ວັນທີ 14 ກຸມພາ ຜ່ານມາ ທີ່ວັດນາໂບສີພັດທະນາຣາມ ເມືອງທ່າແຂກ, ອົງການພຸດທະສາສະໜາສໍາພັນລາວ (ອພສ) ແຂວງຄໍາມ່ວນ ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານ ປະຈຳປີ 2023 ແລະ ວາງທິດທາງແຜນການປີ 2024 ໂດຍການເປັນປະທານຂອງຍາທ່ານ ບຸນທາຍ ຈັນທະໄພຈິດ ປະທານອົງການພຸດທະສາສະໜາສຳພັນລາວແຂວງ, ໂດຍມີທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ, ມີພະເຖລານຸເຖລະ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.
ພະອາຈານ ໄຊຊະນະ ຈັນທະຜາສຸກ ຫົວໜ້າຫ້ອງການ ອພສ ແຂວງ ໄດ້ຜ່ານຮ່າງບົດສະຫຼຸບການເຄື່ອນໄຫວວຽກງານໃນໄລຍະຜ່ານມາ ໂດຍໄດ້ຍົກໃຫ້ເຫັນຜົນງານໃນຫຼາຍດ້ານ, ດ້ານອ່ອນຂໍ້ຄົງຄ້າງທີ່ຈະໄດ້ແກ້ໄຂ ແລະ ວຽກງານຈຸດສຸມທີ່ຕ້ອງໄດ້ສືບຕໍ່ປະຕິບັດໃນຕໍ່ໜ້າ. ທົ່ວແຂວງຄໍາມ່ວນມີພະສົງ-ສາມະເນນທັງໝົດ 1.010 ອົງ. ນອກນັ້ນ, ຍັງໄດ້ຍົກໃຫ້ເຫັນຜົນງານການເຄື່ອນໄຫວ ວຽກງານການສຶກສາສົງ, ວຽກງານເຜີຍແຜ່ສິນລະທໍາ ແລະ ປະຕິບັດກໍາມະຖານ, ວຽກງານກໍາມາທິການສາທາລະນຸປະການ ແລະ ກໍາມາທິການຕ່າງປະເທດ ພ້ອມດຽວກັນນັ້ນ, ບັນດາຜູ້ເຂົ້າຮ່ວມຍັງໄດ້ປະກອບຄໍາຄິດເຫັນເຂົ້າໃສ່ເນື້ອໃນບົດສະຫຼຸບ ແລະ ທິດທາງແຜນການ ເພື່ອຍົກສູງຄວາມເປັນເອກະພາບທາງດ້ານເນື້ອໃນທີ່ຈະນໍາໄປຈັດຕັ້ງປະຕິບັດໃນຕໍ່ໜ້າໃຫ້ມີປະສິດທິຜົນ.
ໂອກາດນີ້, ທ່ານ ເຈົ້າແຂວງ ຄໍາມ່ວນ ໄດ້ເນັ້ນໜັກໃຫ້ຄະນະນໍາ ອພສ ແຂວງ ເອົາໃຈໃສ່ໃນການແກ້ໄຂບັນດາບັນຫາຂໍ້ຄົງຄ້າງຜ່ານມາ, ເປັນຕົ້ນແມ່ນການຄຸ້ມຄອງ - ບໍລິຫານ, ການປັບປຸງບູລະນະປະຕິສັງຂອນວັດວາອາຣາມ, ສ້າງຄວາມເຫຼື້ອມໃສສັດທາໃນພຸດທະສາສະນາ, ໄປຄຽງຄູ່ກັບການເອົາໃຈໃສ່ຄຸ້ມຄອງພະສົງ, ສໍາມະເນນ ແລະ ການອົບຮົມເທດສະໜາສັ່ງສອນໃຫ້ພະສົງ-ສໍາມະເນນຕັ້ງຕົນຢູ່ໃນຫຼັກພະທັມມະວິໄນ, ຫຼັກສິນທັມ ແລະ ໃຫ້ເຄົາລົບນັບຖືລະບຽບການ, ກົດໝາຍຂອງບ້ານເມືອງຢ່າງເຄັ່ງຄັດ, ໂດຍຢຶດຫຼັກພະທັມມະວິໄນ, ພ້ອມກັນນັ້ນ ຍັງໄດ້ຮຽກຮ້ອງໃຫ້ບັນດາພາກສ່ວນອົງການພາຄີ ຈົ່ງໄດ້ໃຫ້ການປະສານສົມທົບ ແລະ ໃນການພັດທະນາວຽກງານອົງການພຸດທະສາສະໜາ ໂດຍຕິດພັນກັບການໂຄສະນາສະຖານທີ່ທາງດ້ານວັດທະນະທໍາ ອັນເປັນມໍລະດົກທີ່ບັນພະບຸລຸດໄດ້ສ້າງໄວ້ ເຮັດໃຫ້ການພັດທະນາວຽກງານສາສະໜາ ຕິດພັນກັບການພັດທະນາເສດຖະກິດ-ສັງຄົມ.
(ຂ່າວ: ມະນີວັນ)
ພະອາຈານ ໄຊຊະນະ ຈັນທະຜາສຸກ ຫົວໜ້າຫ້ອງການ ອພສ ແຂວງ ໄດ້ຜ່ານຮ່າງບົດສະຫຼຸບການເຄື່ອນໄຫວວຽກງານໃນໄລຍະຜ່ານມາ ໂດຍໄດ້ຍົກໃຫ້ເຫັນຜົນງານໃນຫຼາຍດ້ານ, ດ້ານອ່ອນຂໍ້ຄົງຄ້າງທີ່ຈະໄດ້ແກ້ໄຂ ແລະ ວຽກງານຈຸດສຸມທີ່ຕ້ອງໄດ້ສືບຕໍ່ປະຕິບັດໃນຕໍ່ໜ້າ. ທົ່ວແຂວງຄໍາມ່ວນມີພະສົງ-ສາມະເນນທັງໝົດ 1.010 ອົງ. ນອກນັ້ນ, ຍັງໄດ້ຍົກໃຫ້ເຫັນຜົນງານການເຄື່ອນໄຫວ ວຽກງານການສຶກສາສົງ, ວຽກງານເຜີຍແຜ່ສິນລະທໍາ ແລະ ປະຕິບັດກໍາມະຖານ, ວຽກງານກໍາມາທິການສາທາລະນຸປະການ ແລະ ກໍາມາທິການຕ່າງປະເທດ ພ້ອມດຽວກັນນັ້ນ, ບັນດາຜູ້ເຂົ້າຮ່ວມຍັງໄດ້ປະກອບຄໍາຄິດເຫັນເຂົ້າໃສ່ເນື້ອໃນບົດສະຫຼຸບ ແລະ ທິດທາງແຜນການ ເພື່ອຍົກສູງຄວາມເປັນເອກະພາບທາງດ້ານເນື້ອໃນທີ່ຈະນໍາໄປຈັດຕັ້ງປະຕິບັດໃນຕໍ່ໜ້າໃຫ້ມີປະສິດທິຜົນ.
ໂອກາດນີ້, ທ່ານ ເຈົ້າແຂວງ ຄໍາມ່ວນ ໄດ້ເນັ້ນໜັກໃຫ້ຄະນະນໍາ ອພສ ແຂວງ ເອົາໃຈໃສ່ໃນການແກ້ໄຂບັນດາບັນຫາຂໍ້ຄົງຄ້າງຜ່ານມາ, ເປັນຕົ້ນແມ່ນການຄຸ້ມຄອງ - ບໍລິຫານ, ການປັບປຸງບູລະນະປະຕິສັງຂອນວັດວາອາຣາມ, ສ້າງຄວາມເຫຼື້ອມໃສສັດທາໃນພຸດທະສາສະນາ, ໄປຄຽງຄູ່ກັບການເອົາໃຈໃສ່ຄຸ້ມຄອງພະສົງ, ສໍາມະເນນ ແລະ ການອົບຮົມເທດສະໜາສັ່ງສອນໃຫ້ພະສົງ-ສໍາມະເນນຕັ້ງຕົນຢູ່ໃນຫຼັກພະທັມມະວິໄນ, ຫຼັກສິນທັມ ແລະ ໃຫ້ເຄົາລົບນັບຖືລະບຽບການ, ກົດໝາຍຂອງບ້ານເມືອງຢ່າງເຄັ່ງຄັດ, ໂດຍຢຶດຫຼັກພະທັມມະວິໄນ, ພ້ອມກັນນັ້ນ ຍັງໄດ້ຮຽກຮ້ອງໃຫ້ບັນດາພາກສ່ວນອົງການພາຄີ ຈົ່ງໄດ້ໃຫ້ການປະສານສົມທົບ ແລະ ໃນການພັດທະນາວຽກງານອົງການພຸດທະສາສະໜາ ໂດຍຕິດພັນກັບການໂຄສະນາສະຖານທີ່ທາງດ້ານວັດທະນະທໍາ ອັນເປັນມໍລະດົກທີ່ບັນພະບຸລຸດໄດ້ສ້າງໄວ້ ເຮັດໃຫ້ການພັດທະນາວຽກງານສາສະໜາ ຕິດພັນກັບການພັດທະນາເສດຖະກິດ-ສັງຄົມ.
(ຂ່າວ: ມະນີວັນ)
ຄໍາເຫັນ