ທີ່ອົງການດັ່ງກ່າວ, ເປັນກຽດກ່າວຮັບໂດຍ ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ, ມອບໂດຍ ທ່ານ ວິສັນ ດາລານິກອນ ພ້ອມດວ້ຍຄະນະ, ເຄື່ອງທີ່ນຳມາມອບໃນຄັ້ງນີ້ແມ່ນເປັນປະເພດ ເຄື່ອງບໍລິໂພກ ຊຶ່ງປະກອບມີ: ໝີ່, ປາກະປ໋ອງ ແລະ ນໍ້າດື່ມ. ເພື່ອນໍາໄປມອບໃຫ້ປະຊາຊົນຜູ້ປະສົບໄພ ແລະ ຜູ້ທຸກຍາກ, ລວມມູນຄ່າເຄື່ອງທີ່ນໍາມາຊ່ວຍເຫຼືອທັງໝົດ ຈຳນວນ 41.600.000 ກີບ.
ໂອກາດດັ່ງກ່າວ, ທ່ານຄຳລາວັນ ຈັນທະລາວັນໄດ້ສະແດງຄວາມຂອບໃຈ ຢ່າງຈິງໃຈ ຕໍ່ທ່ານ ວິສັນ ດາລານິກອນ ທີ່ໄດ້ຕາງໜ້າຄະນະ ໄດ້ນໍາເອົາເຄື່ອງມາມອບໃນຄັ້ງນີ້, ເຄື່ອງທີ່ໄດ້ຮັບໃນຄັ້ງນີ້ ຈະນໍາໄປມອບຕໍ່ໃຫ້ເຖິງມືປະຊາຊົນຜູ້ປະສົບໄພ ແລະ ຜູ້ທຸກຍາກ.
ຈາກນັ້ນ, ທ່ານ ວິສັນ ດາລານິກອນກ່າວວ່າ: ເມື່ອໄດ້ຍິນຂ່າວວ່າ ປະຊາຊົນລາວປະສົບໄພພິບັດທາງທໍາມະຊາດ ກໍໄດ້ຮິບໂຮມປັດໃຈມາຊ່ວຍ ເພື່ອແບ່ງເບົາຄວາມທຸກໂສກດັ່ງກ່າວ ແລະ ຫວັງຢ່າງຍິ່ງວ່າບັນດາປະຊາຊົນລາວ ທີີ່ປະສົບໄພພິບັດຈະກັບຄືນມາດໍາເນີນຊີວິດ ສູ່ສະພາວະປົກກະຕິໂດຍໄວ.
ທ່ານນາງປາເຢ້ງ ຊາລໍ່ ໃນນາມທີ່ເປັນອາສາສະໝັກ ອົງການກາແດງແຫ່ງຊາດລາວ, ແມ່ນຜູ້ປະສານງານກັບທ່ານນາງ ມະນີວັນແກ້ວຕາທີ່ປະເທດການາດາ ຢາກຊ່ວຍເຫຼືອປະຊາຊົນຜູ້ປະສົບໄພພິບັດ ແລະ ຜູ້ທຸກຍາກ, ສະແດງຄວາມຂອບໃຈນໍາພີ່ນ້ອງຄົນລາວ ດໍາລົງຊີວິດທີ່ປະເທດການາດາ ເວົ້າລວມ, ເວົ້າສະເພາະ ແມ່ນທ່ານນາງ ມະນີວັນທີ່ໄດ້ຮິບໂຮມວັດຖຸ, ປັດໄຈ ຊ່ວຍເຫຼືອ ໃນຄັ້ງນີ້ ແລະ ຂໍໃຫ້ປະຊາຊົນທີ່ປະສົບໄພພິບັດເຫຼົ່ານັ້ນ ພົ້ນໄພໂດຍໄວ ແລະ ຂໍອວຍໄຊໃຫ້ພອນແດ່ຄອບຄົວທ່ານນາງມະນີວັນ ແກ້ວຕາແລະ ຜູ້ທີ່ໄດ້ຊ່ວຍເຫຼືອໃນຄັ້ງນີ້ ຈົ່ງມີສຸຂະພາບແຂງແຮງ ປາສະຈາກໂຣກໄພໄຂ້ເຈັບທັງປວງ ແລະ ຂໍໃຫ້ມີໂຊກ, ມີໄຊ ຕະຫຼອດປີ ຕະຫຼອດໄປ. ຖ້າຫາກວ່າທ່ານໃດ, ອົງການໃດຢາກຊ່ວຍເຫຼືອ ຄົນລາວດ້ວຍກັນ ກໍສາມາດຕິດຕໍ່ໄດ້ທີ່ ເຟສອົງການກາແດງແຫ່ງຊາດລາວ ນະຄອນຫຼວງວຽງຈັນ.
(ຂ່າວ-ພາບ: ແສງຈັນ)
ຄໍາເຫັນ