ແລະ ຈົ່ງສືບຕໍ່ສຶກສາອົບຮົມການເມືອງ-ແນວຄິດ, ຄຸນສົມບັດ, ສິນທຳປະຕິວັດຂອງຖັນແຖວພະນັກງານ-ສະມາຊິກພັກ ໃຫ້ມີຄວາມຕໍ່ເນື່ອງ ແລະ ຖືກຕ້ອງກັບສະພາບຕົວຈິງ; ກໍ່ສ້າງ ແລະ ພັດທະນາສະມາຊິກພັກ ແລະ ໜ່ວຍພັກຂອງຕົນໃຫ້ມີຄວາມເຂັ້ມແຂງ ພ້ອມກັນຈັດຕັ້ງປະຕິບັດແນວທາງປ່ຽນແປງໃໝ່ໃຫ້ຖືກທິດ, ເພື່ອປະຕິບັດໜ້າທີ່ຂອງຕົນໃຫ້ສຳເລັດຜົນຕາມເປົ້າໝາຍທີ່ພັກ-ລັດວາງອອກໃນແຕ່ລະໄລຍະ.
(ຂ່າວ-ພາບ: ສຳນານ)
ຄໍາເຫັນ