 |
ທ່ານ ສີວອນ ວັນວິໄລ ຫົວໜ້າອົງການເກັບກູ້ລະເບີດແມັກປະຈໍາແຂວງຄໍາມ່ວນ ໄດ້ຜ່ານບົດສະຫຼຸບຜົນການດໍາເນີນງານໂຄງການ ໂດຍໂຄງການໄດ້ຮັບທຶນສະໜັບສະໜູນຈາກກະຊວງການຕ່າງປະເທດນອກແວ (NMFA) ມູນຄ່າກວ່າ 1.5 ລ້ານໂດລາສະຫະລັດ ດໍາເນີນການໃນໄລຍະ ເດືອນສິງຫາ 2022 ຫາ ເດືອນທັນວາ 2025.
ໂຄງການປະກອບມີ 2 ກິດຈະກໍາຫຼັກ ຄື: ການສໍາຫຼວດດ້ານວິຊາການ ແລະ ການກວດກູ້ລະເບີດ. ຜົນການສໍາຫຼວດດ້ານວິຊາການຢູ່ 12 ບ້ານເປົ້າໝາຍ ສາມາດກໍານົດພື້ນທີ່ CHAs ໄດ້ທັງໝົດ 3,414 ເຮັກຕາ ພົບເຫັນ ແລະ ທໍາລາຍລະເບີດ 475 ໜ່ວຍ. ສ່ວນການກວດກູ້ລະເບີດ ດໍາເນີນຢູ່ 9 ບ້ານ ຂອງ 2 ເມືອງ ສາມາດກວດກູ້ພື້ນທີ່ດິນໄດ້ 139.17 ເຮັກຕາ ແລະ ທໍາລາຍລະເບີດທັງໝົດ 1,579 ໜ່ວຍ ພ້ອມທັງສະໜອງຜົນປະໂຫຍດໃຫ້ປະຊາຊົນ 3,236 ຄົນ.
 |
ຈາກນັ້ນ ບັນດາຜູ້ເຂົ້າຮ່ວມກອງປະຊຸມ ໄດ້ຮ່ວມກັນປະກອບຄໍາຄິດເຫັນ ເພື່ອກໍານົດທິດທາງການສືບຕໍ່ໂຄງການໃນອະນາຄົດ. ໃນໂອກາດດຽວກັນ ຍັງໄດ້ມອບໃບຢັ້ງຢືນການກວດກູ້ລະເບີດອອກຈາກພື້ນທີ່ໃຫ້ແກ່ເມືອງ ແລະ ບ້ານເປົ້າໝາຍ ໂດຍການເປັນກຽດມອບຂອງ ທ່ານ ແກ້ວອຸດອນ ບຸດສິງຂອນ.
(ຂ່າວ: ມະນີວັນ)
ຄໍາເຫັນ